جائیداد کی جعلی رجسٹری کے گواہان ہوشیار
اشاعت کی تاریخ: 3rd, January 2026 GMT
سٹی42: جائیداد کی جعلی رجسٹری کے مقدمے میں نامزد تین گواہان کی ضمانت سے متعلق درخواستوں پر سماعت مکمل ہونے کے بعد اینٹی کرپشن کورٹ نے اہم فیصلہ سنا دیا۔
عدالت نے خضر منیر، نصیر احمد اور عمر یونس کی ضمانت کی درخواستیں منظور کرتے ہوئے انہیں ایک ایک لاکھ روپے کے ضمانتی مچلکے جمع کرانے کا حکم دے دیا۔ تینوں ملزمان نے جیل سے ضمانت کی درخواستیں دائر کی تھیں۔
لاہور سمیت پنجاب کے مختلف علاقوں میں شدید دھند، الرٹ جاری
مقدمے کے مطابق ملزمان پر الزام ہے کہ انہوں نے جعلی رجسٹری کی تیاری میں معاونت کی اور بطور گواہ جعلی دستاویز پر دستخط کیے۔ اینٹی کرپشن اسٹیبلشمنٹ نے اس معاملے پر باقاعدہ مقدمہ درج کر رکھا ہے۔
عدالت نے ضمانت منظور کرتے ہوئے قرار دیا کہ مقدمے کی مزید کارروائی ٹرائل کے دوران مکمل کی جائے گی جبکہ ملزمان کو قانون کے مطابق عدالتی احکامات کی پابندی کرنا ہوگی۔
ذریعہ
ذریعہ: City 42
کلیدی لفظ: سٹی42
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا