وینزویلا کے صدر کو امریکا میں مقدمے کا سامنا کرنے کے لیے تحویل میں لیا، امریکی وزیر خارجہ مارکو روبیو
اشاعت کی تاریخ: 3rd, January 2026 GMT
امریکی وزیر خارجہ مارکو روبیو نے یوٹاہ کے ریپبلکن سینیٹر مائیک لی کو بتایا ہے کہ وینزویلا کے صدر نکولس مادورو کو امریکی اہلکاروں نے گرفتار کر لیا ہے اور انہیں مجرمانہ الزامات پر امریکا میں مقدمے کا سامنا کرنے کے لیے تحویل میں لے لیا گیا ہے۔
سینیٹر مائیک لی نے ہفتے کی صبح سوشل میڈیا پلیٹ فارم ایکس (سابقہ ٹوئٹر) پر لکھا کہ روبیو نے انہیں آگاہ کیا کہ مادورو کی گرفتاری کے دوران نظر آنے والی “کائنیٹک کارروائی” دراصل گرفتاری کے وارنٹ پر عمل درآمد کرنے والے اہلکاروں کے تحفظ اور دفاع کے لیے کی گئی۔
یہ بھی پڑھیے: وینزویلا غیر ملکی فوجیوں کی موجودگی کی مزاحمت کرے گا: وزیر دفاع
مائیک لی کے مطابق یہ اقدام امریکی آئین کے آرٹیکل ٹو کے تحت صدر کے اختیارات میں آتا ہے، جس کا مقصد امریکی اہلکاروں کو کسی حقیقی یا فوری خطرے سے بچانا ہے۔ سینیٹر نے مزید کہا کہ روبیو کے بقول مادورو کے امریکی تحویل میں آ جانے کے بعد وینزویلا میں مزید کسی کارروائی کی توقع نہیں۔
یہ بھی پڑھیے: وینزویلا پر امریکا کا حملہ، صدر نکولس مادورو اور انکی اہلیہ کو حراست میں لے لیا، صدر ٹرمپ کا دعویٰ
سی این این نے اس معاملے پر امریکی محکمہ خارجہ سے مؤقف جاننے کے لیے رابطہ کیا ہے۔
واضح رہے کہ اس سے قبل ہفتے کی صبح سینیٹر مائیک لی نے اس کارروائی پر تحفظات کا اظہار کرتے ہوئے ایکس پر لکھا تھا کہ وہ یہ جاننے کے منتظر ہیں کہ جنگ کے اعلان یا فوجی طاقت کے استعمال کی اجازت کے بغیر اس اقدام کو آئینی طور پر کیسے جائز قرار دیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی صدر ڈونلڈ ٹرمپ وینزویلا.
ذریعہ
ذریعہ: WE News
کلیدی لفظ: امریکا امریکی صدر ڈونلڈ ٹرمپ وینزویلا مائیک لی کے لیے
پڑھیں:
پیٹرولیم مصنوعات کی قیمتوں کاروزانہ تعین ; سینٹ میں توجہ دلاؤ نوٹس جمع
سٹی 42: سینیٹر کامران مرتضیٰ نے پیٹرولیم مصنوعات کی قیمتوں کے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔
توجہ دلاؤ نوٹس میں وفاقی حکومت کے پندرہ روزہ نظام کے بجائے روزانہ قیمتوں کے تعین کے مجوزہ فیصلے پر وضاحت طلب کی گئی۔سینیٹر کامران مرتضیٰ نے روزانہ قیمتوں کے تعین کے ممکنہ مہنگائی پر اثرات پر تشویش کا اظہار کیا۔
نوٹس متن کے مطابق مجوزہ نظام سے ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے،توجہ دلاؤ نوٹس میں کاروباری سرگرمیوں اور عوامی زندگی کے اخراجات پر ممکنہ اثرات سے متعلق سوالات اٹھائے گئے۔سینیٹر کامران مرتضیٰ نے حکومت سے مجوزہ پالیسی کی وجوہات اور نفاذ کے طریقہ کار کی تفصیلات طلب کر لیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
نوٹس میں صارفین کو قیمتوں کے غیر معمولی اتار چڑھاؤ سے تحفظ دینے کے لیے مجوزہ اقدامات سے بھی آگاہ کرنے کا مطالبہ کیا گیا۔سینیٹر کامران مرتضیٰ نے حکومت سے عوام کو ممکنہ منفی اثرات سے بچانے کے لیے حفاظتی اقدامات کی تفصیلات سینیٹ میں پیش کرنے کا مطالبہ کیا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا