بالیاں نوچنے والی دو خواتین کا جھپٹا مار گینگ گرفتار
اشاعت کی تاریخ: 3rd, January 2026 GMT
بی بی پاک دامن سید تحسین گیلانی کی قیادت میں پولیس نے شیرا کوٹ کے علاقے میں کارروائی کے دوران ایک جھپٹا مار گینگ کی دو خواتین ملزمان کو گرفتار کیا۔ یہ خواتین سی سی ٹی وی فوٹیج کے ذریعے ٹریس کی گئیں، جہاں انہیں بالیاں نوچتے ہوئے دیکھا جا سکتا ہے۔
پولیس کے مطابق، خواتین ملزمان سے چوری شدہ بالیاں اور ایک موبائل فون بھی برآمد کیا گیا، جو دربار سے چوری کیا گیا تھا۔ گرفتار خواتین کے قبضے سے تقریباً 2 لاکھ روپے مالیت کا چوری شدہ سامان برآمد ہوا ہے۔ مزید یہ کہ خواتین ملزمان شبانہ اور ممتاز کا سابقہ چوری کے مقدمات میں ریکارڈ بھی موجود ہے۔
ایس پی سِول لائنز، چوہدری اثر علی نے کہا کہ عوام الناس کی جان و مال کی حفاظت پولیس کی اولین ترجیح ہے، اور اس نوعیت کے جرائم کے خلاف کارروائی جاری رہے گی۔ اس وقت ملزمان کے خلاف مقدمہ درج کر کے تفتیش کا آغاز کر دیا گیا ہے۔
ذریعہ
ذریعہ: Daily Mumtaz
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
وزارت آئی ٹی نے 1.67 ارب روپے سے زاید کے فنڈز طلب کرلیے