مستفیض الرحمان کو دھمکیاں، بنگلہ دیش کا ٹی20 ورلڈکپ کے میچز بھارت سے سری لنکا منتقل کرنے پر غور
اشاعت کی تاریخ: 3rd, January 2026 GMT
بنگلہ دیش کے فاسٹ بولر مستفیض الرحمان کو ہندو انتہا پسندوں کی دھمکیوں پر انڈین پریمئیر لیگ (آئی پی ایل) سے ریلیز کرنے کے بھارتی بورڈ کے فیصلے کے بعد، بنگلہ دیش کرکٹ بورڈ (بی سی بی) ٹی 20 ورلڈکپ میں اپنے میچز بھارت کی بجائے سری لنکا منتقل کرنے پر غور کر رہا ہے۔
بنگلہ دیشی میڈیا کے مطابق، بی سی بی نے مستفیض الرحمان کے معاملے پر فوری مشاورت کا فیصلہ کیا ہے، جس میں بھارتی بورڈ کی جانب سے کھلاڑی کو آئی پی ایل سے ریلیز کرنے کے عمل کا جائزہ لیا جائے گا۔
یہ بھی پڑھیے: بنگلہ دیش کرکٹ بورڈ کا قومی ٹیم کے اعزاز میں عشائیہ، محسن نقوی کی بھی شرکت
بی سی بی کے صدر امین الاسلام نے کہا کہ بورڈ میٹنگ فوری طور پر بلانا ممکن نہیں، لیکن مشاورت جاری ہے۔ ان کا کہنا تھا کہ کرکٹرز کی حفاظت اور سیکیورٹی اولین ترجیح ہے اور مشاورت سے اصل حقائق سامنے آئیں گے۔ انہوں نے مزید کہا کہ متعلقہ ڈیپارٹمنٹس سے بھی رابطے میں ہیں تاکہ کسی بھی خطرے سے بچا جا سکے۔
میڈیا رپورٹس کے مطابق بنگلہ دیش کرکٹ بورڈ آئی سی سی سے بھی سیکیورٹی کی یقین دہانی حاصل کرے گا اور اس بات پر زور دیا گیا ہے کہ کھلاڑیوں کی حفاظت پر کوئی سمجھوتہ نہیں کیا جائے گا۔ بی سی بی کے پاس یہ آپشن بھی موجود ہے کہ ٹی20 ورلڈکپ میں اپنے میچز سری لنکا میں منتقل کرے۔
یہ بھی پڑھیے: آئی پی ایل کی برانڈ ویلیو کتنی کم ہوگئی؟ رپورٹ جاری
خیال رہے کہ بھارتی بورڈ نے ہندو انتہا پسندوں کے دباؤ میں آ کر مستفیض الرحمان کو کولکتہ نائٹ رائیڈرز سے ریلیز کرنے کی ہدایت کی تھی، جس کے بعد کھلاڑی آئی پی ایل سے خارج کر دیا گیا۔ انتہا پسند رہنماؤں اور سیاستدانوں نے بنگلہ دیش کے کھلاڑیوں کو بھارت میں نہ کھیلانے کا مطالبہ کیا تھا۔
آئی سی سی ٹی20 ورلڈکپ 7 فروری سے بھارت اور سری لنکا میں شروع ہو رہا ہے۔ بنگلہ دیش گروپ سی میں شامل ہے، جہاں اس کے 4 میچز میں سے 3 کولکتہ اور ایک ممبئی میں شیڈولڈ ہیں۔ پاکستان گروپ اے میں شامل ہے اور اپنی تمام میچز سری لنکا میں کھیلے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل آئی سی سی کرکٹ مستفیض الرحمان.
ذریعہ
ذریعہ: WE News
کلیدی لفظ: آئی پی ایل کرکٹ مستفیض الرحمان مستفیض الرحمان آئی پی ایل بنگلہ دیش سری لنکا
پڑھیں:
اسمبلی کارروائی پیپر لیس کرنے کیلئے پنجاب اسمبلی میں جدید ٹیبلٹس کی تنصیب
پنجاب اسمبلی (فائل فوٹو)۔اسمبلی کارروائی پیپر لیس کرنے کے لیے پنجاب اسمبلی میں ارکان کے لیے جدید ٹیبلٹس انسٹال کر دییے گئے۔
لاہور سے ترجمان پنجاب اسمبلی کےمطابق صوبائی اسمبلی کا اگلا اجلاس پیپر لیس ہو گا، 380 ٹیبلٹس یورپین یونین کے آئی پی 5 پروگرام کے تحت پنجاب اسمبلی کو فراہم کیے گئے۔
ترجمان کے مطابق ایپلیکیشن پی آئی ٹی بی نے محکمہ قانون اور اسمبلی آئی ٹی ٹیم کی مشاورت سے تیار کیا، جو صرف اسمبلی کارروائی کے لیے ہے۔
چوہدری عامر حبیب کے مطابق اس فیصلہ سے گرین انرجی کے تحت توانائی کی بچت بھی ہو گی۔
وزارت آئی ٹی نے 1.67 ارب روپے سے زاید کے فنڈز طلب کرلیے