کراچی میں مشرف اور ایم کیو ایم کا دور اچھا تھا، اداکارہ صرحا اصغر
اشاعت کی تاریخ: 3rd, January 2026 GMT
پاکستانی اداکارہ صرحا اصغر نے شوبز انڈسٹری میں آنے والے نئے فنکاروں پر تنقید کرتے ہوئے کہا ہے کہ آج کل کئی نووارد اداکارائیں اداکاری کے فن پر محنت کرنے کے بجائے اپنی ظاہری شکل و صورت کو زیادہ اہمیت دیتی ہیں۔
ہٹ ڈرامہ جانِ جہاں میں کردار ادا کرنے والی صرحا اصغر نے ایک پوڈکاسٹ میں بطور مہمان شرکت کے دوران انڈسٹری سے متعلق کھل کر اظہارِ خیال کیا۔ ان کا کہنا تھا کہ بعض نئی اداکارائیں میک اپ چیئر چھوڑنے کو تیار نہیں ہوتیں، مکالمے یاد نہیں کرتیں اور سیٹ پر پیشہ ورانہ سنجیدگی کا مظاہرہ نہیں کرتیں، جو ایک فنکار کے لیے نہایت افسوسناک ہے۔
یہ بھی پڑھیے: شادی برقرار ہے یا نہیں؟ اداکارہ مہربانو نے ازدواجی حیثیت سے متعلق خبروں پر خاموشی توڑ دی
سیاسی صورتحال اور کراچی کی تاریخ پر بات کرتے ہوئے صرحا اصغر نے کہا کہ جنرل پرویز مشرف کا دور کراچی کے لیے نسبتاً بہتر تھا۔ ان کا کہنا تھا کہ ایم کیو ایم کے اثر و رسوخ کے دور میں بھی کچھ مثبت پہلو موجود تھے، جب ایک کال پر پورا شہر بند ہو جاتا تھا اور ایک خاص قسم کی نظم و ضبط کی فضا تھی۔
انہوں نے مزید کہا کہ وہ خود اسی ماحول میں پلی بڑھی ہیں اور اگرچہ آج کراچی کی صورتحال بدل چکی ہے، مگر اس دور کا نظم و ضبط اب نظر نہیں آتا۔
صرحا اصغر نے ایم کیو ایم پاکستان کو بدنام کرنے پر بھی تنقید کی اور کہا کہ دنیا کے بڑے شہروں، حتیٰ کہ نیویارک میں بھی ایسی گلیاں موجود ہیں جہاں لوگ جانے سے گھبراتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
کراچی میں کھلے مین ہول میں گر کر 7 سالہ بچہ جاں بحق
شہر قائد کے علاقے مواچھ گوٹھ میں کھلے مین ہول میں گر کر 7 سالہ بچہ جاں بحق ہوگیا۔
ایکسپریس نیوز کے مطابق مواچھ گوٹھ کے نور شاہ محلے میں 7 سالہ بچہ کھلے مین ہول میں گرکر جاں بحق ہوا جس کی شناخت جہانگیر کے نام سے کی گئی۔
ایس ایچ او موچکو واقعے کی تصدیق کی اور بتایا کہ بچہ گھر کے قریب کھیلتے ہوئے کھلے مین ہول میں گرا۔
کھلے مین ہول میں گرکر بچے کی ہلاکت پر اہل خانہ شدت غم سے نڈھال ہوگئے اور واقعے کے بعد علاقہ مکینوں میں شدید اشتعال پھیل گیا۔
مواچھ گوٹھ میں کھلے مین ہول میں گرنے سے بچے کی ہلاکت کے بعد علاقہ مکینوں نے بچے کی میت رکھ کر احتجاج کیا اور حب ریور روڈ و ناردرن بائی پاس پر ٹریفک کو بند کردیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا