دوکروڑ بچے اسکولوں سے باہر، سنگین تعلیمی بحران کی نشاندہی ہے‘بشیر فاروقی
اشاعت کی تاریخ: 3rd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک) سیلانی ویلفیئر انٹرنیشنل ٹرسٹ کے بانی اور چیئرمین مولانا بشیر فاروق قادری نے ہاوس ہولڈ انٹیگریٹڈ اکنامک سروے کی اس رپورٹ پر گہری تشویش کا اظہار کیا ہے کہ جس میں کہا گیا ہے دو کروڑپاکستانی بچے اب بھی اسکولوں سے باہرہیں ۔ایک بیان میں انہوں نے کہا کہ یہ اعداد و شمار ایک نہایت سنگین تعلیمی بحران کی نشاندہی کر رہے ہیں۔ ملک کے 28 فیصد بچوں کا اسکولوں سے باہر ہونے کی رپورٹ سے ثابت ہوتا ہے کہ سرکاری اسکولوں میں سہولیات کی کمی، ناقص تعلیمی معیار اور اساتذہ کی عدم دستیابی والدین کو مجبور کر رہی ہے کہ وہ اپنے بچوں کو سرکاری اسکولوں میں داخل نہ کروائیں ۔انہوں نے کہا کہ رپورٹ کے مطابق ہر دس میں سے تین بچے اسکول سے باہر ہونے کا مطلب ہے کہ معتبر فلاحی ادارے یہ بوجھ حکومت کے تعاون سے آسانی سے اٹھاسکتے ہیں۔اس مقصد کے لیے این جی اوز کے نیٹ ورک کو متحرک کیا جاسکتا ہے اور سیلانی اپنی خدمات پیش کرنے کو تیار ہے۔انہوں نے کہا کہ پنجاب میں حکومت اسکول سے باہر بچوں کو اسکول میں لانے میں ناکام رہی اور اس کا 21فیصد کا تناسب برقرار ہے جبکہ سندھ اور کے پی کے میں صرف تین فیصد اوربلوچستان میں چار فیصد بچوں کو اسکولوں میں داخلہ دے دیا گیا۔ انہوں نے کہا کہ اگر حکومت پبلک پرائیویٹ پارٹنرشپ کے تحت معتبر فلاحی اداروں کے ساتھ تعاون کرے تو اس بحران پر قابو پایا جا سکتا ہے۔
ذریعہ
ذریعہ: Jasarat News
کلیدی لفظ: انہوں نے کہا کہ سے باہر
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ