ایران کیخلاف امریکی دھمکی مکر و فریب اور جارحیت کا اظہار ہے، راجا ناصر عباس
اشاعت کی تاریخ: 3rd, January 2026 GMT
ایک ٹویٹ میں علامہ راجا ناصر عباس نے ڈونلڈ ٹرمپ کی خارجہ پالیسی کی طرف اشارہ کرتے ہوئے لکھا کہ ایران کو دھمکی دینا اور وینزویلا پر فوجی حملے، بے باک رویّے اور بین الاقوامی قوانین کی خلاف ورزی کو ظاہر کرتے ہیں۔ اسلام ٹائمز۔ مجلس وحدت مسلمین پاکستان کے سربراہ سینیٹر علامہ راجا ناصر عباس جعفری نے ایران کے خلاف ٹرمپ کی دھمکیوں کو مکر و فریب اور جارحیت کا اظہار قرار دیا ہے۔ تسنیم نیوز ایجنسی کے علاقائی دفتر کی رپورٹ کے مطابق انہوں نے ڈونلڈ ٹرمپ کی ایران کے خلاف حالیہ دھمکیاں اور معاندانہ پالیسیاں سفارت کاری کے بجائے دنیا کو بے وجہ تنازعات کی طرف لے جا رہی ہیں۔ ایک ٹویٹ میں انہوں نے ڈونلڈ ٹرمپ کی خارجہ پالیسی کی طرف اشارہ کرتے ہوئے لکھا کہ ایران کو دھمکی دینا اور وینزویلا پر فوجی حملے، بے باک رویّے اور بین الاقوامی قوانین کی خلاف ورزی کو ظاہر کرتے ہیں۔
ان کا کہنا تھا کہ ٹرمپ طاقت کی نمائش کے ذریعے اپنے اندرونی بحرانوں کو چھپانے کی کوشش کر رہا ہے، جبکہ وہ سفارت کاری پر ذاتی مفادات کو ترجیح دیتا ہے۔ مجلس وحدت مسلمین پاکستان کے سربراہ نے مزید کہا کہ ٹرمپ کی دھمکیوں کا مطلب منافقانہ نیرنگ اور زور و طاقت کی نمائش کے سوا کچھ نہیں، اور یہ پالیسیاں بین الاقوامی استحکام کو خطرے میں ڈال سکتی ہیں، دنیا کو ٹرمپ کے ان اقدامات کے سامنے نہیں جھکنا چاہیے، دھمکی اور تشدد کی نمائش مسئلے کا حل نہیں اور یہ صرف کشیدگی بڑھانے کا باعث بن سکتی ہے۔ ڈونلڈ ٹرمپ، امریکہ کے صدر نے حالیہ مہینوں میں بارہا ایران اور دیگر ممالک، جن میں وینزویلا بھی شامل ہے، کے خلاف جارحانہ اور دھمکی آمیز پالیسیاں اپنا رکھی ہیں، جن میں فوجی اقدامات کی دھمکی اور اقتصادی دباؤ شامل ہیں، جنہیں عالمی سطح پر وسیع ردِعمل کا سامنا رہا ہے۔
ذریعہ
ذریعہ: Islam Times
کلیدی لفظ: ڈونلڈ ٹرمپ کی دھمکی ٹرمپ کی
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا