پاکستان ریلویز میں آؤٹ سورسنگ ،8 ریل گاڑیوں کی بولی میں کسی بھی کمپنی نے حصہ ہی نہیں لیا
اشاعت کی تاریخ: 4th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد( مانیٹرنگ ڈیسک)پاکستان ریلویز میں11 ریل گاڑیوں کی آؤٹ سورسنگ کا معاملہ ، 11میں سے صرف3 ریل گاڑیوں کی نیلامی ہو سکی باقی 8 ریل گاڑیوں کی بولی میں کسی بھی کمپنی نے حصہ ہی نہیں لیا۔ایکسپریس نیوز کو پاکستان ریلویز ذرائع سے ملنے والی معلومات کے مطابق گزشتہ ماہ پاکستان ریلویز نے مسافروں کو جدید سفری سہولیات فراہم کر نے کے لیے ریل گاڑیوں کی آؤٹ سورسنگ کا سلسلہ شروع کر
رکھا ہے۔11 ریل گاڑیوں میں سے صرف3 ریل گاڑیوں جن میں میاں والی ایکسپریس 54 کروڑ20 لاکھ10 ہزار روپے کی بولی ملی جبکہ بدر ایکسپریس اور غوری ایکسپریس بالترتیب 31 کروڑ 30 لاکھ 5 ہزار کی بولی پاکستان ریلویز انتظامیہ کو ملی۔نجی کمپنی این سی ایس نے یہ بولیاں دی جبکہ باقی کسی کمپنی نے بولی نہیں لگائی جبکہ ریلوے ذرائع کے مطابق تھل ایکسپریس، فیض احمد فیض ایکسپریس، موہنجوڈرو ایکسپریس، راوی ایکسپریس، فرید ایکسپریس، ملت ایکسپریس، بہاالدین زکریا ایکسپریس، اور ہزارہ ایکسپریس ریل گاڑیوں کی نیلامی ہوئی مگر کسی کمپنی نے بولی نہیں دی۔جن ریل گاڑیوں کی نیلامی میں بولی یعنی آفر ملی اس کی منظور ی ریلوے انتظامیہ رواں ماہ ہی دے گی۔یاد رہے کہ پہلے بھی آؤٹ سورسنگ کے حوالے سے نیلامی ہوئی تھی جس کو وزیر ریلوے حنیف عباسی نے منسوخ کر دیا تھا اب ان ریل گاڑیوں کی دوبارہ نیلامی ہوئی ہے۔8 ریل گاڑیوں کی نیلامی نہ ہونے کے حوالے سے ذرائع کا کہنا ہے کہ پاکستان ریلویز کی جانب سے جو قیمت مقرر کی گئی ہے وہ بہت زیادہ ہے یہی وجہ ہے کہ ان ریل گاڑیوں کی بولی نہیں ہو سکی جب اس سلسلے میں وفاقی وزیر ریلوے حنیف عباسی سے بات چیت کی گئی تو انہوں نے کہا کہ پاکستان ریلویز میں ہر کام میرٹ پر ہو رہا ہے۔مسافروں کو زیادہ سے زیادہ سفری سہولیات فراہم کرنے کے لیے ہی ایسے اقدامات کیے جا رہے ہیں آؤٹ سورسنگ کے معاملے کو بھی صاف شفاف انداز میں کیا جا رہا ہے۔ پاکستان ریلویز کی آمدن میں بھی اضافہ ہوا ہے آؤٹ سورسنگ سے یہ بات نہیں کہ نجی کمپنی مالک بن گئی بلکہ اس کو ہر طرح سے چیک اینڈ بیلنس کے ساتھ چلائیں گے جو ایس او پیز بنائے گئے ہیں ان پر عملدرآمد ہو گا۔
ذریعہ
ذریعہ: Jasarat News
کلیدی لفظ: پاکستان ریلویز نیلامی ہو کی بولی
پڑھیں:
ورلڈ کپ تیاریوں کے لیے سست وکٹوں پر تنقید مسترد، مائیک ہیسن کا دوٹوک مؤقف
پاکستان کرکٹ ٹیم کے وائٹ بال ہیڈ کوچ مائیک ہیسن نے آسٹریلیا کے خلاف جاری ون ڈے سیریز میں استعمال ہونے والی اسپن فرینڈلی وکٹوں پر ہونے والی تنقید کو مسترد کرتے ہوئے کہا ہے کہ سنہ 2027 ورلڈ کپ کی تیاریوں کے لیے ٹیم کی حکمت عملی جامع تحقیق اور مختلف حالات کے جائزے پر مبنی ہے۔
یہ بھی پڑھیں: ون ڈے ٹیم کی تشکیل پر مسلسل کام جاری، ورلڈ کپ کو ہدف بنایا لیا، مائیک ہیسن
پاکستان نے 3 میچوں کی سیریز کے پہلے ون ڈے میں کم اسکور والے سنسنی خیز مقابلے کے بعد 0-1 کی برتری حاصل کر رکھی ہے تاہم بعض کرکٹ مبصرین نے سوال اٹھایا تھا کہ آیا سست اور اسپن بولنگ کے لیے سازگار وکٹیں ٹیم کو 2027 کے ورلڈ کپ کے لیے مؤثر تیاری فراہم کر سکیں گی یا نہیں۔
سوشل میڈیا پلیٹ فارم ایکس پر اپنے بیان میں مائیک ہیسن نے کہا کہ یہ تصور درست نہیں کہ جنوبی افریقا کی تمام وکٹیں تیز اور باؤنس والی ہوتی ہیں۔
انہوں نے لکھا کہ میں یہ باتیں سن رہا ہوں کہ پاکستان میں موجودہ وکٹیں جنوبی افریقہ میں ہونے والے ورلڈ کپ کی تیاری کے لیے موزوں نہیں ہیں لیکن حقیقت اس سے مختلف ہے۔
I've been hearing a bit of chatter about the pitches here in Pakistan not being the ideal preparation for the World Cup in South Africa. It’s actually a topic I talked about on the latest #PCB podcast.
Firstly the World Cup is jointly hosted in South Africa, Zimbabwe and…
— Mike Hesson (@CoachHesson) June 1, 2026
ہیسن نے یاد دلایا کہ سنہ 2027 کا آئی سی سی مینز کرکٹ ورلڈ کپ صرف جنوبی افریقا میں نہیں بلکہ زمبابوے اور نمیبیا میں بھی کھیلا جائے گا جہاں متعدد میدانوں پر اسپنرز کو نمایاں مدد ملتی ہے۔
مزید پڑھیے: ورلڈ کپ سے قبل پاور پلے اور مڈل اوورز میں بہتری ضروری ہے، ہیڈ کوچ مائیک ہیسن
انہوں نے کہا کہ زمبابوے اور نمیبیا میں ایسے کئی وینیوز موجود ہیں جہاں اسپن ایک اہم عنصر ہوتا ہے اور پاکستان کو وہاں بھی میچز کھیلنے ہیں۔
پاکستانی ٹیم کے ہیڈ کوچ نے سال 2024 میں جنوبی افریقا کے دورے کا حوالہ دیتے ہوئے کہا کہ پارل میں کھیلے گئے ون ڈے میچ میں بھی اسپن بولنگ نے اہم کردار ادا کیا تھا جو اس بات کا ثبوت ہے کہ جنوبی افریقہ کی تمام وکٹوں کو یکساں طور پر تیز اور باؤنس والی قرار نہیں دیا جا سکتا۔
انہوں نے مزید کہا کہ یہ تاثر کہ جنوبی افریقا کی ہر وکٹ رفتار اور باؤنس کے لیے مشہور ہے حقیقت پر مبنی نہیں۔
مزید پڑھیں: دوسرا ون ڈے: آسٹریلیا کی پاکستان کے خلاف بیٹنگ جاری
نیوزی لینڈ سے تعلق رکھنے والے کوچ نے شائقین کو یقین دلایا کہ ٹیم مینجمنٹ نے ورلڈ کپ کے حوالے سے تفصیلی تحقیق کی ہے اور آئندہ 18 ماہ کے دوران مختلف حالات اور وکٹوں پر کھیلنے کی بھرپور تیاری کی جائے گی تاکہ پاکستان عالمی ایونٹ کے لیے ہر ممکن طور پر تیار ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کی اسپن فرینڈلی وکٹس پاکستان کی سلو وکٹس پاکستانی پچز پاکستانی وکٹس مائیک ہیسن ورلڈ کرکٹ کپ 2027
وزارت آئی ٹی نے 1.67 ارب روپے سے زاید کے فنڈز طلب کرلیے