وینزویلا کے صدر کی گرفتاری، امریکا نے ماضی میں کن عالمی رہنماؤں کو گرفتار کیا؟
اشاعت کی تاریخ: 4th, January 2026 GMT
data-id="863a0a8" data-element_type="widget" data-widget_type="theme-post-content.default">
وینزویلا کے صدر نکولس مادورو کی گرفتاری نے انہیں اُن چند عالمی رہنماؤں کی مختصر فہرست میں شامل کر دیا ہے جنہیں امریکا نے حراست میں لیا ہے۔
امریکا نے ہفتے کے روز وینزویلا پر حملہ کیا، جس کے دوران امریکی ڈیلٹا فورس نے صدر مادورو اور ان کی اہلیہ کو صدارتی محل سے گرفتار کر کے اپنے ساتھ لے گئی۔
اس حوالے سے امریکی صدر ڈونلڈ ٹرمپ نے نیوز بریفنگ میں بتایا کہ ان کی ہدایت پر امریکی فوج نے وینزویلا میں ایک غیرمعمولی آپریشن کیا، جس میں متعدد طیاروں اور ہیلی کاپٹروں نے حصہ لیا۔ ان کا کہنا تھا کہ اس کارروائی کی خفیہ تیاری دسمبر کے اوائل میں کی گئی تھی اور امریکا مزید حملوں کے لیے بھی تیار ہے۔
صدر ٹرمپ کے مطابق مادورو اور ان کی اہلیہ کو بیڈ روم سے گرفتار کر کے نیویارک منتقل کیا جا رہا ہے، جہاں ان پر منشیات اور دہشت گردی سے متعلق الزامات کے تحت مقدمہ چلایا جائے گا۔
اس گرفتاری کے بعد نکولس مادورو اُن عالمی رہنماؤں میں شامل ہو گئے ہیں جنہیں امریکا نے براہِ راست گرفتار کیا۔ تاریخ میں ایسے واقعات کم ہی پیش آئے ہیں، تاہم جب بھی ہوئے، ان کے گہرے سیاسی اور علاقائی اثرات مرتب ہوئے۔
مینول نوریگا (پاناما)
1989 میں امریکا نے پاناما پر حملہ کیا اور سابق فوجی حکمران مینول نوریگا کو گرفتار کیا، جو ایک عرصے تک امریکا کے اتحادی بھی رہے تھے۔ نوریگا پر منشیات اسمگلنگ کے الزامات عائد کیے گئے، انہیں میامی منتقل کر کے مقدمہ چلایا گیا اور قید کی سزا سنائی گئی۔ بعد ازاں وہ 2017 میں پاناما کی جیل میں انتقال کر گئے۔
صدام حسین (عراق)
دسمبر 2003 میں امریکا نے عراق کے سابق صدر صدام حسین کو گرفتار کیا۔ یہ گرفتاری امریکی قیادت میں عراق پر حملے کے تقریباً نو ماہ بعد عمل میں آئی۔ امریکا اور اس کے اتحادیوں نے دعویٰ کیا تھا کہ صدام حسین کے پاس کیمیائی اور ممکنہ طور پر جوہری ہتھیار موجود ہیں، تاہم یہ الزامات ثابت نہ ہو سکے۔ بعد میں عراقی عدالت نے صدام حسین کے خلاف مقدمہ چلایا اور 2006 میں انہیں پھانسی دے دی گئی۔
جووان اورلینڈو ہرنانڈیز (ہونڈوراس)
لاطینی امریکی ملک ہونڈوراس کے سابق صدر جووان اورلینڈو ہرنانڈیز کو 2022 میں منشیات اور بدعنوانی کے الزامات کے تحت امریکا منتقل کیا گیا۔ بعد ازاں 2025 کے آخر میں صدر ٹرمپ نے انہیں متنازع طور پر معاف کر دیا تھا۔
ذریعہ
ذریعہ: Jasarat News
کلیدی لفظ: گرفتار کیا امریکا نے
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار