پنجاب میں گڈ گورننس کے لیے نیا ماڈل متعارف، گوجرانوالہ ٹیچنگ اسپتال کا ایم ایس اور پرنسپل بدانتظامی پر معطل
اشاعت کی تاریخ: 4th, January 2026 GMT
وزیراعلیٰ پنجاب مریم نوازشریف نے سروس ڈلیوری اور گڈ گورننس کے فروغ کے لیے ایک نیا ماڈل متعارف کرایا ہے۔ ان کی ہدایت پر سی ایم انسپکشن ٹیم فیلڈ میں متحرک ہو گئی ہے اور ٹیم کی جانب سے وزیراعلیٰ کو روزانہ رپورٹ پیش کی جا رہی ہے، انسپکشن ٹیم کے گوجرانوالہ ٹیچنگ اسپتال کے دورے کے دوران بدانتظامی پر ایم ایس اور پرنسپل کو معطل کردیا گیا۔
مزید پڑھیں: وزیراعلیٰ پنجاب مریم نواز نے صوبے میں گورننس اور صفائی انتظامات کی نگرانی مزید سخت کردی
مانیٹرنگ کے لیے ڈیش بورڈ بھی فعال کردیا گیا ہے، جس کے ذریعے وزیراعلیٰ خود سرکاری اداروں کی لائیو مانیٹرنگ کر رہی ہیں۔
وزیراعلیٰ کی ہدایت پر سی ایم انسپکشن ٹیمیں اسپتالوں میں چیکنگ کر رہی ہیں تاکہ عوام کو سہولیات اور مفت ادویات کی فراہمی یقینی بنائی جا سکے اور کسی بھی کوتاہی کی فوری نشاندہی کی جا سکے۔ انسپکشن ٹیمیں ہیلتھ اور ایجوکیشن کے علاوہ دیگر سرکاری اداروں کی مانیٹرنگ بھی کریں گی۔
اسی سلسلے میں سی ایم انسپکشن ٹیم گوجرانوالہ ٹیچنگ اسپتال پہنچ گئی۔ بدانتظامی کے پیش نظر نئے ایم ایس اور پرنسپل کو معطل کردیا گیا۔
وزیراعلیٰ کی ہدایت پر صوبائی معاون خصوصی شعیب مرزا نے خصوصی ٹیم اسپتال روانہ کی تھی، جس نے مختلف شعبوں کا اچانک معائنہ کیا اور مریضوں اور تیمارداروں سے فیڈ بیک لیا۔
مریضوں اور تیمارداروں نے ادویات کی فراہمی میں بدانتظامی کی شکایات کیں، جس کے بعد فوری ایکشن لیتے ہوئے گوجرانوالہ ٹیچنگ اسپتال کے نئے ایم ایس اور پرنسپل کو ہٹا دیا گیا۔
مزید پڑھیں: گڈ گورننس ن لیگ کا ایجنڈا، جرائم کی شرح میں نمایاں کمی آ چکی: وزیراعلیٰ پنجاب مریم نواز
عوامی شکایات پر متعدد ایم ایس اور پرنسپلز کی تبدیلی کے ساتھ سی ایم انسپکشن ٹیمیں اور معاون خصوصی شعیب مرزا اسپتالوں کے اچانک دورے بھی جاری رکھے ہوئے ہیں، تاکہ عوامی سہولیات کی فراہمی میں شفافیت اور معیار کو یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایم ایس معطل پرنسپل پنجاب گڈگورننس مریم نواز وزیراعلٰی پنجاب وی نیوز.
ذریعہ
ذریعہ: WE News
کلیدی لفظ: ایم ایس معطل پرنسپل گڈگورننس مریم نواز وی نیوز سی ایم انسپکشن ٹیم ایم ایس اور پرنسپل کے لیے
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ