سہیل آفریدی کی پنجاب اسمبلی آمد پر ہنگامہ آرائی، تحقیقاتی رپورٹ تیار
اشاعت کی تاریخ: 4th, January 2026 GMT
وزیراعلیٰ خیبرپختونخوا سہیل آفریدی کی پنجاب اسمبلی آمد پر ہنگامہ آرائی کی تحقیقاتی رپورٹ تیار کرلی گئی ہے۔
ذرائع پنجاب اسمبلی سیکریٹریٹ کا کہنا ہے کہ ہلڑ بازی کرنے والوں کی ویڈیوز کے ذریعہ شناخت کرلی گئی۔
رپورٹ میں پنجاب اسمبلی کے ملازمین اور عینی شاہدین کے بیانات لیے گئے ہیں، بتایا گیا ہے کہ غیر متعلق اور سزا یافتہ افراد بھی سہیل آفریدی کے ہمراہ پنجاب اسمبلی میں آئے۔
رپورٹ کے مطابق اسمبلی اسٹاف کی طرف سے تحمل سے شناخت کروانے کا کہا گیا، اس موقع پر سیکیورٹی ملازمین کو دھکے دیے گئے ہیں۔
سہیل آفریدی کی آمد کے موقع پر سیکیورٹی ملازمین کو دھکے دیے گئے، تحقیقاتی رپورٹ اور ثبوت آئی جی پنجاب کو بھجوائے جائیں گے، ہنگامہ آرائی میں ملوث افراد کےخلاف قانونی کارروائی کی سفارش کی جائے گی۔
.
ذریعہ
ذریعہ: Jang News
کلیدی لفظ: پنجاب اسمبلی سہیل ا فریدی
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار