عدالتی حکم نظر انداز، انتظامیہ برنس روڈ پر تجاوزات کیخلاف کارروائی کرنے سے گریزاں
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر )کراچی کے ضلع ساؤتھ میں انتظامیہ کی جانب سے تجاوزات کے خلاف کارروائی کرتے ہوئے پاکستان چوک ،اکبر روڈ موٹر سائیکل مارکیٹ اور صدر ایمپریس مارکیٹ کی درجنوں دکانیں سیل کردیں لیکن برنس روڈ پر ہوٹل مافیا کے خلاف سندھ ہائیکورٹ کے احکامات کے باوجود کوئی کارروائی نہیں کی جا رہی ہے ،برنس روڈ کے رہائشیوں کے ایک وفد نے میڈیا کے نمائندوں کو بتایا کہ ہماری تمام سڑکوں اور گلیوں پر ہوٹل مافیا کا قبضہ ہو گیا ہے اور لوگوں کا پیدل چلنا بھی مشکل ہو گیا ہے خواتین نے پریشانیوں کے باعث رات کو اپنے گھروں سے نکلنا بند کر دیا ہے کمشنر کراچی ،اسسٹنٹ کمشنر اور پولیس و بلدیاتی اداروں کو نہ جانے کیوں برنس روڈ پر تجاوزات نظر نہیں آتیں پورے شہر میں سڑک اور فٹ پاتھوں پر کرسیاں لگانے والے ہوٹلوں اور چائے خانوں کے خلاف کارروائی کی جا رہی ہے لیکن کمشنر کراچی سمیت پوری انتظامیہ نے برنس روڈ پر تجاوزات کے حوالے سے مجرمانہ خاموشی اختیار کی ہوئی ہے ہوٹل مافیا کو علاقہ پولیس کی بھی مکمل حمایت حاصل ہے جس پر علاقے کے مکینوں میں شدید غمِ وغصہ اور اشتعال پایا جاتا ہے ،پرنس روڈ پر ہوٹل مافیا کے کارندوں اور علاقہ مکینوں میں جھگڑے بھی معمول بن گئے ہیں جو کسی بھی وقت بڑے تصادم کی شکل اختیار کر سکتے ہیں علاقے کے مکینوں نے کمشنر کراچی سے درخواست کی ہے کہ وہ صورتحال کی سنگینی کو سمجھنے کی کوشش کریں اور برنس روڈ سے بھی تجاوزات کا خاتمہ کروائیں کیونکہ ہوٹل والوں نے علاقے کی سڑکوں اور فٹ پاتھوں پر قبضہ کیا ہوا ہے جس کی وجہ سے علاقے کے مکینوں کی زندگی اجیرن بنی ہوئی ہے۔
ذریعہ
ذریعہ: Jasarat News
کلیدی لفظ: برنس روڈ پر
پڑھیں:
راولپنڈی میں ہوٹل سے سرکاری ادارے کے اہلکار کی پھندا لگی لاش برآمد
تھانہ نیو ٹاؤن کے ہوٹل سے سرکاری ادارے کے اہلکار کی پھندا لگی لاش برآمد ہوئی ہے۔
پولیس کے مطابق سندھ سے تعلق رکھنے والے کاشف علی نے ہوٹل کا کمرہ بک کرایا تھا، کافی وقت گزرنے پر کمرے سے جواب نہ ملنے پر ہوٹل انتظامیہ نے پولیس سے رجوع کیا۔
پولیس پہنچنے پر کمرہ کھولا گیا تو اندر سے کاشف علی کی پھندا لگی نعش ملی، پولیس نے فرانزک شواہد اکٹھے کرکے لاش پوسٹ مارٹم کے لیے اسپتال منتقل کردی۔
پاکستان نے ورلڈ کپ 2028 کیلیے براہ راست کوالیفائی کر لیا