سیسی میں فیلڈ افسران کا تربیتی اجلاس
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
سندھ ایمپلائز سوشل سیکورٹی انسٹی ٹیوشن میں فیلڈ افسران کی لینڈ ریونیو ایکٹ 1967 پر تربیت کے حوالے سے ایک ورکشاپ سوشل سیکورٹی ہیڈ آفس میں منعقد کی گئی۔ کمشنر سندھ سوشل سیکورٹی ہادی بخش کلہوڑو کی خصوصی ہدایت پر کنٹری بیوشن اینڈ بینیفٹ ڈیپارٹمنٹ کی جانب سے سیسی کے ڈائریکٹرز و ڈپٹی ڈائریکٹرز کی لینڈ ریونیو ایکٹ کے تحت سوشل سیکورٹی کنٹری بیوشن کے واجبات کی وصولی کے طریقہ کار سے آگاہی کے حوالے سے ایک روزہ تربیتی ورکشاپ منعقد کی گئی تھی۔ جس میں آچر خاصخیلی سابق اسسٹنٹ کمشنر اور ممبر ریونیو مینجمنٹ بورڈ نے افسران کو لینڈ ریونیو ایکٹ 1967 باالخصوص سیکشن،80 81 اور سیکشن 83 کے تحت قانونی طریقہ کار پر مکمل بریفنگ دی۔ اس موقع پر افسران کے ساتھ سوال
جواب کا ایک سیشن بھی ہوا، کمشنر سیسی فیلڈ افسران کو سیسی کے واجبات کی وصولی پر مستقل مزاجی کے ساتھ کام کرنے کی ہدایت کی اور کہا کہ تمام واجبات کی مکمل وصولی کو یقینی بنایا جائے، سیسی ہیڈ آفس کے افسران پر مشتمل ٹیم اس کی نگرانی کرے گی۔ تربیتی ورکشاپ میں وائس کمشنر سیسی سکندر بلوچ، سندھ بھر کے ڈائریکٹرز و ڈپٹی ڈائریکٹرز موجود تھے۔ اس موقع مہمان گرامی کو کمشنر سیسی نے یادگاری شیلڈ اور اجرک کا تحفہ بھی پیش کیا۔
ذریعہ
ذریعہ: Jasarat News
کلیدی لفظ: سوشل سیکورٹی
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ