بلوچستان اور سندھ کے دکھ ایک جیسے ہیں‘عبدالمجید بادینی
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر) جماعت اسلامی بلوچستان کے نائب امیر وجعفرآباد سے رکن صوبائی اسمبلی عبدالمجید بادینی نے کہا ہے کہ بلوستان اورسندھ کے دکھ ایک جیسے ہیں۔دونوں صوبے قدرتی وسائل سے مالامال مگرعوام محرومیوں غربت وافلاس کی تصویر بنے ہوئے ہیں۔ بلوچستان کے عوام غیرت مند اورمحب وطن ہیں۔ حالات کی تبدیلی اوراپنے حقوق کے لیے عوام کو بیدار ہونا پڑے گا،گلے سڑے نظام اور قیادت کی تبدیلی سے ہی بہتری آسکتی ہے۔ ہرطرف ظلم ونانصافی کادور دورہ ہے یہی وجہ ہے کہ بدل دو نظام کا نعرہ اب عوام کی دلوں کی آواز بن چکا ہے۔وڈیرہ شاہی مادی وسائل اوروی آئی پی کلچر کوئی اہمیت نہیں رکھتے حق کے غلبہ کے لیے محنت اور ہرقربانی کے جذبہ کی ضرورت ہے۔ ان خیالات کا اظہار انہوں نے میڈیا سیل جماعت اسلامی سندھ کے دورے کے موقع پر کیا۔ان کا مزید کہنا تھا کہ جماعت اسلامی امانت دیانت وخدمت کا نام ہے۔ہم کو جعفرآباد میں علاقے کے روایتی سیاستدانوں، سرداروں وجاگیرادروں کے مقابلے میں کامیابی صرف اللہ کی مدد اورعوام کی محبت کا نتیجہ ہے کیونکہ ہم اس ذمے داری کو اپنے آپ کو ہرووٹر کا خادم اورنوکرسمجھہ کرسرانجام دے رہے ہیں ہروقت اپنے آپ کو احتساب کے لیے پیش کرتے ہیں یہ خوف خد ااور جماعت اسلامی کی تربیت کا نتیجہ ہے۔ہمارے لیے دنیاوی چیزیں کوئی اہمیت نہیں رکھتی کیونکہ ہم سمجھتے ہیں کہ یہ سب کچھ فنا ہونے والا ہے۔ 8فروری کو یوم تشکر منائیں گے ، جعفرآباد میں جلسہ منعقد کر رہے ہیں جس میں امیرجماعت اسلامی حافظ نعیم الرحمان اورسابق امیرسراج الحق ودیگر صوبائی قائدین خطاب کریں گے۔اس موقع پر جماعت اسلامی سندھ کے ناظم عمومی مولانا محمد دین منصوری ،مرکزی آڈیٹر بشیر احمد، سیکرٹری اطلاعات مجاہدچنا ،ڈپٹی سیکرٹری اطلاعات وزیر علی جمالی جبکہ جماعت اسلامی بلوچستان کے رہنما مولانا محمد اسماعیل مینگل، محمد یوسف منگریو،خاوند بخش مینگل آصف بھنگرودیگر احباب بھی ساتھ موجود تھے۔
ذریعہ
ذریعہ: Jasarat News
کلیدی لفظ: جماعت اسلامی
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار