ٹرمپ نے کولمبیا اور میکسیکو کو بھی فوجی کارروائی کی دھمکی دے دی
اشاعت کی تاریخ: 5th, January 2026 GMT
امریکی صدر ڈونلڈ ٹرمپ کا کہنا ہے کہ اگر وینزویلا کے صدر نکولس مادورو کی گرفتاری کے بعد بھی ان کی حکومت کے باقی ارکان وینزویلا کو ’درست‘ کرنے کی امریکی کوششوں میں تعاون نہ کریں تو امریکا وینزویلا پر دوسرا فوجی حملہ بھی کر سکتا ہے۔
ایئر فورس ون میں صحافیوں سے گفتگو کرتے ہوئے ٹرمپ کے ان بیانات نے لاطینی امریکا میں مزید امریکی فوجی مداخلت کے خدشات کو جنم دیا ہے، کیونکہ انہوں نے عندیہ دیا کہ اگر کولمبیا اور میکسیکو امریکا میں منشیات کی غیر قانونی ترسیل کم کرنے میں ناکام رہے تو انہیں بھی فوجی کارروائی کا سامنا کرنا پڑ سکتا ہے۔
یہ بھی پڑھیں: امریکا کی وینزویلا کے خلاف فوجی کارروائی، اقوام متحدہ کی سلامتی کونسل کا ہنگامی اجلاس طلب
ٹرمپ نے کہا کہ آپریشن کولمبیا انہیں تو اچھا لگتا ہے۔
انہوں نے یہ بھی کہا کہ وینزویلا کا قریبی اتحادی کیوبا، امریکی فوجی کارروائی کے بغیر ہی ’گرنے کے لیے تیار‘ دکھائی دیتا ہے۔
Sen.
— CSPAN (@cspan) January 5, 2026
ٹرمپ نے اس بات پر بھی زور دیا کہ مادورو کی گرفتاری کے بعد امریکا عملاً وینزویلا کا کنٹرول سنبھال چکا ہے، تاہم واشنگٹن کاراکاس میں نئی قیادت کے ساتھ بھی رابطے میں ہے۔
اسی دوران وینزویلا کی عبوری صدر ڈیلسی روڈریگز نے کہا کہ وہ ٹرمپ انتظامیہ کے ساتھ مل کر کام کرنے کے لیے تیار ہیں اور امریکا سے متوازن اور باہمی احترام پر مبنی تعلقات کی خواہاں ہیں۔
جب صحافیوں نے ٹرمپ سے پوچھا کہ آیا انہوں نے روڈریگز سے بات کی ہے تو انہوں نے جواب دیا کہ ان لوگوں سے بات کی جارہی ہے جنہوں نے ابھی حلف اٹھایا ہے۔
مزید پڑھیں:
’یہ مت پوچھیں کہ اصل اختیار کس کے پاس ہے، کیونکہ میرا جواب بہت متنازع ہو گا۔‘
مزید وضاحت پر ٹرمپ نے کہا کہ اس کا مطلب یہ ہے کہ اختیار ہمارے پاس ہے۔
جب ان سے پوچھا گیا کہ آیا یہ کارروائی تیل کے لیے ہے یا حکومت کی تبدیلی کے لیے، تو ٹرمپ نے جواب دیا کہ یہ دنیا میں امن کے لیے ہے، امریکی صدر نے کہا کہ وینزویلا میں انتخابات کو فی الحال مؤخر کرنا ہوگا۔
مزید پڑھیں:
’ہم اسے چلائیں گے، درست کریں گے، اور صحیح وقت پر انتخابات کرائیں گے، لیکن سب سے اہم بات یہ ہے کہ یہ ایک ٹوٹا ہوا ملک ہے جسے پہلے ٹھیک کرنا ضروری ہے۔‘
فتح مندانہ انداز اپناتے ہوئے ٹرمپ نے دیگر امریکی مخالفین پر بھی سخت تنقید کی۔
انہوں نے کہا کہ کولمبیا کے رہنما زیادہ عرصہ اقتدار میں نہیں رہیں گے، کمیونسٹ حکومت کے زیرِ اقتدار کیوبا گرنے کے قریب ہے اور اگر ایران میں مظاہرین کو قتل کیا گیا تو وہاں کی قیادت کو ’سخت نتائج‘ کا سامنا کرنا پڑے گا۔
مزید پڑھیں:
ٹرمپ انتظامیہ کا کہنا ہے کہ وہ مادورو حکومت کے باقی ماندہ حصوں کے ساتھ کام کرنے کو تیار ہے، بشرطیکہ واشنگٹن کے مقاصد پورے ہوں، جن میں وینزویلا کے وسیع خام تیل کے ذخائر تک امریکی سرمایہ کاری کی رسائی بھی شامل ہے۔
نکولس مادورو اس وقت نیویارک کے ایک حراستی مرکز میں قید ہیں اور پیر کو منشیات کے مقدمے میں عدالت میں پیشی کے منتظر ہیں۔
امریکا کی جانب سے ان کی گرفتاری نے تیل سے مالا مال جنوبی امریکی ملک کے مستقبل کے بارے میں شدید بے یقینی پیدا کردی ہے۔
مزید پڑھیں:
مادورو حکومت کے اعلیٰ حکام تاحال اقتدار میں موجود ہیں اور انہوں نے مادورو اور ان کی اہلیہ سیلیا فلوریس کی گرفتاری کو ’اغوا‘ قرار دیا ہے۔
وزیر داخلہ ڈیوسدادو کیبیلو نے حکمران سوشلسٹ پارٹی پی ایس یو وی کی جانب سے جاری ایک آڈیو پیغام میں کہا ہے کہ یہاں صرف ایک ہی صدر ہے، اور اس کا نام نکولس مادورو موروس ہے، دشمن کی اشتعال انگیزی میں کوئی نہ آئے۔
63 سالہ مادورو کی آنکھوں پر پٹی اور ہتھکڑیاں لگی تصاویر نے وینزویلا کے عوام کو ششدر کر دیا۔ یہ کارروائی پاناما پر 37 سال قبل امریکی حملے کے بعد لاطینی امریکا میں سب سے متنازع امریکی مداخلت قرار دی جا رہی ہے۔
مزید پڑھیں:
وزیر دفاع جنرل ولادیمیر پادرینو نے سرکاری ٹی وی پر بتایا کہ امریکی حملے میں فوجی اہلکاروں، عام شہریوں اور مادورو کی سیکیورٹی ٹیم کے ایک بڑے حصے کو سرد مہری سے قتل کیا گیا۔
انہوں نے کہا کہ وینزویلا کی مسلح افواج نے ملکی خودمختاری کے تحفظ کے لیے کارروائیاں شروع کر دی ہیں۔
کیوبا کی حکومت نے بھی دعویٰ کیا ہے کہ اس حملے میں اس کے 32 شہری مارے گئے۔
وینزویلا کی اعلیٰ عدالت کی حمایت کے ساتھ نائب صدر اور وزیر تیل ڈیلسی روڈریگز نےعبوری صدر کا عہدہ سنبھال لیا ہے، تاہم ان کا کہنا ہے کہ مادورو ہی بدستور ملک کے صدر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ڈونلڈ ٹرمپ نکولس مادورو وینزویلا
ذریعہ
ذریعہ: WE News
کلیدی لفظ: امریکا ڈونلڈ ٹرمپ نکولس مادورو وینزویلا فوجی کارروائی نکولس مادورو وینزویلا کے کی گرفتاری مزید پڑھیں مادورو کی نے کہا کہ انہوں نے حکومت کے کے ساتھ کے لیے دیا کہ
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے