تحریک تحفظ آئین پاکستان کا جی ٹی روڈ مشن، اسلام آباد سے لاہور رابطہ مہم کا پلان
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: تحریک تحفظ آئین پاکستان نے ملکی سیاسی صورتحال میں عوامی سطح پر رابطہ بڑھانے کے لیے ایک بڑی مہم کا منصوبہ تیار کر لیا ہے، جس کے تحت اسلام آباد سے لاہور تک جی ٹی روڈ کے ذریعے عوامی رابطہ مہم شروع کی جائے گی۔
ذرائع کے حوالے سے میڈیا رپورٹس میں بتایا گیا ہے کہ اس مہم کا مقصد عوام کو تحریک کے مؤقف سے آگاہ کرنا اور آئین کی بالادستی کے حوالے سے براہِ راست پیغام پہنچانا ہے۔ تحریک کی قیادت اس سفر کے دوران مختلف شہروں میں عوامی اجتماعات اور استقبال کی تقریبات میں شرکت کرے گی جب کہ لاہور میں 2 روزہ قیام کے دوران سیاسی و عوامی نوعیت کی سرگرمیاں بھی انجام دی جائیں گی۔
ذرائع کا کہنا ہے کہ تحریک تحفظ آئین پاکستان اسلام آباد سے روانہ ہو کر جی ٹی روڈ کے راستے لاہور پہنچے گی، جہاں مختلف مقامات پر کارکنان اور حامیوں کی جانب سے استقبال کیا جائے گا۔ اس عوامی مہم کے دوران گجرات، گجرانوالہ اور شاہدرہ میں باقاعدہ استقبالی تقریبات کا اہتمام کیا جائے گا جبکہ لاہور میں داخلے کے موقع پر بھی بڑے استقبال کی تیاری کی جا رہی ہے۔
ان اجتماعات میں تحریک کی قیادت خطاب کرے گی اور آئینی حقوق، جمہوری اقدار اور موجودہ سیاسی حالات پر اپنا مؤقف واضح کرے گی۔
لاہور پہنچنے کے بعد تحریک تحفظ آئین پاکستان کی قیادت پنجاب اسمبلی کا دورہ بھی کرے گی، جہاں منتخب نمائندوں سے ملاقاتوں اور آئینی معاملات پر تبادلہ خیال متوقع ہے۔ ذرائع کے مطابق اس دورے کا مقصد پارلیمانی سطح پر آئین کے تحفظ اور جمہوری عمل کی بحالی سے متعلق نکات اجاگر کرنا ہے۔ اس کے ساتھ ساتھ تحریک کے رہنما لاہور میں تاریخی اور مذہبی مقامات پر بھی حاضری دیں گے، جن میں مینار پاکستان اور حضرت داتا گنج بخشؒ کے مزار پر حاضری شامل ہے ۔
ذرائع کا مزید کہنا ہے کہ تحریک تحفظ آئین پاکستان لاہور میں 3 روز قیام کرے گی، جس دوران مختلف تقریبات، اجلاسوں اور عوامی اجتماعات سے خطاب کیا جائے گا۔ ان سرگرمیوں کے ذریعے تحریک اپنی سیاسی حکمت عملی، آئندہ کے لائحہ عمل اور آئین کے تحفظ کے حوالے سے موقف کو مزید واضح کرے گی۔
بتایا جا رہا ہے کہ تحریک کا آج ہونے والا اجلاس اس عوامی رابطہ مہم کی حتمی تاریخ کا باضابطہ اعلان کرے گا، جس کے بعد اس منصوبے پر عملی پیش رفت شروع ہو جائے گی۔
واضح رہے کہ یہ پیش رفت ایسے وقت میں سامنے آئی ہے جب تحریک تحفظ آئین پاکستان نے قومی مذاکراتی کمیٹی کی مجوزہ قومی کانفرنس میں شرکت سے انکار کر دیا ہے۔
ذرائع کے حوالے سے نجی ٹی وی کی رپورٹ ککے مطابق قومی مذاکراتی کمیٹی نے تحریک تحفظ آئین پاکستان سے رابطہ کر کے اسلام آباد میں منعقد ہونے والی قومی کانفرنس میں شرکت کی دعوت دی تھی، تاہم تحریک کی قیادت نے اس دعوت کو قبول کرنے سے معذرت کر لی۔
اس حوالے سے مؤقف اختیار کیا گیا کہ تحریک کو دعوت نامہ موصول تو ہوا، مگر مشاورت کے بعد کانفرنس میں شرکت نہ کرنے کا فیصلہ کیا گیا۔
ذرائع کے مطابق تحریک کا کہنا ہے کہ بانی پی ٹی آئی عمران خان نے مذاکرات کا اختیار تحریک تحفظ آئین پاکستان کو دیا ہے اور آئندہ کسی بھی قسم کے مذاکرات اسی پلیٹ فارم سے ہوں گے۔ تحریک کے رہنماؤں کا موقف ہے کہ موجودہ سیاسی حالات میں آئینی نکات پر واضح اور اصولی مؤقف ضروری ہے، جس کے لیے عوامی رابطہ اور سیاسی دباؤ کو ترجیح دی جا رہی ہے۔
حکومتی ذرائع کا کہنا ہے کہ قومی مذاکراتی کمیٹی کی قومی کانفرنس 7 جنوری کو اسلام آباد میں منعقد ہونے جا رہی ہے، جس میں مسلم لیگ ن، پیپلز پارٹی، پی ٹی آئی، جمعیت علمائے اسلام، جماعت اسلامی سمیت دیگر سیاسی جماعتوں کو شرکت کی دعوت دی جائے گی۔ ایم کیو ایم، ق لیگ، بلوچستان عوامی پارٹی، اے این پی اور دیگر جماعتوں کو بھی مدعو کرنے کا فیصلہ کیا گیا ہے۔
.
ذریعہ
ذریعہ: Jasarat News
کلیدی لفظ: تحریک تحفظ آئین پاکستان کے حوالے سے اسلام آباد کہنا ہے کہ لاہور میں کی قیادت میں شرکت اور آئین کہ تحریک ذرائع کے کرے گی
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ