روسی تیل خریداری کا معاملہ: بھارت پر ٹیرف بڑھا سکتے ہیں، امریکی صدر کی وارننگ
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ نے ایک بار پھر بھارت کو روسی تیل کی خریداری کے معاملے پر سخت انتباہ جاری کرتے ہوئے کہا ہے کہ اگر نئی دہلی نے اس حوالے سے امریکا سے تعاون نہ کیا تو اس پر اضافی تجارتی ٹیرف عائد کیے جا سکتے ہیں۔
ڈونلڈ ٹرمپ نے کہا کہ واشنگٹن بھارت کے روسی تیل سے متعلق مؤقف اور عملی اقدامات کا باریک بینی سے جائزہ لے رہا ہے اور کسی بھی عدم تعاون کی صورت میں سخت فیصلے کیے جا سکتے ہیں۔
امریکی صدر نے کہا کہ امریکا روس پر دباؤ بڑھانے کے لیے عالمی سطح پر مشترکہ حکمتِ عملی چاہتا ہے اور ایسے میں روسی تیل کی مسلسل خریداری اس پالیسی کے منافی ہے، اگر بھارت نے اس معاملے پر سنجیدہ تعاون نہ دکھایا تو تجارتی پابندیوں، بالخصوص ٹیرف میں اضافے پر غور کیا جائے گا جو بھارت کی برآمدات کو متاثر کر سکتا ہے۔
واضح رہے کہ اس سے قبل بھی ڈونلڈ ٹرمپ یہ دعویٰ کر چکے ہیں کہ بھارتی وزیر اعظم نریندر مودی نے انہیں یقین دہانی کرائی تھی کہ بھارت روسی تیل کی خریداری بند کر دے گا تاہم اس دعوے پر بھارتی حکومت کی جانب سے تاحال کوئی باضابطہ تصدیق سامنے نہیں آئی جبکہ بھارت کا مؤقف رہا ہے کہ وہ اپنی توانائی ضروریات کو مدنظر رکھتے ہوئے فیصلے کرتا ہے۔
ذریعہ
ذریعہ: Jasarat News
کلیدی لفظ: روسی تیل
پڑھیں:
کارگو طیارہ حادثے میں جاں بحق عملے کے اہل خانہ کو کمپنی مالکان سے عدم تعاون کی شکایت
نجی کارگو ایئرلائن کے ٹو ایئرویز کے حادثے میں جاں بحق عملے کے اہل خانہ حادثے کی وجوہات جاننے کے منتظر ہیں۔ انہوں نے نجی کارگو کمپنی کے مالکان کی جانب سے عدم تعاون کی شکایت بھی کی ہے، متاثرین کیلئے اب تک کسی معاوضہ کا اعلان بھی نہیں ہوا۔
7 جولائی کو شارجہ سے کراچی آنے والا نجی کارگو کمپنی کے ٹو ایئرویز کا بوئنگ 737 طیارہ بلوچستان کے ساحل سے آگے گہرے سمندر میں گر کر تباہ ہو گیا تھا۔ حادثے کے مقام سے طیارے کا کچھ ملبہ ضرور ملا ہے لیکن سمندر کی تہہ میں پہنچ جانے والے طیارے کے بلیک باکس، کاکپٹ اور عملے کا تاحال کوئی سراغ نہیں مل سکا۔ متاثرین کا مطالبہ ہے کہ اس کام کیلئے غیر ملکی ماہر کمپنیوں سے مدد لی جائے۔
نجی کارگو طیارے کا ملبا تفتیشی ٹیم کے سپرد، بلیک باکس، عملے کے 5 ارکان کی تلاش جاریترجمان پاکستان ایئرپورٹ اتھارٹی (پی اے اے) کے مطابق کارگو طیارے کے مزید ملبے اور عملےکی تلاش گہرے سمندر میں جاری ہے حادثے کے شکار طیارے کے مزید پرزے اور ملبہ سمندر سے برآمد کر لیا گیا۔
شہید کپٹن رضوان کے اہل خانہ نے عملے اور طیارے کے ملبے کی تلاش کیلئے پاکستان نیوی اور دیگر اداروں پر اعتماد کا اظہار کیا لیکن کارگو کمپنی کی شدید بے حسی کی شکایت کی اور مطالبہ کیا کہ کے ٹو ایئرویز کے بیرون ملک موجود مالکان کو واپس لا کر تحقیقات میں شامل کیا جائے۔
متاثرین کے مطابق کے ٹو ایئرویز کی انتظامیہ کی بے حسی کا اندازہ اس سے بھی لگایا جا سکتا ہے کہ ملازمین کو 3 ماہ سے تنخواہیں نہیں ملی تھیں۔ یہ تنخواہ اس المناک حادثہ کے بعد ادا کی گئی۔
ایوی ایشن ماہرین کے مطابق بوئنگ 737 کارگو طیارے کا حادثہ کیوں اور کیسے پیش آیا، یہ اہل خانہ کو بتانا اور حادثہ متاثرین کو معاوضے کی ادائیگی یقینی بنانا حکومت اور ریاست کی ذمہ داری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار