رینجرز کے دہشتگردی، ٹارگٹ کلنگ اور اغواء برائے تاوان کے خلاف آپریشن کی رپورٹ جاری
اشاعت کی تاریخ: 5th, January 2026 GMT
کراچی میں رینجرز نے 2025 میں دہشتگردی، ٹارگٹ کلنگ، اغواء برائے تاوان اور بھتہ خوری کے خلاف 672 آپریشنز کیے، مختلف کارروائیوں کے دوران 227 ہائی پروفائل ملزمان کو گرفتار کیا گیا۔
رینجرز ترجمان کے مطابق دہشت گردوں کے خلاف 598 آپریشنز میں 126 دہشت گردوں کو گرفتار کیا، بھتہ خوری کے خلاف 72 آپریشنز میں 90 بھتہ خوروں کو گرفتار کیا گیا۔ اسی طرح اغوا برائے تاوان کے 11 اغواکاروں کو گرفتار کیا گیا۔
ترجمان کے مطابق رینجرز نے پولیس کے ساتھ مشترکہ 58 کارروائیوں میں کچے سے 146 ملزمان گرفتار کیے۔
ڈکیتی، اسٹریٹ کرائم، منشیات فروشی اور جرائم پیشہ افراد کے خلاف 3 ہزار 413 آپریشنز کیے گئے، ڈکیتوں کے خلاف 2155 آپریشن میں 987 ڈکیت گرفتار کرکے پولیس کے حوالے کیے گئے۔
کراچیشہر خوف ناک تباہی سے بچ گیا،قانون نافذ کرنے.
منشیات فروشی کے خلاف 1258 آپریشنز میں 1359 منشیات فروشوں کو گرفتار کیا گیا، کارروائیوں کے دوران 440 ہتھیار اور مختلف اقسام کا ایمونیشن بھی برآمد ہوا۔
ترجمان کے مطابق انسداد اسمگلنگ کارروائیوں میں 1.2 ملین لیٹر ایرانی تیل برآمد کرکے 31 گاڑیاں ضبط اور 41 ملزمان گرفتار کیے گئے، ضبط ایرانی تیل کی مالیت تقریباً 300 ملین روپے سے زائد ہے۔
ترجمان رینجرز کے مطابق اسمگل کپڑا، کنفکشنری آئٹمز، بڑی مقدار میں گٹکا اور 147 ٹن سے زائد چھالیہ برآمد کی گئی۔ برآمدکی گئی اسمگل شدہ اشیاء کی مالیت تقریباً 8 ارب روپے ہے۔
ترجمان رینجرز کے مطابق 2025 میں غیرقانونی واٹر ہائیڈرنٹس اور پانی چوری کے خلاف 212 آپریشن کیے گئے۔
ذریعہ
ذریعہ: Jang News
کلیدی لفظ: کو گرفتار کیا گیا کے مطابق کے خلاف کیے گئے
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے