پاکستان کی قومی سائبر سیکیورٹی مضبوط بنانے کے لیے پی کے سرٹ اور کیسپرسکی کا اسٹریٹجک اشتراک
اشاعت کی تاریخ: 5th, January 2026 GMT
پاکستان کی نیشنل کمپیوٹر ایمرجنسی ریسپانس ٹیم (پی کے سرٹ) اور عالمی شہرت یافتہ سائبر سیکیورٹی کمپنی کیسپرسکی کے درمیان پاکستان میں سائبر سیکیورٹی کو مضبوط بنانے کے لیے باضابطہ معاہدہ طے پا گیا ہے۔ اس شراکت داری کو پاکستان کی قومی سائبر سلامتی کے نظام کو مستحکم کرنے کی جانب ایک اہم اور اسٹریٹجک پیشرفت قرار دیا جا رہا ہے۔
معاہدے کے تحت دونوں ادارے سائبر خطرات کی بروقت نشاندہی، ان کے مؤثر تدارک اور مستقبل میں حملوں کی روک تھام کے لیے قریبی تعاون کریں گے۔ اس اشتراک کا بنیادی مقصد ملک میں سائبر مزاحمت(Cyber Resilience)کو فروغ دینا ہے تاکہ سرکاری اداروں، کاروباری شعبے، تعلیمی اداروں اور سول سوسائٹی کو جدید سائبر چیلنجز سے محفوظ بنایا جا سکے۔
مزید پڑھیں: بنگلہ دیش میں قومی انتخابات اور ریفرنڈم سے قبل سائبر سیکیورٹی مزید سخت
پی کے سرٹ اور کیسپرسکی کی شراکت داری کے تحت وسیع پیمانے پر تربیتی پروگرامز، آگاہی مہمات اور استعداد کار بڑھانے کے اقدامات کیے جائیں گے۔ ان سرگرمیوں کا مقصد ایک ایسی باصلاحیت اور تربیت یافتہ سائبر سیکیورٹی افرادی قوت تیار کرنا ہے جو قومی اور بین الاقوامی معیار پر پورا اتر سکے۔ اس کے ساتھ ساتھ ملک بھر میں متعلقہ فریقین کو سائبر خطرات سے متعلق قابلِ عمل معلومات اور الرٹس بروقت فراہم کیے جائیں گے۔
معاہدے میں سائبر سیکیورٹی کے مختلف اہم شعبوں میں تعاون شامل ہے، جن میں قانون سازی اور ریگولیشنز، سائبر واقعات کی نشاندہی اور فوری ردعمل، حفاظتی حکمتِ عملیاں، سائبر سیکیورٹی تعلیم، تحقیق و ترقی اور پیشہ ورانہ معلومات کا تبادلہ شامل ہیں۔ دونوں ادارے سائبر حملوں، خطرات اور کمزوریوں سے متعلق تکنیکی ڈیٹا، انٹیلیجنس اور ڈیٹا فیڈز کا تبادلہ بھی کریں گے تاکہ شہریوں، سرکاری اداروں اور نجی کاروباروں کو بہتر تحفظ فراہم کیا جا سکے۔
معاہدے پر حکومتِ پاکستان کی جانب سے ڈائریکٹر جنرل نیشنل سرٹ ڈاکٹر حیدر عباس (تمغۂ امتیاز) اور کیسپرسکی کے جنرل منیجر برائے مشرقِ وسطیٰ و پاکستان راشد المومنی نے دستخط کیے۔ اس موقع پر کیسپرسکی کے سی ای او یوجین کیسپرسکی اور وفاقی وزیر برائے آئی ٹی و ٹیلی کمیونیکیشن شزہ فاطمہ خواجہ بھی موجود تھیں۔
مزید پڑھیں: ریاض میں بلیک ہیٹ 2025: سعودی عرب ایک بار پھر عالمی سائبر سیکیورٹی کا مرکز بننے کو تیار
تقریب سے خطاب کرتے ہوئے ڈاکٹر حیدر عباس نے کہا کہ انفارمیشن اینڈ کمیونیکیشن ٹیکنالوجیز کسی بھی ملک کی سماجی اور معاشی ترقی میں کلیدی کردار ادا کرتی ہیں، تاہم اس کے ساتھ سائبر جاسوسی، رینسم ویئر، ڈیٹا لیکس، شناخت کی چوری، اہم تنصیبات پر حملے اور غلط معلومات کی مہمات جیسے سنگین چیلنجز بھی جنم لے رہے ہیں۔ ان کا کہنا تھا کہ کیسپرسکی جیسے عالمی ادارے کے ساتھ تعاون قومی سائبر سیکیورٹی کو مزید مضبوط بنانے کی جانب ایک اہم قدم ہے۔
کیسپرسکی کے جنرل منیجر راشد المومنی نے کہا کہ ڈیجیٹل ترقی کے تحفظ کے لیے مضبوط سائبر سیکیورٹی ناگزیر ہے، جو سرکاری اور نجی شعبے کے درمیان گہرے اور مسلسل تعاون سے ہی ممکن ہے۔ انہوں نے کہا کہ پی کے سرٹ کے ساتھ یہ شراکت داری پاکستان کی محفوظ ڈیجیٹل تبدیلی کے سفر میں ایک اہم سنگِ میل ثابت ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Cyber Resilience پی کے سرٹ ڈاکٹر حیدر عباس سائبر سیکیورٹی شزہ فاطمہ کیسپرسکی.
ذریعہ
ذریعہ: WE News
کلیدی لفظ: پی کے سرٹ ڈاکٹر حیدر عباس سائبر سیکیورٹی شزہ فاطمہ کیسپرسکی سائبر سیکیورٹی کیسپرسکی کے پاکستان کی پی کے سرٹ کے ساتھ کے لیے
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ