پی ایس ایل: نئی فرنچائزز کی خریداری کے لیے 2 بولی دہندہ سامنے آگئے
اشاعت کی تاریخ: 5th, January 2026 GMT
پاکستان سپر لیگ (پی ایس ایل) کی 2 نئی ٹیموں کے لیے بولی لگانے والے 2 خریدار سامنے آگئے ہیں۔
انویریکس سولر انرجی نے پاکستان سپر لیگ (پی ایس ایل) کی ٹیمز آکشن کے لیے اہل قرار پانے والے 10 بولی دہندگان میں سب سے پہلی پوزیشن حاصل کی ہے۔
یہ کامیابی انویریکس کے وژن، پختہ عزم اور اسٹریٹجک سوچ کا منہ بولتا ثبوت ہے۔ فہرست میں سب سے پہلے آنے کا مطلب یہ ہے کہ کمپنی مستقبل کی منصوبہ بندی کے لیے مکمل طور پر تیار ہے۔
A strong start to the next chapter ⚡
Inverex Solar Energy has been confirmed as the 1️⃣st of 1️⃣0️⃣ qualified bidders for the HBL PSL Teams Auction.
— PakistanSuperLeague (@thePSLt20) January 5, 2026
انویریکس سولر انرجی جدیدیت، عزم اور مضبوط قیادت کے ساتھ کھیل اور توانائی کے شعبے میں نمایاں کردار ادا کرنے کا ارادہ رکھتی ہے۔
انویریکس سولر انرجی کے سی ای او محمد ذاکر علی نے اپنے پیغام میں کہاکہ ہم کرکٹ اور اس کے شائقین پر یقین رکھتے ہیں، ہمارا وژن واضح اور سادہ ہے۔ ’پاکستان کو توانائی فراہم کرنا، نہ صرف میدان میں بلکہ میدان کے باہر بھی۔‘
انہوں نے مزید کہاکہ ہم اس وطن کی ترقی کے لیے ہر ممکن قدم اٹھانے کے لیے تیار ہیں، جسے ہم فخر سے پاکستان کہلاتے ہیں۔
او زیڈ گروپ آف کمپنیز بھی تصدیق شدہ بولی دہندہ میں شامل
اس کے علاوہ او زیڈ گروپ آف کمپنیز 8 جنوری 2026 کو ہونے والی ایچ بی ایل پی ایس ایل ٹیمز آکشن سے پہلے دوسرے تصدیق شدہ بولی دہندہ کے طور پر شامل ہوگیا ہے۔
او زیڈ گروپ آف کمپنیز کے بانی چیئرمین حمزہ مجید نے اپنے پیغام میں کہاکہ میں اوورسیز پاکستانی ہوں، اور 2 سال سے پاکستان میں ہی کاروبار کررہا ہوں۔
The momentum builds ⚡
OZ Group of Companies enters the mix as the second confirmed bidder ahead of the HBL PSL Teams Auction on 8 January 2026 ????#HBLPSL | #NewEra | @OZGroupOff1cial pic.twitter.com/0dIrtHsvpg
— PakistanSuperLeague (@thePSLt20) January 5, 2026
انہوں نے کہاکہ مجھے کرکٹ سے پیار ہے، ہر پاکستانی کے دل کی خواہش ہوتی ہے کہ وہ ملک کے لیے کچھ کرے۔ اگر موقع ملا تو کرکٹ کی بہتری کے لیے اپنا بھرپور کردار ادا کروں گا۔
واضح رہے کہ پی ایس ایل کی 2 نئی ٹیموں کے لیے نیلامی 8 جنوری کو اسلام آباد میں ہوگی۔
پی ایس ایل 11 میں کل 8 ٹیمیں شامل ہوں گی، جن میں ملتان سلطانز کے انتظامات پی سی بی خود دیکھے گا، اور اس فرنچائز کی نیلامی بعد میں کی جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بولی دہندہ پاکستان سپر لیگ پی ایس ایل نئی فرنچائز وی نیوز
ذریعہ
ذریعہ: WE News
کلیدی لفظ: بولی دہندہ پاکستان سپر لیگ پی ایس ایل نئی فرنچائز وی نیوز پی ایس ایل کے لیے
پڑھیں:
مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی
مظفرآباد: مہاجرین کی نشستیں آزاد جموں و کشمیر کی سیاست میں ایک بار پھر توجہ کا مرکز بن گئی ہیں، جہاں ان نشستوں کے مستقبل سے متعلق اہم پیش رفت سامنے آئی ہے۔ ذرائع کے مطابق وفاقی حکومت نے اس معاملے پر نرم رویہ اختیار کرتے ہوئے مکمل خاتمے کے بجائے نشستوں کی تعداد میں کمی کی تجویز پر غور شروع کر دیا ہے۔
ذرائع کا کہنا ہے کہ وادی کشمیر سے تعلق رکھنے والے مہاجرین کی چھ نشستیں کم کرنے کی ابتدائی تجویز زیر غور ہے۔ اس پیش رفت کو انتخابی اصلاحات کے حوالے سے ایک اہم قدم قرار دیا جا رہا ہے، جس سے طویل عرصے سے جاری سیاسی بحث کو کسی نتیجے تک پہنچانے میں مدد مل سکتی ہے۔
اطلاعات کے مطابق وفاقی حکومت جلد آزاد کشمیر کی قیادت کو اپنے مؤقف سے آگاہ کرے گی۔ اس سلسلے میں وزیراعظم آزاد کشمیر کی جانب سے جوائنٹ پبلک ایکشن کمیٹی سے رابطے کا بھی امکان ظاہر کیا جا رہا ہے تاکہ مختلف سیاسی اور سماجی حلقوں کو اعتماد میں لیا جا سکے۔
دوسری جانب آزاد کشمیر میں انتخابی اصلاحات کے موضوع پر کل ہونے والی آل پارٹیز کانفرنس بھی غیر معمولی اہمیت اختیار کر گئی ہے۔ سیاسی مبصرین کا کہنا ہے کہ مہاجرین کی نشستیں کم کرنے کی تجویز پر اتفاق رائے پیدا ہونے سے انتخابی نظام میں اصلاحات کی راہ ہموار ہو سکتی ہے۔
ذرائع کے مطابق اس معاملے پر مختلف سیاسی جماعتوں اور اسٹیک ہولڈرز کے درمیان مشاورت جاری ہے، جبکہ وفاقی حکومت بھی ایسا حل تلاش کرنے کی کوشش کر رہی ہے جو تمام فریقوں کے لیے قابل قبول ہو۔
سیاسی حلقوں کا ماننا ہے کہ اگر اس معاملے پر اتفاق رائے پیدا ہو جاتا ہے تو یہ آزاد کشمیر کی سیاسی تاریخ میں ایک اہم سنگ میل ثابت ہو سکتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ