سوہا علی خان کا والد منصور علی خان پٹودی کو سالگرہ پر شاندار الفاظ میں خراج عقیدت
اشاعت کی تاریخ: 5th, January 2026 GMT
بالی وڈ اداکار سیف علی خان کی چھوٹی بہن اداکارہ سوہا علی خان نے اپنے مرحوم والد اور سابق بھارتی کرکٹ کپتان منصور علی خان پٹودی کی سالگرہ کے موقع پر جذباتی پیغام شیئر کیا ہے، انہوں نے اپنے پیغام میں کہا کہ منصور علی خان پٹودی اگر حیات ہوتے تو پیر 5 جنوری 2026 کو 85 برس کے ہو جاتے۔
یہ بھی پڑھیں: ارب پتی خاندان سے تعلق کے باوجود سوہا علی خان نے کرائے کے مکان میں زندگی کیوں گزاری؟
سوہا علی خان نے انسٹاگرام پر ایڈن گارڈنز کی تصاویر کے ساتھ لکھا کہ وہ اپنے والد کی سالگرہ پر اس مقام پر کھڑی ہونا چاہتی تھیں جہاں کرکٹ آج بھی انہیں یاد کرتی ہے۔ ان کے مطابق ایڈن گارڈنز آج خالی ضرور ہے مگر منصور علی خان پٹودی کے لیے کبھی خاموش نہیں ہوتا۔
View this post on Instagram
A post shared by Soha (@sakpataudi)
انہوں نے کہا کہ یہ وہ میدان ہے جہاں ان کے والد نے بھارت کی قیادت کی اور خاص طور پر دسمبر 1974 میں ویسٹ انڈیز کے خلاف تاریخی ٹیسٹ میچ یادگار رہا۔ اس میچ میں اینڈی رابرٹس کی گیند چہرے پر لگنے سے ان کی گال کی ہڈی فریکچر ہوگئی تھی، وہ زخمی حالت میں میدان سے باہر گئے مگر دوبارہ واپس آ کر ٹیم کی قیادت کی اور بھارت کو 85 رنز سے شاندار فتح دلائی۔
یہ بھی پڑھیں: کیا سیف علی خان پٹودی محل کو میوزیم میں تبدیل کرنا چاہتے ہیں؟
سوہا علی خان کے مطابق ایڈن گارڈنز کا وہ ٹیسٹ میچ بھارتی کرکٹ کی تاریخ کی عظیم ترین فتوحات میں شمار ہوتا ہے جو حوصلے اور جرات مندانہ قیادت کی مثال ہے۔
انہوں نے کہا کہ اسٹیڈیم آج بھی کرکٹر منصور علی خان پٹودی کو یاد کرتا ہے جبکہ وہ اپنے والد کو یاد کرتی ہیں، اور دونوں کی یادیں اسی میدان سے جڑی ہیں۔
واضح رہے کہ منصور علی خان پٹودی، جو ٹائیگر پٹودی کے نام سے بھی جانے جاتے تھے، 70 برس کی عمر میں سانس کی بیماری کے باعث انتقال کر گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکارہ ایڈن گارڈنز بھارت سالگرہ سویا علی خان سیف علی خان کرکٹر منصور علی خان پٹودی.
ذریعہ
ذریعہ: WE News
کلیدی لفظ: اداکارہ ایڈن گارڈنز بھارت سالگرہ سویا علی خان سیف علی خان کرکٹر منصور علی خان پٹودی
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع