جنوبی اور مشرقی لبنان میں اسرائیل کے کئی فضائی حملے
اشاعت کی تاریخ: 5th, January 2026 GMT
المیادین کے مطابق اسرائیل نے آج پیر کو جنوبی لبنان میں آنان اور کفرحتا اور مشرقی لبنان میں المنارہ و عین التینہ میں عمارتوں کو کئی فضائی حملوں سے نشانہ بنایا۔ اسلام ٹائمز۔ صیہونی ریاست اسرائیل نے جنوبی اور مشرقی لبنان میں کئی جگہوں پر فضائی حملے کیے ہیں۔ المیادین کے مطابق اسرائیل نے آج پیر کو جنوبی لبنان میں انان اور کفرحتی اور مشرقی لبنان میں المنارہ و عین التینہ میں عمارتوں کو کئی فضائی حملوں سے نشانہ بنایا۔ فضائی حملوں میں عین التینہ اور المنارہ میں عمارتوں کو نشانہ بنایا گیا، جبکہ لبنانی خبر ایجنسی نے نقل کیا کہ دشمن نے گذشتہ سال شہید ہونے والے شہید شرحبیل سید کے المنارہ گاؤں میں گھر کو نشانہ بنایا۔ جنوبی لبنان میں اسرائیلی جنگی طیاروں نے جزین ضلع کے گاؤں انان میں ایک گھر کو نشانہ بنایا اور صیدا ضلع کے گاؤں کفرحتا پر بھی فضائی حملہ کیا گیا۔
.
ذریعہ
ذریعہ: Islam Times
کلیدی لفظ: اور مشرقی لبنان میں نشانہ بنایا
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار