گلشن معمار میں بند گھرسے ہاتھ پاوں بندھی لاش ملی
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر ) شہر کے مختلف علاقوں میں حادثات واقعات میں بچے اور خاتون سمیت 5افراد جاںبحق ہوگئے ۔ ناظم آباد سیف اللہ ہوٹل کے قریب نامعلوم سمت سے آنے والی گولی لگنے سے معصوم بچی زخمی ہوئی ۔ تفصیلات کے مطابق گلشن معمار تھانے کی حدود غنی آباد عبدالکریم شاہ دربار خیبر ہوٹل کے قریب ایک بند گھر سے ہاتھ پاوں بندھی 48سالہ عمران ولد اسماعیل کی تشدد زدہ لاش ملی ، مقتول کو ہاتھ پاون باندھ کر بری طرح تشدد کیا گیا بعد ازاں پھندا لگا کر قتل کر دیا ۔ مقتول کی لاش کو عباسی شہید اسپتال منتقل کر کے تفتیش کا آغاز کر دیا گیا ہے ۔ منگھوپیر میں تیز رفتار واٹر ٹینکر کی ٹکر سے ایک اور ننھی جان ضائع ہوگئی، حادثے میں 5 سالہ بچہ عارف موقع پر ہی جاں بحق ہوگیا۔ شاہراہ فیصل ائیر پورٹ روڈپر موٹر سائیکل پر سوارخاتون ائیرپورٹ سگنل کے قریب آنے والے کھڈے کے باعث چلتی ہوئی موٹر سائیکل سے نیچے گرگئی۔ اس ہی دوران عقب سے آنے والی گاڑی خاتون سے ٹکرائی جسکے باعث خاتون موقع پر ہی جاں بحق ہوگئی۔ تیموریہ تھانے کی حدود نارتھ ناظم آباد بلاک ایل نذد دھوبی محلہ کے قریب گھر میں 35سالہ محمد شہزاد ولد عبدالکریم نے خود کو گولی مار کر خودکشی کرلی ،متوفی کی لاش کو قانونی کاروائی کے بعد ورثاء کے سپر د کر دیا گیا۔ قائد آباد کے علاقے مرغی خانہ گلستان کالونی کے قریب ریلوے ٹریک پر ٹرین کی زد میں اکر 35سالہ شخص جاںبحق ہوگیا ۔
ذریعہ
ذریعہ: Jasarat News
کلیدی لفظ: کے قریب
پڑھیں:
کراچی؛ موٹر سائیکل سوار نوجوان کی خاتون سے نازیبا حرکت، ویڈیو سامنے آگئی
کراچی:کراچی میں خاتون سے نازیبا حرکت کا ایک اور واقعہ سامنے آگیا جس کی سی سی ٹی وی فوٹیج بھی سامنے آگئی۔
خاتون سے نازیبا حرکت کا واقعہ اورنگی ٹاؤن سیکٹر ساڑھے گیارہ چشتی نگر شاہد پکوان کے سامنے والی گلی میں پیش آیا۔
سی سی ٹی وی فوٹیج میں دیکھا گیا کہ موٹر سائیکل پر سوار نوجوان گلی سے گزرتے وقت خاتون کو دیکھ کر موٹر سائیکل واپس موڑ لیتا ہے۔
موٹر سائیکل سوار نوجوان چلتی بائیک پر خاتون کے ساتھ نازیبا حرکت کرتے ہوئے فرار ہو جاتا ہے، متاثرہ خاتون فوری گلی سے باہر نکل جاتی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم