میرا برانڈ پاکستان نمائش ‘ خدیجۃ الکبریٰ پویلین خصوصی توجہ کا مرکز
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
260106-08-11
کراچی(اسٹاف رپورٹر)ایکسپو سینٹر کراچی میں منعقدہ ’’میرا برانڈ پاکستان‘‘نمائش کے دوران جماعت اسلامی حلقہ خواتین کراچی کے زیر اہتمام خدیجۃ الکبریٰ بزنس پویلین میں خواتین کے اسٹالز شرکا کی خصوصی توجہ کا مرکز بنے رہے۔نمائش کے دونوں روز ہزاروں خواتین اور طالبات نے جماعت اسلامی خواتین کے اسٹال کا دورہ کیا ، جہاں مختلف دلچسپ اور بامقصد سرگرمیوں کے ذریعے انہیں جماعت اسلامی خواتین کے کام، مشن اور خدمات سے روشناس کرایا گیا۔اس موقع پر ناظمہ حلقہ خواتین جماعت اسلامی کراچی جاوداں فہیم اپنی ٹیم کے ہمرا ہ آنے والی خواتین اور طالبات کی مسلسل رہنمائی کرتی رہیں اور جماعت کے مختلف شعبہ جات سے تفصیلی آگاہی فراہم کی۔نمائش میں شعبہ اطفال، میڈیا سیل، جے آئی یوتھ، بیٹھک اسکول، جامعۃ المحصنات، قرآن انسٹی ٹیوٹ، خواتین وکلا فورم، ادبی کمیٹی، لیگل ایڈ ٹرسٹ اور ملازمت پیشہ خواتین کے شعبہ جات کی ذمے داران نے شرکا کو اپنے اپنے شعبوں کی سرگرمیوں اور خدمات سے آگاہ کیا اور جماعت اسلامی میں شمولیت کی دعوت دی۔اس دوران کثیر تعداد میں خواتین نے ممبر سازی فارم پُر کیے اور جماعت اسلامی خواتین کے ساتھ عملی جدوجہد میں شامل ہونے کے عزم کا اظہار کیا۔ اس موقع پر شرکا میں تحائف تقسیم کیے گئے اور بروشرز اور پمفلٹس بھی فراہم کیے گئے۔اسٹال کی ایک نمایاں اور خصوصیت رمضان المبارک میں دورہ ٔ قرآن کے حوالے سے رہنمائی تھی، جس کے تحت شہر بھر میں قرآن مجید سے اپنا تعلق مضبوط کرنے کے لیے قائم مراکز کی مکمل تفصیلات شرکا کو فراہم کی گئیں۔
میر ا برانڈ پاکستان نمائش میں جماعت اسلامی حلقہ خواتین کے خدیجۃ الکبریٰ پویلین میں ناظمہ کراچی جاوداں فہیم و دیگر ذمے داران موجود ہیں
ذریعہ
ذریعہ: Jasarat News
کلیدی لفظ: جماعت اسلامی خواتین کے
پڑھیں:
پٹرولیم قیمتوں کے روزانہ تعین پر سینیٹ میں توجہ دلاؤ نوٹس جمع
توجہ دلاؤ نوٹس میں جے یو آئی کے سینیٹر نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ اسلام ٹائمز۔ سینیٹر کامران مرتضیٰ نے پٹرولیم مصنوعات کی قیمتوں کے 15 روزہ نظام کے بجائے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔ توجہ دلاؤ نوٹس میں وفاقی حکومت سے مجوزہ پالیسی پر وضاحت طلب کرتے ہوئے کہا گیا ہے کہ روزانہ قیمتوں کے تعین سے مہنگائی، ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے۔ نوٹس کے متن کے مطابق مجوزہ نظام کے کاروباری سرگرمیوں اور عوامی زندگی کے اخراجات پر ممکنہ اثرات سے متعلق بھی سوالات اٹھائے گئے ہیں۔
سینیٹر کامران مرتضیٰ نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ انہوں نے مطالبہ کیا کہ عوام کو ممکنہ منفی اثرات سے بچانے کے لیے اختیار کیے جانے والے حفاظتی اقدامات سے بھی سینیٹ کو آگاہ کیا جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار