بلدیاتی کالے قانون کیخلاف عوامی ریفرنڈم ہوگا،جاوید قصوری
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
260106-06-15
لاہور(وقائع نگارخصوصی) امیر جماعت اسلامی پنجاب محمد جاوید قصوری نے کہا ہے کہ پنجاب کے عوام کو موجودہ بلدیاتی کالا قانون انہیں کسی صورت قبول نہیں۔ بلدیاتی انتخابات جماعتی بنیادوں پر فوری طور پر کروائے جائیں تاکہ عوام کی حقیقی نمائندگی سامنے آ سکے اور نچلی سطح پر جمہوریت مضبوط ہو۔ ان خیالات کا اظہار انہوں نے جماعت اسلامی کی بلدیاتی ایکٹ کے خلاف جاری تحریک کے جائزہ اجلاس سے خطاب کرتے ہوئے کیا۔محمد جاوید قصوری نے کہا کہ موجودہ حکومت نے بلدیاتی نظام کو کمزور کرکے بیوروکریسی کو مضبوط کیا ہے، جو جمہوری اقدار کے منافی ہے۔ بلدیاتی اداروں کا مقصد عوامی مسائل کو مقامی سطح پر حل کرنا ہوتا ہے، لیکن اختیارات منتخب نمائندوں کے بجائے سرکاری افسران کے ہاتھ میں دے کر عوام کے حقِ حکمرانی پر ڈاکا ڈالا جا رہا ہے۔ جماعت اسلامی بیوروکریسی کی بالادستی کو کسی صورت قبول نہیں کرے گی۔امیر جماعت اسلامی پنجاب نے مطالبہ کیا کہ بڑے شہروں میں مضبوط اور بااختیار میٹروپولیٹن حکومتیں قائم کی جائیں تاکہ شہری مسائل جیسے پانی، ٹرانسپورٹ، صفائی اور صحت کے شعبوں میں فوری اور مؤثر فیصلے ہو سکیں۔ انہوں نے کہا کہ یونین کونسل چیئرمین کو براہ راست عوامی ووٹ سے منتخب کیا جائے تاکہ وہ حقیقی معنوں میں عوام کے سامنے جواب دہ ہوں اور مقامی سطح پر شفافیت کو فروغ ملے۔انہوں نے مزید کہا کہ تحصیل اور ضلع کی سطح پر بااختیار حکومتوں کا نظام ترتیب دیا جانا ناگزیر ہے، جس میں مالی اور انتظامی اختیارات منتخب نمائندوں کو حاصل ہوں۔ بیوروکریسی منتخب بلدیاتی نمائندوں کے ماتحت کام کرے، نہ کہ ان پر مسلط ہو۔ یہی جمہوریت کا تقاضا اور آئین کی روح ہے۔محمد جاوید قصوری نے زور دیا کہ ہر سطح پر عوام کے حقِ حکمرانی کو تسلیم کیا جائے اور انہیں اپنے نمائندے خود منتخب کرنے کا مکمل اختیار دیا جائے۔ جماعت اسلامی ایک ایسا مضبوط، شفاف اور عوام دوست بلدیاتی نظام چاہتی ہے جو کرپشن سے پاک ہو، عوام کے مسائل حل کرے اور حقیقی جمہوریت کی بنیاد بنے۔ پنجاب کے عوام اب مزید تجربات نہیں، بلکہ بااختیار مقامی حکومتوں کا عملی نفاذ چاہتے ہیں۔
ذریعہ
ذریعہ: Jasarat News
کلیدی لفظ: جماعت اسلامی جاوید قصوری عوام کے
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ