کراچی: پولیس اور ڈاکوؤں کے درمیان چار مبینہ مقابلے، 3ڈاکو ہلاک، 7گرفتار
اشاعت کی تاریخ: 6th, January 2026 GMT
ویب ڈیسک: شہر قائد کے مختلف علاقوں میں پولیس اور ڈاکوؤں کے درمیان 4مبینہ مقابلے ہوئے، جن میں 3ڈاکو ہلاک اور 7گرفتار ہوگئے، جبکہ ایک ملزم فرار ہونے میں کامیاب ہو گیا۔
پہلا واقعہ جہان آباد کے علاقے پاک کالونی میں پیش آیا، جہاں تین ڈاکو شدید زخمی حالت میں گرفتار ہوئے۔ زخمی ڈاکوؤں کو چھیپا حکام نے سول ہسپتال منتقل کیا، لیکن وہ راستے میں دم توڑ گئے۔ پولیس کے مطابق ہلاک ہونے والے ڈاکوؤں کی شناخت گلاب خان، حنیف اور سلیمان کے ناموں سے ہوئی۔ ملزمان کے قبضے سے اسلحہ، موٹر سائیکل اور دیگر سامان برآمد کیا گیا۔
وہ غذائیں جو آپ کو صحت مند رکھتی ہیں
دوسرا واقعہ سہراب گوٹھ کے علاقے تاج پیٹرول پمپ کے قریب پیش آیا، جہاں ایک ڈاکو زخمی حالت میں گرفتار ہوا۔ چھیپا حکام کے مطابق گرفتار ملزم عزیز اللہ کو عباسی شہید اسپتال منتقل کیا گیا۔ پولیس نے ملزم سے پستول، موبائل فون اور نقد رقم برآمد کی۔
تیسرا واقعہ مومن آباد پولیس کے علاقے رحیم شاہ کالونی میں پیش آیا، جہاں چار ملزمان زخمی حالت میں گرفتار کیے گئے۔ ان کی شناخت عمران عزیز، عادل، معاویہ اور عاقب کے ناموں سے ہوئی۔ پولیس کے مطابق ملزمان کے قبضے سے اسلحہ، چھینے گئے 9 موبائل فونز، نقد رقم اور دو موٹر سائیکلیں برآمد کی گئیں۔
پاکستان کبڈی فیڈریشن کی ڈسپلنری کمیٹی نے عبیداللہ راجپوت کو طلب کرلیا
چوتھا واقعہ گلشنِ معمار کے علاقے میں ہوا، جہاں پولیس کے ساتھ مبینہ مقابلے کے دوران دو ملزمان کو گرفتار کیا گیا۔ زخمی ملزم عبدالصمد کو عباسی شہید اسپتال منتقل کیا گیا، جبکہ دوسرے گرفتار ملزم نور محمد عرف ماہنور کو تھانے منتقل کر دیا گیا۔ پولیس کے مطابق ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی۔
.
ذریعہ
ذریعہ: City 42
کلیدی لفظ: کے مطابق کے علاقے پولیس کے کیا گیا
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار