خلائی مخلوق سے رابطہ؟ پوپ کے خطاب سے متعلق حیران کن دعویٰ
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
خلائی مخلوق سے ممکنہ رابطے کے حوالے سے ایک دلچسپ اور حیران کن دعویٰ سامنے آیا ہے، جس میں ایک برطانوی ڈاکیومنٹری ساز نے کہا ہے کہ پوپ لیو اس برس خلائی مخلوق کے ساتھ پہلے ممکنہ رابطے کی صورت میں اس موضوع پر خطاب کی تیاری کر رہے ہیں۔
بین الاقوامی خبر رساں اداروں کے مطابق اس مضحکہ خیز دعوے نے دنیا بھر میں مذہبی اور سائنسی حلقوں میں نئی بحث کو جنم دے دیا ہے۔
یو ایف او محقق مارک کرسٹوفر لی کے مطابق انہوں نے ویٹیکن کے خفیہ آرکائیوز تک رسائی حاصل کر لی ہے، جہاں وہ ایسے تاریخی اور پُراسرار واقعات کی تحقیقات کر رہے ہیں جو ممکنہ طور پر انسانیت اور زمین سے باہر موجود زندگی کے درمیان رابطے سے متعلق ہو سکتے ہیں۔ ان کا کہنا ہے کہ یہ تحقیق غیر معمولی نوعیت کے شواہد پر مشتمل ہو سکتی ہے۔
مارک کرسٹوفر لی نے دعویٰ کیا ہے کہ کیتھولک چرچ پہلے ہی اس امکان پر غور کر رہا ہے کہ اگر کبھی خلائی زندگی کے شواہد سامنے آتے ہیں تو اس کے مذہبی اور روحانی اثرات کیا ہوں گے۔ چرچ اس معاملے کو محض سائنسی نہیں بلکہ ایک روحانی اور اخلاقی تناظر میں بھی دیکھ رہا ہے۔
ان کا کہنا ہے کہ ویٹیکن کے خفیہ آرکائیوز میں ایسے حوالہ جات موجود ہیں جو ماضی کے پُراسرار مظاہر، غیر معمولی روحانی تجربات یا ایسے واقعات سے متعلق ہو سکتے ہیں جنہیں جدید دور میں خلائی زندگی کے تصور سے جوڑا جا رہا ہے۔ وہ ان دستاویزات کا بغور جائزہ لے رہے ہیں تاکہ ممکنہ روابط کے تاریخی شواہد سامنے لائے جا سکیں۔
مارک کرسٹوفر لی کے مطابق ان کی تحقیق کا مقصد کسی حتمی نتیجے پر پہنچنا نہیں بلکہ اس سوال کا جائزہ لینا ہے کہ اگر انسان کا کبھی زمین سے باہر کسی زندگی سے رابطہ ہوتا ہے تو مذہبی ادارے اس صورتحال کو کس طرح دیکھیں گے۔ ان کا کہنا ہے کہ یہ تحقیق مستقبل میں ایک بڑے فکری مباحثے کا پیش خیمہ بن سکتی ہے۔
.
ذریعہ
ذریعہ: Jasarat News
پڑھیں:
جامعہ کراچی میں سالانہ یومِ حسینؑ، شیعہ سنی علماء کا خطاب، اساتذہ و طلباء کی شرکت
تقریب سے جامعہ کراچی کے وائس چانسلر ڈاکٹر خالد محمود عراقی، معروف عالمِ دین مولانا سید شہنشاہ حسین نقوی، معروف اہلِ سنت عالمِ دین مفتی فضل ہمدرد، مولانا سید عروج زیدی اور مولانا سید فرخ عباس سمیت دیگر نے خطاب کیا۔ اس موقع پر شرکاء کے لیے سبیلِ حسینی اور تبرکات کا خصوصی اہتمام کیا گیا، جبکہ ماحولیاتی آلودگی سے آگاہی کے فروغ کے لیے مفت پودے بھی تقسیم کیے گئے۔ اس موقع پر میناب اسکول کے شہداء کو خراج تحسین بھی پیش کیا گیا۔ متعلقہ فائیلیںرپورٹ: میثم عابدی
جامعہ کراچی میں آئی ایس او ڈسٹرکٹ پروفیشنل اور دفترِ مشیر امورِ طلبہ کے زیر اہتمام سالانہ یومِ حسینؑ نہایت عقیدت و احترام کے ساتھ منایا گیا، جس میں جامعہ کے اساتذہ، طلبہ، علمائے کرام اور مختلف مکاتبِ فکر سے تعلق رکھنے والے افراد نے بڑی تعداد میں شرکت کی۔ تقریب سے خطاب کرتے ہوئے جامعہ کراچی کے وائس چانسلر ڈاکٹر خالد محمود عراقی نے کہا کہ حضرت امام حسینؑ کی عظیم قربانی رہتی دنیا تک حق و باطل کے درمیان امتیاز کی علامت بنی رہے گی۔ انہوں نے کہا کہ شہدائے کربلا کی قربانی کا مقصد انسانیت کو گمراہی کے اندھیروں سے نکال کر ہدایت کی روشنی سے آشنا کرنا تھا۔ ان کا کہنا تھا کہ آج جمہوری اسلامی ایران امریکا اور اسرائیل کے خلاف جس استقامت اور ثابت قدمی کا مظاہرہ کر رہا ہے، وہ تعلیماتِ حسینی کا عملی مظہر ہے۔ تقریب کے مقررین میں معروف عالمِ دین مولانا سید شہنشاہ حسین نقوی نے کہا کہ کربلا شعور، بصیرت اور حق شناسی کا راستہ ہے، حضرت امام حسینؑ نے اپنی لازوال قربانی سے دینِ اسلام کو نئی حیات عطا کی جبکہ سیدالشہداءؑ سے محبت درحقیقت رسولِ اکرم ﷺ سے محبت کا اظہار ہے۔ انہوں نے کہا کہ شہدائے کربلا کی قربانی تاریخِ انسانیت کی عظیم ترین قربانی ہے۔
معروف اہلِ سنت عالمِ دین مفتی فضل ہمدرد نے اپنے خطاب میں کہا کہ حضرت امام حسینؑ نے دینِ اسلام کی سربلندی اور حق کی بقا کے لیے عظیم قربانی پیش کی۔ انہوں نے کہا کہ حسینیت کا راستہ ہی پاکستان میں امن، اتحاد اور باہمی ہم آہنگی کو فروغ دے سکتا ہے۔ اسی موقع پر مولانا سید عروج زیدی نے کہا کہ واقعۂ کربلا پوری انسانیت کے لیے ایک ہمہ گیر نمونۂ عمل ہے، جو انسان کو بیداری، حق شناسی اور ظلم کے خلاف ڈٹ جانے کا درس دیتا ہے۔ تقریب کے درمیان شیعہ اور سنی شرکاء نے مولانا سید فرخ عباس کی اقتدا میں باجماعت نمازِ ظہرین ادا کی۔ شرکاء کے لیے سبیلِ حسینی اور تبرکات کا خصوصی اہتمام کیا گیا، جبکہ ماحولیاتی آلودگی سے آگاہی کے فروغ کے لیے مفت پودے بھی تقسیم کیے گئے۔ اس موقع پر میناب اسکول کے شہداء کو خراج تحسین بھی پیش کیا گیا۔ یوم حسینؑ میں مختلف طلبہ تنظیموں کے رہنما بھی شریک تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار