لاہور: نجی یونیورسٹی میں طالبہ کی خودکشی کی کوشش‘ تیسری منزل سے کود کر زخمی
اشاعت کی تاریخ: 6th, January 2026 GMT
لاہور (نامہ نگار) نواب ٹاو ن کے علاقے میں نجی یونیورسٹی میں ڈی فارمیسی کی 21 سالہ طالبہ نے مبینہ طور پر خودکشی کی کوشش میں تیسری منزل سے چھلانگ لگا دی، جسے انتہائی زخمی حالت میں ہسپتال منتقل کر دیا گیا ہے۔ فاطمہ کے سر پر شدید چوٹیں آئیں، دونوں پاو ں کی ہڈیاں ٹوٹ گئیں۔ ریڑھ کی ہڈی بھی متاثر ہے۔ یاد رہے مذکورہ نجی یونیورسٹی میں ایک ماہ کے دوران خودکشی کا یہ دوسرا واقعہ ہے۔ تعلیمی ادارے کی انتظامےہ کا کہنا ہے کہ اس واقعہ میں یونیورسٹی کا کوئی عمل دخل نہیں۔ فاطمہ فارمیسی ڈیپارٹمنٹ میں فرسٹ ائیر کی طالبہ ہے اور بہترین سٹوڈنٹ ہے جبکہ خود کشی کی کوشش اسکا ذاتی فعل یا ذہنی پریشانیوں کے سبب ہو سکتی ہے۔ رجسٹرار علی اسلم نے پریس بریفنگ میں کہا یونیورسٹی انتظامیہ، فیکلٹی ممبرز اور سٹوڈنٹس اس ناخوشگوار واقعہ پر غمزدہ ہیں۔ تاہم طالبہ کی حالت پہلے سے بہتر ہے۔ انہوں نے بتایا یونیورسٹی نے 7رکنی انکوائری کمیٹی تشکیل دےدی ہے جس کی حتمی سفارشات چند روز میں پبلک کر دی جائیں گی۔
.
ذریعہ
ذریعہ: Nawaiwaqt
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی