کراچی میں بڑی تباہی کا منصوبہ: گرفتار دہشتگرد ریمانڈ پر پولیس کے حوالے
اشاعت کی تاریخ: 6th, January 2026 GMT
کراچی:
انسداد دہشتگردی کی منتظم عدالت نے سی ٹی ڈی پولیس کے ہاتھوں گرفتار ہونے والے فتنہ الہندوستان کے دہشتگردوں کو 24 جنوری تک جسمانی ریمانڈ پر پولیس کی تحویل میں دیدیا۔
سی ٹی ڈی پولیس نے فتنہ الہندوستان کے دہشتگردوں کو عدالت میں پیش کردیا، ملزمان میں نیاز قادر عرف کنگ، ہمدان عرف فرید اور جلیل احمد عرف فرید شامل ہیں۔
تفتشی افسر نے بتایا کہ ملزمان کو رئیس گوٹھ بلدیہ سے گرفتار کیا گیا جن کا تعلق کالعدم بی ایل اے کے بشیر زیب گروپ سے ہے، ملزمان سے بارودی مواد سے بھرے ڈرم برآمد ہوئے ہیں۔
تفتیشی افسر کے مطابق ملزمان کے قبضے سے ڈیٹونیٹر، بارود سے بھرے گیس سلنڈر اور دیگر دھماکہ خیز مواد بھی برآمد ہوا، ملزمان یہ بارودی مواد بلوچستان سے لائے تھے۔
.
ذریعہ
ذریعہ: Express News
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ