2 ہزار کلو بارودی مواد کیس میں گرفتار 3 ملزمان جسمانی ریمانڈ پر پولیس کے حوالے
اشاعت کی تاریخ: 6th, January 2026 GMT
کراچی کے رئیس گوٹھ سے بھاری مقدار میں بارودی مواد برآمدگی کے مقدمے میں سی ٹی ڈی حکام نے گرفتار 3 ملزمان کو انسدادِ دہشت گردی عدالت کے منتظم جج کے روبرو پیش کردیا۔
عدالت نے دلائل سننے کے بعد تینوں ملزمان کو 24 جنوری تک جسمانی ریمانڈ پر پولیس کے حوالے کرنے کا حکم دے دیا۔
سی ٹی ڈی کے مطابق گرفتار ملزمان نیاز عرف گنک، حمدان اور جلیل احمد کو رئیس گوٹھ حب ریور روڈ کے علاقے سے گرفتار کیا گیا تھا۔
یہ بھی پڑھیں: کراچی میں بھاری مقدار میں بارودی مواد برآمد، 3 دہشت گرد گرفتار، ڈی آئی جی سی ٹی ڈی
حکام کا کہنا ہے کہ ملزمان کے قبضے سے 2 ہزار کلوگرام بارودی مواد، 30 سے زائد پلاسٹک ڈرم، گیس سلنڈر اور دیگر حساس اشیا برآمد ہوئی ہیں۔
سی ٹی ڈی حکام کے مطابق ابتدائی تفتیش میں انکشاف ہوا ہے کہ گرفتار ملزمان کا تعلق کالعدم تنظیم بی ایل اے، مجید بریگیڈ، فتنہ الہندوستان سے ہے، جبکہ مزید تفتیش جاری ہے۔
واضح رہے کہ گزشتہ روز ڈی آئی جی سی ٹی ڈی اظفر مہیسر نے ایک پریس کانفرنس کے دوران بتایا کہ ایک انتہائی اہم آپریشن کے دوران خطرناک دہشت گردی کے منصوبے کو ناکام بناتے ہوئے 2 ہزار کلوگرام سے زائد انتہائی خطرناک بارودی مواد برآمد کیا گیا۔
مزید پڑھیں: کراچی پولیس کی کارروائی، بھارتی جاسوس اسلحہ سمیت گرفتار
دہشتگردوں نے رئیس گوٹھ کے علاقے میں بڑی مقدار میں بارودی مواد چھپا رکھا تھا، انٹیلیجنس بیسڈ کارروائی کے دوران ایک ٹرک، 30 سے زائد بڑے ڈرم اور 5 سلنڈر قبضے میں لیے گئے۔
پولیس حکام نے بتایا کہ اس میں کمرشل نوعیت کا بارودی مواد بھی شامل تھا، جسے بعد ازاں ناکارہ بنا دیا گیا، ابتدائی کارروائی تفتیش کی بنیاد پر مجموعی طور پر 3 دہشت گردوں کو حراست میں لیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انساد دہشتگردی بارودی مواد بی ایل اے پلاسٹک ڈرم حب ریور روڈ حساس اشیا رئیس گوٹھ عدالت فتنہ الہندوستان کالعدم تنظیم کراچی گیس سلنڈر مجید بریگیڈ.
ذریعہ
ذریعہ: WE News
کلیدی لفظ: انساد دہشتگردی بارودی مواد بی ایل اے پلاسٹک ڈرم حب ریور روڈ حساس اشیا رئیس گوٹھ عدالت فتنہ الہندوستان کالعدم تنظیم کراچی گیس سلنڈر مجید بریگیڈ بارودی مواد رئیس گوٹھ سی ٹی ڈی
پڑھیں:
کالعدم بی ایل اے سے منسلک ملک دشمن شاعرہ کی تلاش جاری، بھارتی سرپرستی اور اور ریاست مخالف پروپیگنڈے کے شواہد برآمد
بھارتی سرپرستی میں کالعدم بلوچ لبریشن آرمی (بی ایل اے) سے منسلک ملک دشمن خاتون شاعرہ حبیبہ پیرجان کی تلاش کے لیے کارروائیاں جاری ہیں۔ حبیبہ پیرجان نوجوانوں کو نہ صرف ملک دشمنی پر ورغلاتی ہیں، بلکہ اپنی نفرت انگیز پروپیگنڈا شاعری کے ذریعے ریاست مخالف بیانیے کو فروغ دیکر معصوم ذہنوں کو دہشتگردی پر اکساتی ہیں۔
مزید پڑھیں: بی ایل اے بلوچوں کے حقوق کی قاتل، حکام نے کوئٹہ تفتان شاہراہ پر کنٹرول کا دعویٰ مسترد کردیا
ذرائع کا کہنا ہے کہ حبیبہ پیرجان، زوجہ حنیف اور ضلع کیچ کے علاقے دشت کی رہائشی ہیں، جنہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا، تاہم وہ علاقے کا محاصرہ مکمل ہونے سے قبل فرار ہونے میں کامیاب ہوگئیں۔
سیکیورٹی ذرائع کے مطابق کارروائی کے دوران ان کی رہائش گاہ کی تلاشی لی گئی جہاں سے ڈائریاں، ہلاک شدہ بی ایل اے عسکریت پسندوں سے متعلق تحریری ریکارڈ اور دیگر مواد برآمد ہوا جبکہ بھارتی فنڈنگ کے کچھ اہم ثبوت بھی سامنے آئے ہیں۔
ذرائع کا دعویٰ ہے کہ برآمد شدہ مواد اور انٹیلیجنس معلومات سے یہ اشارے ملے ہیں کہ حبیبہ پیرجان کے کالعدم بی ایل اے کے متعدد اہم کمانڈروں، خصوصاً رستم پیرجان، سے قریبی روابط رہے ہیں۔
اطلاعات کے مطابق انہوں نے دشت کے جنگلات میں رستم پیرجان سے کم از کم 2 مرتبہ ملاقات کی، جن میں سے ایک ملاقات رواں برس 14 فروری کو ہوئی تھی۔
سیکیورٹی اداروں کے مطابق دستیاب ریکارڈ سے یہ بھی معلوم ہوا ہے کہ مبینہ طور پر وہ اسلحہ اور دیگر سامان کی ترسیل میں سہولت کاری، بعض بلوچ یکجہتی کمیٹی (بی وائی سی) شخصیات سے رابطوں اور سوشل میڈیا پر بی ایل اے سے منسلک پلیٹ فارمز کے ذریعے بھارتی سرپرستی میں ریاست مخالف زہریلے اور شر انگیز مواد کی تشہیر میں کردار ادا کرتی رہی ہیں۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
ذرائع کا کہنا ہے کہ حبیبہ پیرجان اپنی شاعری کے ذریعے نوجوانوں کو ورغلانے اور ریاست مخالف بیانیے کو فروغ دینے پر مامور ہیں، جبکہ اس حوالے سے ملنے والے مزید شواہد کا جائزہ لیا جا رہا ہے۔
سیکیورٹی اداروں نے کہا ہے کہ ملک دشمن مطلوب خاتون کی گرفتاری کے لیے مختلف علاقوں میں کارروائیاں جاری ہیں اور تفتیش کو آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سرپرستی بی ایل اے خاتون شاعرہ حبیبہ پیرجان رستم پیرجان
وزارت آئی ٹی نے 1.67 ارب روپے سے زاید کے فنڈز طلب کرلیے