کراچی میں خاتون کو غیر مرد کیساتھ ڈکیتی کی واردات کرنی مہنگی پڑ گئی
اشاعت کی تاریخ: 6th, January 2026 GMT
کراچی:
آئس کا نشہ پورا کرنے کے لیے خاتون کو غیر مرد کے ساتھ ڈکیتی کی واردات کرنی مہنگی پڑ گئی، نارتھ ناظم آباد لنڈی کوتل چورنگی کے قریب ڈکیتی کی واردات کے دوران شہری کی فائرنگ سے مبینہ ڈاکو ہلاک ہوگیا جبکہ پولیس نے ہلاک ڈاکو کی ساتھی ملزمہ کو موقع سے گرفتار کرکے ان کے قبضے سے اسلحہ، نقدی ، موبائل فون، منشیات اور دیگر سامان برآمد کر لیا۔
تفصیلات کے مطابق منگل کی صبح نارتھ ناظم آباد لنڈی کوتل چورنگی کے قریب شہری کی فائرنگ سے مبینہ ڈاکو ہلاک ہو گیا جبکہ ہلاک ڈاکو کی ساتھی ملزمہ کو پولیس نے موقع پر پہنچ کر گرفتار کرلیا، ہلاک ہونے والے مبینہ ڈاکو کی لاش قانونی کارروائی کے لیے عباسی شہید اسپتال منتقل کی گئی۔
ایس ایچ او تیموریہ شاہد علی بلوچ کے مطابق لنڈی کوتل چورنگی کے قریب کار سوار معید خان نامی شہری پھل خریدنے کے لیے رکا تو اسی دوران موٹر سائیکل سوار مرد اور خاتون اسلحے کے زور پر شہری معید خان سے نقدی، موبائل فون اور بیگ چھین کر فرار ہونے لگے تو شہری نے لائسنس یافتہ اسلحہ سے فائرنگ کر دی۔
اس دوران، ملزم کی جانب سے بھی فائرنگ کی گئی لیکن ملزم کی جانب سے کی جانے والی فائرنگ کے باعث گولی گاڑی کے دروازے پر لگی جبکہ شہری کی فائرنگ سے مبینہ ملزم موقع پر ہلاک ہوگیا۔ ہلاک ملزم کے ساتھ موجود خاتون نے چھینا ہوا موبائل فون اٹھایا اور فرار ہونے کی کوشش کی تاہم فائرنگ کی آواز سن کر قریب واقعے تھانے کی پولیس بھی موقع پر پہنچ گئی اور پولیس نے ہلاک مبینہ ملزم کے ساتھ موجود ملزمہ کو حراست میں لیکر تھانے منتقل کر دیا۔
مزید پڑھیںکراچی؛ ڈکیتی کی 100 سے زائد وارداتوں میں ملوث 5 رکنی ڈکیت گروہ گرفتار، ملزمان کے اہم انکشافات
کراچی؛ کورنگی میں پولیس یونیفارم پہن کر وارداتیں کرنے والے 4 ڈاکو زخمی حالت میں گرفتار
پولیس نے ہلاک مبینہ ملزم اور گرفتار ملزمہ کے قبضے سے اسلحہ، نقدی، موبائل فون، آئس اور دیگرسامان کر لیا۔
ایس ایچ او تیموریہ کے مطابق ہلاک ملزم کی شناخت رضوان اور گرفتار خاتون ملزمہ کی شناخت شمع زوجہ ابراہیم کے نام سے کی گئی، گرفتار ملزمہ اور ہلاک ملزم نیو کراچی گودھرا کے رہائشی اور آئس کا نشہ کرتے ہیں اور آئس کا نشہ پورا کرنے کے لیے گرفتار ملزمہ اور ہلاک ملزم وارداتیں کرتے تھے۔
ایس ایچ او نے بتایا کہ گرفتار ملزمہ نے ابتدائی تفتیش میں کچھ وارداتوں کا اعتراف کیا ہے اور پولیس کے ریکارڈ میں بھی یہ بات سامنے آئی تھی کہ ملزمان کے ساتھ ایک خاتون بھی وارداتیں کرتی ہے۔ اس حوالے سے سی سی ٹی وی فوٹیجز چیک کی جا رہی ہیں اور امکان ہے کہ گرفتار خاتون متعدد واقعات میں ملوث ہے اور اس کی تفتیش کی جا رہی ہے۔
.
ذریعہ
ذریعہ: Express News
کلیدی لفظ: گرفتار ملزمہ موبائل فون ہلاک ملزم ڈکیتی کی پولیس نے کے ساتھ کے لیے
پڑھیں:
کراچی: احسن آباد میں نجی نرسنگ انسٹیٹیوٹ سے لڑکی کی لاش برآمد
فائل فوٹوکراچی کے علاقے احسن آباد میں نجی نرسنگ انسٹیٹیوٹ سے لڑکی کی لاش ملی ہے۔
پولیس کا کہنا ہے کہ لڑکی کی موت بظاہر طبعی لگتی ہے، مزید تحقیقات کر رہے ہیں، :لڑکی کی رات گئے طبعیت خراب ہوئی تھی، انسٹیٹیوٹ میں اسپتال بھی ہے۔
پولیس کا کہنا ہے کہ لڑکی نجی نرسنگ انسٹیٹیوٹ کے ہاسٹل میں رہائش پذیر تھی۔
وزارت آئی ٹی نے 1.67 ارب روپے سے زاید کے فنڈز طلب کرلیے