وزیراعظم کی لاہور، کراچی، اسلام آباد ایئر پورٹس آؤٹ سورس کرنے کی منظوری
اشاعت کی تاریخ: 6th, January 2026 GMT
وزیراعظم شہبازشریف نے لاہور، کراچی اور اسلام آباد کے ایئرپورٹس کو آؤٹ سورس کرنے کی منظوری دے دی ہے۔
سینیٹر طلحہ محمود کی زیر صدارت سینیٹ کی ڈیفنس کمیٹی کے اجلاس میں سیکریٹری دفاع لیفٹیننٹ جنرل (ر) محمد علی نے بتایا کہ یہ ہوائی اڈے منافع بخش ہیں مگر سروس کا معیار مطلوبہ سطح پر نہیں۔
انہوں نے مزید کہا کہ آؤٹ سورسنگ کے بعد ماہر نجی کمپنیاں خدمات فراہم کریں گی، بے شک یہ کمپنیاں غیر ملکی ہوں مگر ہم چاہتے کہ لیڈ پاکستانی کریں۔
سیکریٹری دفاع نے بریفنگ میں بتایا کہ پی آئی اے کی نجکاری کی گئی ہے، بنیادی مسئلہ طیاروں اور وسائل کی کمی ہے، اس وقت پی آئی اے کے پاس 17 سے 18 طیارے ہیں جو ہفتہ وار 490 پروازیں کر رہے ہیں، یو کے اور یورپ کے روٹس مکمل طور پر کھلے ہیں۔
دوران اجلاس کمیٹی نے چترال کےلیے بھی پروازیں بحال کرنے کی سفارش کی گئی، اس پر سیکریٹری دفاع نے بتایا کہ نجکاری کے بعد قومی ایئر لائن میں 15 ماہ میں 125 ارب روپے ڈالے جائیں گے، یہ رقم خریدار قانونی طور پر ادا کرے گا۔
انہوں نے مزید کہا کہ چترال کا روٹ نقصان میں ہونے کی وجہ سے بند کردیا تھا، کنسورشیم کو سفارش کریں گے کہ چھوٹے جہازوں سے ایسے روٹس بحال کریں۔
سیکریٹری دفاع نے یہ بھی کہا کہ دنیا کے سو بڑے پہاڑوں میں 62 پاکستان کے پاس ہیں، پاکستان میں ہائیکنگ کے لیے پورے سال صرف 15 ہزار اور نیپال میں 15 لاکھ افراد آتے ہیں، ہم سمجھتے ہیں کہ چترال میں بھی ایسا ہو سکتا ہے
چیئرمین کمیٹی نے کہا کہ پاکستان کے سعودی عرب سے برادرانہ تعلقات ہیں، مگر سعودی عرب میں ایک کمپنی نے پاکستانی ورکرز کے پاسپورٹ ضبط کر رکھے ہیں، تقریباً 1200 افراد کو 1 سال سے تنخواہیں ادا نہیں کی گئیں، سیکریٹری دفاع نے مذکورہ کمپنی کی تفصیلات حاصل کر لیں۔
سینیٹر عمر فاروق نے شکایت کی کہ ڈی ایچ اے زمین نام کرالیتا ہے مگر بعد میں ادائیگیاں اور پلاٹس نہیں ملتے، سیکریٹری دفاع نے کہا کہ اس حوالے سے تفصیلات دے دیں، معاملہ دیکھ لیتے ہیں۔
کمیٹی کو بتایا گیا ایک نئی ساؤتھ ائیر نامی فضائی کمپنی آ رہی ہے، جو شمالی بلوچستان پر فوکس کرے گی، جون 2026ء تک اس کے بیڑے میں 5 سے 6 اے ٹی آر طیارے شامل ہو جائیں۔
چیئرمین کمیٹی نے افغانستان کی صورتحال اور سعودی عرب کے ساتھ دفاعی معاہدے کا ایجنڈا ان کیمرا قرار دے دیا۔
.
ذریعہ
ذریعہ: Jang News
کلیدی لفظ: سیکریٹری دفاع نے
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا