پاکستان اسٹاک ایکسچینج میں نئے چیئرمین کا انتخاب
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر) پاکستان اسٹاک ایکسچینج لمیٹڈ (PSX) نے اعلان کیا کہ بورڈ آف ڈائریکٹرز نے سابق چیئرپرسن ڈاکٹر شمشاد اختر کے افسوسناک انتقال کے بعد بورڈ کی بقیہ مدت کے لیے روحیل محمد کو چیئرمین بورڈ منتخب کر لیا ہے۔ روحیل محمد کا انتخاب (PST) منعقدہ بورڈ اجلاس میں متعلقہ قانونی اور ضابطہ جاتی تقاضوں کے مطابق کیا گیا۔ بورڈ نے ان کے انتقال پر گہرے رنج و غم کا اظہار کیا۔ بورڈ نے ڈاکٹر شمشاد اختر کی بطور چیئرپرسن شاندار قیادت کو زبردست خراجِ تحسین پیش کیا اور اسے ریکارڈ کا حصہ بنایا۔ بورڈ نے ڈاکٹر اختر کی پالیسی سازی اور اسٹرٹیجک اقدامات میں دوراندیشانہ خدمات کو بھی سراہاان کی نمایاں خدمات کے اعتراف میں بورڈ نے PSX کے آڈیٹوریم کو مستقل طور پر ‘‘ڈاکٹر شمشاد اختر آڈیٹوریم’’ کا نام دینے کی قرارداد منظور کی۔ نئے مقرر ہونے والے چیئرمین بورڈ، روحیل محمد، تین دہائیوں سے زائد عرصے پر محیط مختلف شعبوں میں قیادت کا وسیع تجربہ رکھتے ہیں اور اسٹریٹجک نگرانی، ادارہ جاتی حکمرانی اور تنظیمی ترقی میں گہری مہارت کے حامل ہیں۔ اصولی فیصلوں، گہری تجزیاتی بصیرت اور انسان دوست قیادتی انداز کے باعث انہیں وسیع احترام حاصل ہے۔ پیچیدہ ضابطہ جاتی ماحول، طویل المدتی اسٹریٹجک منصوبہ بندی اور ادارہ جاتی رسک مینجمنٹ میں ان کا وسیع تجربہ انہیں PSX کو شفافیت اور پائیدار ترقی کے اپنے مشن میں مؤثر طور پر آگے بڑھانے کے لیے موزوں بناتا ہے۔PSX بورڈ میں اپنی مدتِ رکنیت کے دوران، بالخصوص بطور چیئرمین BAC، انہوں نے ادارے کے گورننس ڈھانچے کو مضبوط بنانے میں کلیدی کردار ادا کیا۔
ذریعہ
ذریعہ: Jasarat News
پڑھیں:
پاکستان اور اٹلی کے درمیان سفارتی پاسپورٹ پر ویزے کی شرط ختم
روم: پاکستان اور اٹلی کے درمیان سفارتی پاسپورٹ پر ویزے کی شرط ختم کر دی گئی۔پاکستان کے سفیر علی جاوید اور اٹلی کی وزارتِ خارجہ کے سیکرٹری جنرل، عزت مآب سفیر ریکارڈو گوارِیلیا نے حال ہی میں ایک ایسے معاہدے پر دستخط کئے ہیں. جس کے تحت سفارتی پاسپورٹ رکھنے والے افراد کیلئے ویزا کی شرط ختم کر دی گئی ہے. معاہدے پر دستخط کی پُروقار تقریب اٹلی کی وزارتِ خارجہ میں روم میں منعقد ہوئی۔تقریب سے قبل دونوں اعلیٰ حکام کے درمیان ون آن ون ملاقات ہوئی. دونوں فریقوں نے پاکستان اور اٹلی کے درمیان تزویراتی تعاون کی مضبوطی، وسعت اور مسلسل ترقی پر اطمینان کا اظہار کیا۔اس موقع پر دونوں ممالک کے درمیان روایتی طور پر دوستانہ اور تعمیری دوطرفہ تعلقات کا جامع جائزہ لیا گیا، جبکہ اقوامِ متحدہ اور یورپی یونین سمیت مختلف بین الاقوامی فورمز پر جاری تعاون پر بھی تبادلۂ خیال کیا گیا۔دونوں جانب سے اس معاہدے کو باہمی اعتماد اور دوستی کی عکاسی قرار دیا گیا اور اسے موجودہ دوطرفہ تعاون کے نظام میں ایک اہم اضافہ قرار دیا گیا. معاہدے سے سفارتی وفود کے تبادلوں میں آسانی پیدا ہوگی اور دونوں ممالک کے درمیان روابط مزید مستحکم ہوں گے۔پاکستان اور اٹلی کے درمیان اس وقت متعدد نئے معاہدوں پر غور جاری ہے. اس کے علاوہ دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (MoUs) موجود ہیں، جبکہ سیاحت، ثقافت، سائنس و ٹیکنالوجی، کھیل، اعلیٰ دفاعی مطالعات اور منشیات کی سمگلنگ کے خلاف تعاون سمیت مختلف شعبوں میں دونوں حکومتوں کے درمیان 15 معاہدے طے پا چکے ہیں۔دفاعی تعاون کا معاہدہ 2009 میں طے پایا، جبکہ 2013 میں دونوں ممالک کے وزرائے خارجہ کے درمیان سٹریٹجک انگیجمنٹ پلان قائم کیا گیا، اسی طرح مشترکہ اقتصادی کمیشن 2005 میں تشکیل دیا گیا، سرمایہ کاری کے تحفظ کا معاہدہ 1997 میں طے پایا، دوہری شہریت کا معاہدہ 1983 میں جبکہ حوالگیِ ملزمان (Extradition) کا معاہدہ 1972 میں دستخط کیا گیا تھا۔اس سے قبل 7 مئی 2025 کو اسلام آباد میں پاکستان اور اٹلی کے درمیان ’’لیبر موبیلٹی اینڈ مائیگریشن‘‘ کے موضوع پر ایک مفاہمتی یادداشت پر دستخط ہوئے تھے، جو کسی یورپی ملک کے ساتھ پاکستان کا پہلا باقاعدہ لیبر معاہدہ ہے، اس معاہدے کے تحت پاکستانی افرادی قوت کو اٹلی میں پاکستانی شہریوں کیلئے مختص 10,500 ملازمتوں کے کوٹے سے فائدہ اٹھانے کا موقع حاصل ہوگا۔پاکستانی سفیر نے سیکرٹری خارجہ کی جانب سے سیکرٹری جنرل کو ساتویں دورِ دوطرفہ سیاسی مشاورت میں شرکت کیلئے پاکستان کے دورے کی دعوت بھی دی، انہوں نے 2026 کی آخری سہ ماہی میں اس اجلاس کے انعقاد کیلئے پاکستان کی آمادگی سے آگاہ کیا اور اسلام آباد میں اٹلی کے نئے سفارت خانے کے افتتاح کی خواہش کا اظہار کیا، جو اٹلی کا بیرونِ ملک سب سے بڑا سفارتی مشن ہوگا. اس موقع پر دونوں ممالک کے درمیان تعلقات کی اہمیت کو بھی اجاگر کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ