بجلی کمپنیوں کی نجکاری کیخلاف واپڈا ہائیڈرو الیکٹرک یونین کا ملک بھر میں احتجاج
اشاعت کی تاریخ: 7th, January 2026 GMT
لاہور، گوجرانوالہ (نمائندگان) بجلی کمپنیوں کو مجوزہ نجکاری سے بچانے کیلئے آل پاکستان واپڈا ہائیڈروالیکٹرک ورکرزیونین نے لاہور‘ پشاور، راولپنڈی، فیصل آباد، گوجرانوالہ سمیت ملک بھر میں "یوم احتجاج" منایا۔ لاہور پریس کلب کے سامنے یونین کے جنرل سیکرٹری خورشیداحمدکی قیادت میں احتجاجی ریلی نکالی گئی۔ بزرگ مزدور رہنما نے وزیراعظم پاکستان اور وزیر توانائی اویس لغاری سے مطالبہ کیا کہ وہ ادارہ بجلی میں 9 سال سے بھرتی پر پابندی کا خاتمہ کریں کیونکہ سٹاف پرکام کے دبائو کے باعث حادثات بڑھ رہے ہیں۔انہوں نے کہا حادثات روکنے کیلئے حفاظتی اقدامات یقینی بنائے جائیں اور آئی ایم ایف کا مطالبہ ماننے کی بجائے عوامی اور قومی مفاد میں بجلی کمپنیوں کی نجکاری روکیں۔ انہوں نے کہا نجی پاور ہاؤسز سے مہنگی بجلی خریدنے سے ملک میں بجلی بے حد مہنگی ہوگئی ہے۔ واپڈا ساڑھے پانچ روپے جبکہ آئی پی پیز50 روپے فی یونٹ بجلی فراہم کررہے ہیں۔ انہوں نے شہید‘ فوت شدہ ملازمین کے بچوں کیلئے ملازمت ، کنٹریکٹ‘ ڈیلی ویجزاور عارضی ملازمین کوریگولر کرنے کامطالبہ کیا۔ اجلاس میں یونین نمائندگان حاجی یونس، اسامہ طارق، ملک زاہد، مہر جمیل، ملک ظہور، رانا شفیق، فرمان علی بھٹی، یونس بٹ و دیگر نے بھی خطاب کیا۔ علاوہ ازیں گوجرانوالہ میں گیپکو کی نجکاری کیخلاف ملازمین نے دفاتر کی تالہ بندی کی اور جی ٹی روڈپر احتجاجی مظاہرہ کیا۔ ریجنل چیئرمین ولی الرحمان کی قیادت میں احتجاجی ریلی بھی نکالی گئی۔ اپنے خطاب میں ولی الرحمان خان ودیگر نے کہا حکومت نے گیپکو کی نجکاری فوری نہ روکی تو 15جنوری سے بلز ریڈنگ اور ریکوری بند کردینگے۔
.
ذریعہ
ذریعہ: Nawaiwaqt
کلیدی لفظ: کی نجکاری
پڑھیں:
مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
اسلام آباد، گزشتہ مہینے پاکستان میں 3ہزار 161نئی کمپنیاں رجسٹرڈ(companies registerd) ہوئیں جس کے بعد رجسٹرڈ کمپنیوں کی مجموعی تعداد 2لاکھ 97 ہزار 239 تک پہنچ گئی۔ ڈیجیٹلائزیشن کے باعث 99.9 فیصد کمپنیاں آن لائن رجسٹر کی گئیں۔
ایس ای سی پی کے مطابق صوبائی اور علاقائی لحاظ سے مئی کے دوران سب سے زیادہ ایک ہزار 643 کمپنیاں پنجاب میں رجسٹر ہوئیں، جبکہ وفاقی دارالحکومت اسلام آباد میں 596 اور سندھ میں 479 کمپنیاں رجسٹر کی گئیں۔
خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر کی گئیں۔ انفارمیشن ٹیکنالوجی اور ای کامرس کا سیکٹر سرفہرست رہا، جہاں آئی ٹی میں سب سے زیادہ 598 نئی کمپنیاں رجسٹر ہوئیں۔
اس کے بعد ٹریڈنگ میں 503 ، سروسز سیکٹر میں 404 ، رئیل اسٹیٹ اور کنسٹرکشن میں 303 جبکہ سیاحت اور ٹرانسپورٹ کے شعبے میں 206 نئی کمپنیوں نے رجسٹریشن کرائی۔ مئی میں 17 ممالک کے سرمایہ کاروں نے پاکستان میں سرمایہ کاری کی۔
مزید پڑھیں:بجٹ 2026-27، پائیڈ کی کم از کم ماہانہ تنخواہ 45 ہزار روپے مقرر کرنے کی تجویز
چین سرفہرست رہا جہاں کے نواسی شیئر ہولڈرز نے کمپنیوں میں ڈائریکٹر شپ حاصل کی۔ تمام غیر ملکی کمپنیوں کا مجموعی ادا شدہ سرمایہ تیرہ کروڑ چورانوے لاکھ روپے ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ