جامعہ کراچی میں سنڈیکیٹ کی چار نشستوں کیلئے انتخابات میں سخت مقابلے کی توقع
اشاعت کی تاریخ: 6th, January 2026 GMT
فوٹو: فائل
جامعہ کراچی میں اساتذہ کی نمائندگی پر مشتمل سنڈیکیٹ کی نشستوں کے لیے انتخابات 8 جنوری کو ہوں گے۔
انتخابات میں دو گروپس کے درمیان سخت مقابلے کا امکان ہے تاہم سب سے دلچسپ مقابلہ کی توقع پروفیسر کی نشست پر کی جارہی ہے جہاں آزاد امیدوار اور انجمن اساتذہ جامعہ کراچی کی دو مرتبہ صدر رہنے والی پروفیسر ڈاکٹر انیلا امبر ملک میدان میں ہیں جب کہ کراچی یونیورسٹی ٹیچرز فیڈریشن کے ڈاکٹر حارث شعیب اور ٹیگ کے محمد علی انتخاب لڑ رہے ہیں۔
ایسوسی ایٹ پروفیسرز کی نشست کے لیے ٹیگ کے ڈاکٹر محسن علی اور کے یو ٹی ایف کے ڈاکٹر محمد ایاز امیدوار ہیں۔
اسسٹنٹ پروفیسرز کے زمرے میں ٹیگ کی ڈاکٹر ندا علی، آزاد امیدوار ڈاکٹر سید شاہ حسن اور کے یو ٹی ایف کے سید غفران عالم امیدوار ہیں تاہم ڈاکٹر سید شاہ حسن ڈاکٹر ندا علی کے حق میں بیٹھ گئے ہیں۔
اسی طرح لیکچررز کے زمرے میں ٹیگ کے ڈاکٹر کاشف ریاض، آزاد امیدوار سید ناصر اختر اور کے یو ٹی ایف کی شُمائلہ صمد خان میدان میں ہیں۔
قائم مقام رجسٹرار جامعہ کراچی پروفیسر ڈاکٹر عمران احمد صدیقی، جو ریٹرننگ افسر بھی ہیں، نے امیدواروں کی حتمی فہرست کی باضابطہ توثیق کر دی ہے۔
جامعہ کراچی کے اساتذہ حلقوں میں ان انتخابات کو نہایت اہم قرار دیا جا رہا ہے کیونکہ سنڈیکیٹ جامعہ کا اعلیٰ ترین انتظامی و پالیسی ساز ادارہ ہے، جس میں اساتذہ کی نمائندگی فیصلوں میں کلیدی کردار ادا کرتی ہے۔ انتخابات کے انعقاد کے لیے انتظامی و انتخابی تیاریوں کو حتمی شکل دے دی گئی ہے اور امیدواروں نے اپنے ووٹرز سے رابطے شروع کردیے ہیں۔
.
ذریعہ
ذریعہ: Jang News
کلیدی لفظ: جامعہ کراچی کے ڈاکٹر
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع