عمران خان نے کہا تھا کہ ’فوج میری ہے اور میں فوج کا ہوں‘، شاندانہ گلزار
اشاعت کی تاریخ: 7th, January 2026 GMT
پاکستان تحریک انصاف کی رہنما شاندانہ گلزار کا کہنا ہے کہ اڈیالہ جیل میں ہونے والی گزشتہ ملاقات میں عمران خان نے ان سے کہا تھا کہ ’ ’فوج میری ہے اور میں فوج کا ہوں‘۔
یہ بھی پڑھیں: قومی اسمبلی سے استعفے، سیاسی کمیٹی کا فیصلہ نہیں مانیں گے، شاندانہ گلزار
وی ایکسکلوزیو میں گفتگو کرتے ہوئے شاندانہ گلزار نے کہا کہ عمران خان اور پی ٹی آئی کی کسی بھی ریاستی ادارے، فوج یا شہدا سے کوئی لڑائی نہیں بلکہ جدوجہد ان چند افراد کے خلاف ہے جو بیرونی دباؤ پر پاکستان کے مفادات کے خلاف فیصلے کر رہے ہیں۔
ان کا کہنا تھا کہ ڈی جی آئی ایس پی آر کو کیا ضرورت تھی یہ کہنے کی ہم ن لیگ یا پیپلزپارٹی سے بات کریں۔
انہوں نے کہا کہ عمران ریاض یوٹیوبر نہیں ہیں، وہ میرے بھائی ہیں، ان کے ساتھ 3 ماہ بہت ظلم ہوا حالانکہ وہ پی ٹی آئی کا حصہ نہیں بلکہ آزاد صحافی تھے جو لوگ یوٹیوب یا سوشل میڈیا کے ذریعے پیسے کما کر خود کو عمران خان کا نمائندہ کہتے ہیں، وہ درحقیقت پی ٹی آئی کے نمائندے نہیں۔
شاندانہ گلزار نے کہا کہ پی ٹی آئی ہمیشہ سے پاکستان کے اداروں کا احترام کرتی آئی ہے۔
مزید پڑھیے: ’ججز کی ایسی کی تیسی، عوام ان کے گھروں میں گھس جائیں گے‘ شاندانہ گلزار کی ججز کو سرِ عام دھمکی
انہوں نے ڈی جی آئی ایس پی آر کی جانب سے یوٹیوبرز یا نامعلوم افراد سے بات کرنے کے بیان پر سوال اٹھایا۔ ان کا کہنا تھا کہ موجودہ دور میں ہر شخص خود کو کسی کا نمائندہ ظاہر کر سکتا ہے اس لیے کسی بھی فرد کی نمائندگی تسلیم کرنے سے پہلے اس کی مکمل جانچ ہونی چاہیے۔
انہوں نے کہا کہ جو لوگ یوٹیوب یا سوشل میڈیا کے ذریعے پیسے کما کر خود کو عمران خان کا نمائندہ کہتے ہیں، وہ درحقیقت پی ٹی آئی کی نمائندگی نہیں کرتے۔
شاندانہ گلزار کے مطابق حقیقی کارکن وہ ہیں جو بغیر کسی مالی مفاد کے عمران خان اور پاکستان کے لیے آواز بلند کرتے ہیں۔
انہوں نے انکشاف کیا کہ جیل میں عمران خان سے آخری ملاقات میں انہوں نے واضح طور پر کہا کہ وہ اسٹیبلشمنٹ سے مذاکرات کے لیے تیار ہیں، حتیٰ کہ ان لوگوں کو بھی معاف کرنے کو تیار ہیں جنہوں نے ان کے خلاف سازشیں کیں بشرطیکہ مذاکرات کا مرکز صرف اور صرف پاکستان کی بہتری ہو۔
’عمران خان کی لڑائی ادارے سے نہیں مخصوص افراد سے ہے‘انہوں نے کہا کہ عمران خان کا مؤقف واضح ہے کہ پی ٹی آئی کی لڑائی کسی ادارے سے نہیں بلکہ ان افراد سے ہے جنہوں نے امریکا یا عالمی طاقتوں کے سامنے گھٹنے ٹیکے۔ ان کا کہنا تھا کہ عمران خان نے کبھی فوج، پولیس یا شہدا کے خلاف کوئی بیان نہیں دیا۔
پی ٹی آئی رہنما نے صحافی عمران ریاض خان کے معاملے پر بات کرتے ہوئے کہا کہ عمران ریاض ایک آزاد صحافی ہیں، وہ پی ٹی آئی کے رکن نہیں تھے اور ان کے ساتھ جیل میں جو سلوک ہوا وہ ناقابل قبول ہے۔
’عمران خان کا نام لینے پر پابندی اس بات کا ثبوت ہے کہ وہ کمزور نہیں‘شاندانہ گلزار نے سوال اٹھایا کہ اگر عمران خان اتنے ہی کمزور ہیں تو پھر ان سے ملاقات کیوں نہیں ہونے دی جا رہی؟ ان کا کہنا تھا کہ عمران خان جیل میں بیٹھ کر بھی کسی کے لیے خطرہ نہیں لیکن اس کے باوجود ان کا نام لینے، ویڈیوز دکھانے اور بیانات نشر کرنے پر پابندیاں اس بات کا ثبوت ہیں کہ اصل خوف موجود ہے۔
انہوں نے 9 مئی اور 8 فروری کے واقعات پر آزاد تحقیقات کا مطالبہ دہراتے ہوئے کہا کہ عمران خان نے صرف شفاف انکوائری اور عوامی مینڈیٹ کے احترام کی بات کی تھی لیکن یہ مطالبات ماننے سے انکار کر دیا گیا۔
’پی ٹی آئی رہنما و کارکن مائنس ون فارمولا نہیں مانیں گے‘شاندانہ گلزار نے کہا کہ پی ٹی آئی کسی ’مائنس ون‘ فارمولے کو قبول نہیں کرے گی۔
ان کے مطابق پارٹی عمران خان کے بغیر نامکمل ہے اور کارکن کسی ایسے حل کو نہیں مانیں گے جس میں عمران خان کو سیاست سے باہر رکھا جائے۔
مزید پڑھیں: ‘شہباز شریف کا اپنا مینڈیٹ ہی نہیں، وہ مذاکرات کیا کریں گے،شاندانہ گلزار
ان کا کہنا تھا کہ اختلاف رائے جمہوریت کا حسن ہے لیکن اصولوں پر سمجھوتا نہیں کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف شاندانہ گلزار عمران خان عمران ریاض مائنس ون فارمولا.
ذریعہ
ذریعہ: WE News
کلیدی لفظ: پاکستان تحریک انصاف شاندانہ گلزار عمران ریاض مائنس ون فارمولا شاندانہ گلزار نے ان کا کہنا تھا کہ عمران خان کا کہ عمران خان کہا کہ عمران عمران ریاض پی ٹی آئی نے کہا کہ انہوں نے جیل میں کے خلاف کے لیے
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا