فضائی برتری کے بغیر عراقی سالمیت نامکمل ہے، سید عمار الحکیم
اشاعت کی تاریخ: 7th, January 2026 GMT
اپنے ایک خطاب میں حکیم خاندان کے سربراہ کا کہنا تھا کہ اس وقت ہائبرڈ وار کا دور ہے اسلئے مضبوط انٹیلی جنس سسٹم آپ کو کسی بھی خطرے سے بچا سکتا ہے۔ اسلام ٹائمز۔ عراق کی سیاسی جماعت "حکمت ملی" كے سربراہ "سید عمار الحکیم" نے کہا کہ عراقی فوج 2003ء میں سخت چیلنجز، مشکلات اور دہشت گردی کے وسیع خطرے کے سامنے دوبارہ کھڑی ہوئی۔ مسلح افواج کے ساتھ ساتھ، سیکورٹی ادارے اور الحشد الشعبی جیسی دفاعی فورسز نے ان خطرات سے براہِ راست نمٹنے کے لئے جنم لیا اور اس سلسلے میں اپنا کردار ادا کیا۔ سید عمار الحکیم نے ان خیالات کا اظہار فوج کے یوم تاسیس کے موقع پر منعقدہ تقریب سے اپنے خطاب میں کیا۔ اس موقع پر انہوں نے دفاعی و عسکری محاذ پر اسٹریٹجک تقاضوں کی جانب توجہ دلائی۔ انہوں نے ائیر ڈیفنس کی ضرورت کی جانب اشارہ کرتے ہوئے کہا کہ فضائی برتری و کنٹرول کے بغیر خودمختاری کا تصور نامکمل ہے۔ ڈرونز، گائیڈڈ میزائلز اور جیمنگ صلاحیت والے ہتھیاروں کے میدان میں جدت کے بعد، فضائی دفاع ایک اسٹریٹجک نقطہ بن چکا ہے۔
جس میں ذمہ دارانہ تدابیر، مناسب فنڈنگ، تربیت، جدید پروگراموں اور قومی ترجیحات میں شامل ہونے کی ضرورت ہے۔ سید عمار الحکیم نے کہا کہ فوج اور دیگر سیکورٹی فورسز کے درمیان ہم آہنگی کو مضبوط کیا جائے۔ عراقی مسلح افواج اور سیکورٹی اداروں کے کئی ذیلی شعبے ہیں، جن میں فیڈرل پولیس، انسداد دہشت گردی فورس، ریپڈ رسپانس فورس، الحشد الشعبی، پیرا ملٹری اور دیگر فورسز شامل ہیں۔ ان اداروں میں اہداف کے انضمام، کارروائیوں میں ہم آہنگی اور عدم مداخلت کے لئے تعاون ضروری ہے تاکہ عراقی دفاع میں فوج کو مرکزی حیثیت حاصل ہو۔ آخر میں حکمت ملی عراق کے سربراہ نے کہا کہ ملٹری انٹیلی جنس اور سائرن الارم سسٹم کو اپ ڈیٹ کرنا چاہئے۔ اس وقت ہائبرڈ وار کا دور ہے اس لئے مضبوط انٹیلی جنس سسٹم آپ کو کسی بھی خطرے سے بچا سکتا ہے۔
ذریعہ
ذریعہ: Islam Times
کلیدی لفظ: سید عمار الحکیم کہا کہ
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ