کوئٹہ، سرفراز بگٹی کی متاثرہ رکشہ ڈرائیور سے ملاقات، رکشہ کے پیسے دے دیئے
اشاعت کی تاریخ: 7th, January 2026 GMT
دلبرداشتہ ڈرائیور کیجانب سے رکشہ جلانے کی ویڈیو سوشل میڈیا پر وائرل ہونے پر وزیراعلیٰ سرفراز بگٹی نے ٹریفک اہلکار کو معطل کروا دیا اور ڈرائیور کو رکشہ کے پیسے دے دیئے۔ اسلام ٹائمز۔ وزیراعلیٰ بلوچستان سرفراز بگٹی نے گزشتہ روز رکشے کو آگ لگانے والے متاثرہ ڈرائیور سے ملاقات کرتے ہوئے انہیں رکشے کے پیسے دے دیئے، جبکہ واقعہ میں ملوث ٹریفک اہلکار کو بھی معطل کیا گیا ہے۔ تفصیلات کے مطابق گزشتہ روز صوبائی حکومت نے کوئٹہ میں چنگچی رکشہ پر پابندی عائد کی ہے۔ گزشتہ روز ایئرپورٹ روڈ پر چنگچی رکشہ کو روکا گیا۔ جہاں ڈرائیور اور ٹریفک اہلکار کے درمیان تلخ کلامی ہوئی۔ مبینہ طور پر ٹریفک اہلکار نے ڈرائیور کو تھپڑ بھی مارا۔ جس کے بعد دلبرداشتہ ہوکر ڈرائیور نے اپنا رکشہ جال دیا۔ واقعہ کی ویڈیو سوشل میڈیا پر وائرل ہوئی، تو وزیراعلیٰ بلوچستان سرفراز بگٹی نے ٹریفک اہلکار کو معطل کروا دیا اور ڈرائیور کو بلایا گیا۔ اس موقع پر ڈرائیور کو رکشہ کے پیسے بھی دیئے گئے۔ وزیراعلیٰ نے متاثرہ ڈرائیور کو آگاہ کیا کہ واقعہ میں ملوث ٹریفک اہلکار کو معطل کیا گیا ہے۔
.
ذریعہ
ذریعہ: Islam Times
کلیدی لفظ: ٹریفک اہلکار کو سرفراز بگٹی ڈرائیور کو کے پیسے
پڑھیں:
بجلی 1 روپیہ 73 پیسے مہنگی کرنے کی درخواست پر فیصلہ محفوظ
فائل فوٹونیشنل الیکٹرک پاور ریگولیٹری اتھارٹی (نیپرا) نے 1 روپیہ 73 پیسے بجلی مہنگی کرنے کی درخواست پر فیصلہ محفوظ کرلیا۔
نیپرا نے ماہانہ ایڈجسٹمنٹ کی مد میں کراچی سمیت ملک بھر کےلیے بجلی 1 روپیہ 73 پیسے مہنگی کرنے کی درخواست پر سماعت کی۔
نیپرا اعلامیے کے مطابق سی پی پی اے کی اپریل کی ماہانہ ایڈجسٹمنٹ کی درخواست پر محفوظ فیصلہ بعد میں جاری کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ