سندھ میں گرینڈ آپریشن شروع، کچے کے ڈاکوؤں کا صفایا کرینگے: صوبائی وزیر داخلہ
اشاعت کی تاریخ: 8th, January 2026 GMT
سکھر،رحیم یار خان،لاہور (نوائے وقت رپورٹ +نامہ نگار) وزیر داخلہ سندھ ضیاء الحسن لنجار نے کہا ہے کہ کچے کے ڈاکوؤں کے خلاف گرینڈ آپریشن شروع کر دیا ہے۔ ان کا مکمل صفایا کر دیں گے۔ وزیر داخلہ سندھ کی ڈی آئی جی سکھر دفتر آمد پر پولیس دستے نے انھیں سلام پیش کیا۔ وزیر داخلہ سندھ نے صوبے میں امن و امان کی مجموعی صورتحال پر جائزہ اجلاس کی صدارت کی۔ آئی جی سندھ جاوید عالم اوڈھو نے انہیں بریفنگ میں بتایا کچہ اور پکا ایریاز دونوں میں پولیس دستے متحرک اور مستعد ہیں۔ ڈاکوؤں کی کمین گاہوں کو مسمار کر کے ان کے سہولت کاروں کو بھی نکیل ڈالی جا رہی ہے۔ ضیاء الحسن لنجار نے کہا پولیس کی کارکردگی قابلِ تحسین ہے، کچہ اور پکا ایریاز میں ڈاکوؤں اور ان کے سہولت کاروں کے خلاف کارروائیاں مزید مؤثر بنائی جائیں گی۔ امن و امان کے قیام کیلئے تمام وسائل بروئے کار لائے جا رہے ہیں، عوام کے جان و مال کے تحفظ میں کوئی کوتاہی برداشت نہیں کی جائے گی۔ میڈیا سے گفت گو کرتے ہوئے انہوں نے کہا آج اجلاس میں سندھ میں امن و امان اور کچے کے ڈاکوؤں کے خلاف سمجھیں کہ آج سے ہی آپریشن شروع ہوگیا، وہ ڈاکو جو ہتھیار ڈال کر خود کو انتظامیہ کے حوالے کردیں گے انہیں ایک موقع دیا جائے گا مگر وہ ڈاکو جو خود کو طاقت ور سمجھتے ہیں ان کے خلاف سخت کارروائی ہوگی اور انہیں نیست و نابود کر دیں گے۔ صحافی نے سوال پر انہوں نے کہا کہ فی الوقت فوج کی ضرورت نہیں، سندھ پولیس ڈاکوؤں سے نمٹنے کی اہلیت رکھتی ہے جب کہ رینجرز پہلے سے ہمارے ساتھ موجود ہے۔ رحیم یار خان: پنجاب پولیس کو رحیم یار خان میں کچے کے ڈاکوؤں کے خلاف آپریشن میں بڑی کامیابی ملی ہے ایک کروڑ روپے سر کی قیمت والے ڈاکو میرا لٹھانی نے ساتھیوں سمیت ہتھیار ڈال دیئے۔ ترجمان پنجاب پولیس کے مطابق پنجاب حکومت نے خطرناک اشتہاری مجرم کے سر کی قیمت ایک کروڑ روپے مقرر کر رکھی تھی۔ رحیم یار خان پولیس کا گھیرا تنگ ہونے پر ڈاکو میرا لٹھانی، فدا عرف راٹھور لٹھانی اور زلفی لٹھانی نے سرنڈر کیا۔
.
ذریعہ
ذریعہ: Nawaiwaqt
کلیدی لفظ: کچے کے ڈاکوو ں رحیم یار خان وزیر داخلہ ں کے خلاف نے کہا
پڑھیں:
کراچی: نجی ایئر لائن کی حج پرواز جدہ سے 15 گھنٹے کی تاخیر سے پہنچ گئی
—فائل فوٹونجی ایئر لائن کی حج آپریشن کی پرواز پی کے 940 جدہ سے15 گھنٹے کی تاخیر سے کراچی پہنچ گئی۔
ایئر لائن ذرائع کے مطابق بوئنگ 777 طیارے میں 300 سے زائد حجاج پہنچے ہیں۔
قومی ایئر لائن پی آئی اے کے بعد از حج آپریشن کا آغاز آج سے ہو گیا۔
ذرائع نے بتایا ہے کہ طیارے کی عدم دستیابی کے باعث پرواز تاخیر کا شکار ہوئی ہے۔
ایئرلائن ذرائع کا یہ بھی کہنا ہے کہ نجی ایئر لائن کا یہ حج آپریشن 30 جون کو اختتام پزیر ہو گا۔
وزارت آئی ٹی نے 1.67 ارب روپے سے زاید کے فنڈز طلب کرلیے