جون سے قبل نئی شوگر پالیسی کا اعلان متوقع، آئی ایم ایف کیساتھ شیئر کی جائے گی
اشاعت کی تاریخ: 8th, January 2026 GMT
اسلام آباد (عترت جعفری) حکومت آئی ایم ایف کے ساتھ طے پانے والے نئے سٹرکچرل بنچ مارک کے تحت چینی کے سیکٹر کو ڈی ریگولیٹ کرنے کے لیے جون سے پہلے چینی کی قومی پالیسی کا اعلان کرے گی اور آئی ایم ایف کے ساتھ اس پالیسی کو شیئر کیا جائے گا۔ آئی ایم ایف نے چینی کے سیکٹر میں اصلاحات اور چینی کی قومی پالیسی کی تیاری کو پاکستان کے حکام کے لیے ایک امتحان قرار دیا ہے اور کہا ہے کہ چینی کے سیکٹر میں جزوی یا ٹکڑوں میں کی جانے والی کوششوں سے بچا جائے، چینی کے سیکٹر میں اصلاحات کے لیے آئی ایم ایف نے جو شرائط حکومت پاکستان کو دے رکھی ہیں، ان میں کاشت اور چینی کی پراسیسنگ کے مرحلے پر تمام پابندیوں کو ختم کرنا، لائسنسنگ کی شرائط کو ختم کرنا، تجارت کی آزادانہ اجازت اور چینی کی ویلیو چین کے تمام مراحل میں رسمی اور غیر رسمی طور پر قیمت کے کنٹرول کو مکمل ختم کرنا شامل ہے۔ بتایا ہے کہ حکومت نے آئی ایم ایف کی ان شرائط پر عمل درآمد کے لیے ایک کمیٹی قائم کی تھی جس کے متعدد اجلاس ہوئے اور ایک پالیسی کا مسودہ تیار کر لیا گیا ہے جس میں آئی ایم ایف کے ساتھ طے پانے والے تمام امور کا خیال رکھا گیا ہے۔ اس پالیسی کی منظوری اب وفاقی کابینہ دے گی، جس کے بعد شوگر کی نئی قومی پالیسی کا اعلان کر دیا جائے گا۔ آئی ایم ایف کے ساتھ طے پانے والی شرائط کے عین مطابق جو سفارشات تیار کی گئی ہیں ان میں نئی شوگر ملوں کے قیام کے لیے حکومتی اجازت کی شرط کو ختم کرنا، شوگر ملز کو خام چینی کی درآمد کی اجازت دینا، شوگر ایڈوائزری بورڈ کو ختم کرنا شامل ہے۔ اس کے ساتھ ساتھ چینی کی درآمد اور برآمد کے حوالے سے حکومت کے کنٹرول کو ختم کرنا بھی شامل ہوگا جس کے تحت درآمد کنندگان اور برآمد کنندگان سپلائی اور ڈیمانڈ کے مطابق اپنے فیصلے کرنے میں آزاد ہوں گے۔ ذرا ئع کا کہنا ہے کہ چینی کی ڈی ریگولیشن کے باعث مسابقت سے چینی کی قیمت میں کمی کا امکان ہو سکتا ہے۔ حکومت کے لیے قومی پالیسی کو تیار کر کے نافذ کرنا آئی ایم ایف پروگرام کے تحت ایک سٹرکچرل بنچ مارک ہے۔
.
ذریعہ
ذریعہ: Nawaiwaqt
کلیدی لفظ: ایم ایف کے ساتھ چینی کے سیکٹر آئی ایم ایف کو ختم کرنا پالیسی کا چینی کی کے لیے
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا