’پشپا‘ طرز کی اسمگلنگ ناکام، 25 لاکھ روپے مالیت کی منشیات برآمد
اشاعت کی تاریخ: 8th, January 2026 GMT
مدھیہ پردیش کے ضلع اندور میں پولیس نے ایسا اسمگلنگ کیس بے نقاب کیا جو بالکل فلم ’پشپا‘ کی کہانی کی طرح تھا۔ پنجاب کے ایک اسمگلر کو گرفتار کیا گیا جس نے اپنے ٹرک کے نیچے جعلی ڈیزل ٹینک بنا کر منشیات کو ریاستی سرحد پار لیجانے کی کوشش کی تھی۔
پولیس کے مطابق انہیں پہلے سے مخصوص اطلاع موصول ہوئی تھی کہ ایک ٹرک میں بڑی مقدار میں منشیات چھپی ہوئی ہے اور وہ مدھیہ پردیش سے پنجاب جا رہی ہے۔ فوری کارروائی کے بعد پولیس ٹیموں نے راستے میں روک کر ٹرک کو پکڑ لیا۔
مزید پڑھیں: پشپا 2 کے پریمیئر کے دوران بھگدڑ کیس، سپر اسٹار الو ارجن چارج شیٹ میں نامزد
ویڈیوز میں دیکھا جا سکتا ہے کہ ٹرک کے نیچے جعلی ڈیزل ٹینک بنایا گیا تھا جو مکمل طور پر اصلی ٹینک کی طرح نظر آتا تھا لیکن دراصل ایک خالی خانہ تھا جس میں منشیات چھپی ہوئی تھیں۔
ٹینک کھولنے پر پولیس نے 87 کلوگرام چرس برآمد کی۔ ڈپٹی کمشنر آف پولیس کرشن لال چندانی کے مطابق برآمد شدہ منشیات کی مارکیٹ ویلیو قریباً 25 لاکھ روپے ہے۔ ٹینک بہت چالاکی سے تیار کیا گیا تھا۔ باہر سے یہ عام ڈیزل ٹینک لگتا تھا، کوئی شک بھی نہ کرتا کہ اس میں منشیات چھپی ہیں۔
گرفتار ٹرک ڈرائیور کی شناخت بوٹا سنگھ کے طور پر ہوئی جو پنجاب کے ضلع جالندھر کا رہائشی ہے۔ تفتیش کے دوران اس نے اعتراف کیا کہ یہ کنسائمنٹ مدھیہ پردیش کے اگڑ ضلع سے پنجاب لے جایا جا رہا تھا۔ پولیس نے مزید بتایا کہ گرفتار ملزم پہلے بھی 2016 میں NDPS ایکٹ کے تحت منشیات اسمگلنگ کے معاملے میں ملوث رہا ہے۔
مزید پڑھیں: پشپا2 ریلیز کے چند گھنٹوں بعد ہی آن لائن لیک کیسے ہوئی؟
پولیس اب اس کارروائی کے پیچھے بڑے نیٹ ورک کی تحقیقات کر رہی ہے، جس میں منشیات فراہم کرنے والے، مالی معاونت کرنے والے اور پنجاب میں وصول کنندگان شامل ہیں۔ اعلیٰ پولیس اہلکار کا کہنا ہے کہ یہ گرفتاری صرف برف کی چوٹی ہے۔ ہم اب سپلائرز، درمیانی افراد اور وصول کنندگان کا پورا سلسلہ ٹریک کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشپا ٹرک چرس ضلع اندور مدھیہ پردیش.
ذریعہ
ذریعہ: WE News
کلیدی لفظ: پشپا مدھیہ پردیش مدھیہ پردیش میں منشیات
پڑھیں:
ہیڈ مرالہ میں پانی کی سطح میں ایک بارپھر اضافہ
سٹی 42 : سیالکوٹ میں ہیڈ مرالہ کے مقام پر پانی کی سطح میں ایک بار پھر اضافہ ہونے لگا۔
ہیڈ مرالہ میں مجموعی پانی کی آمد 1 لاکھ 95 ہزار 857 کیوسک، ہے ۔دریائے چناب میں اخراج 1 لاکھ 80 ہزار 356 کیوسک ریکارڈ کیا گیا ۔
جموں توی میں 11 ہزار 868 کیوسک جبکہ مناور توی میں 5 ہزار 747 کیوسک پانی ریکارڈ کیا گیا ۔ دریائے چناب میں بہاؤ 1 لاکھ 74 ہزار 441 کیوسک ہے ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار