سڈنی ٹیسٹ میں انگلینڈ کو شکست، ایشز سیریز آسٹریلیا کے نام
اشاعت کی تاریخ: 8th, January 2026 GMT
آسٹریلیا نے جمعرات کو 5ویں ایشز ٹیسٹ کے آخری دن چند نروس لمحات کے باوجود 160 رنز کا ہدف محفوظ انداز میں حاصل کر لیا اور 5 وکٹوں سے کامیابی کے ساتھ سیریز 4-1 سے اپنے نام کر لی۔
انگلینڈ کی جانب سے فاسٹ بولر جوش ٹنگ نے 42 رنز دے کر 3 وکٹیں حاصل کر کے مزاحمت کی قیادت کی، تاہم الیکس کیری نے کیمرون گرین کے ساتھ مل کر مڈ آف کے اوپر کورز کی جانب چوکا لگا کر دوپہر کے وسط میں آسٹریلیا کو فتح سے ہمکنار کردیا۔
یہ بھی پڑھیں:
انگلینڈ اس بات کا کریڈٹ لے سکتا ہے کہ اس نے میچ کو مقابلہ بنایا اور سڈنی کے تاریخی میدان میں سیریز کے اختتامی غیر اہم ٹیسٹ میں خود کومکمل طور پر تباہی سے بچائے رکھا، جیسا کہ ماضی میں کئی دورہ کرنے والی ٹیموں کے ساتھ ہو چکا ہے۔
The Ashes belong to Australia!
Steve Smith and Pat Cummins lift the trophy after a 4-1 series win ???? pic.
— ESPNcricinfo (@ESPNcricinfo) January 8, 2026
تاہم زخمی کپتان بین اسٹوکس کی عدم موجودگی میں بولنگ کے بغیر 160 رنز کا دفاع ایک مشکل چیلنج تھا، خاص طور پر ایسی پچ پر جو سیریز میں دوسری بار 5ویں دن بیٹنگ کے لیے سازگار ثابت ہوئی۔
اسٹوکس سلپس میں کھڑے ہو کر اپنے کھلاڑیوں کی حوصلہ افزائی کرتے رہے، لیکن آسٹریلوی اوپنرز نے ہدف 100 رنز سے کم کردیا، اس سے قبل پہلی اننگز میں آسٹریلیا کے 567 رنز کی بنیاد اپنی تیسری سینچری سے رکھنے والے ٹریوس ہیڈ جوش ٹنگ کی گیند پر مڈ وکٹ کی جانب شاٹ کھیلتے ہوئے 29 رنز پر آؤٹ ہو گئے۔
جیک ویترالڈ 34 رنز بنا کر بھی ٹنگ ہی کی بولنگ پر کیچ آؤٹ ہوئے، جس کے ساتھ ہی لنچ تک آسٹریلیا کو جیت کے لیے 89 رنز درکار تھے۔
مزید پڑھیں:
یہ اس دن کے 15 سال اور ایک دن بعد تھا جب انگلینڈ نے 11-2010 کی سیریز کے آخری ٹیسٹ میں اسی میدان پر ایک اننگز اور 83 رنز سے کامیابی حاصل کی تھی, یہی آخری موقع تھا جب انگلینڈ نے آسٹریلیا میں ایشز سیریز جیتی تھی۔
انگلش کھلاڑیوں نے عثمان خواجہ کو کریز پر خوش آمدید کہنے کے لیے قطار بنائی، تاہم ٹنگ کی بولنگ زیادہ دوستانہ ثابت نہ ہوئی اور بائیں ہاتھ کے بلے باز نے سات گیندوں کا سامنا کرنے کے بعد 6 رنز پر اپنی ہی وکٹ پر گیند مار بیٹھے۔
مارنس لبوشین کو ٹنگ کی گیند پر 20 رنز پر زندگی ملی جب بیتھل بیک ورڈ پوائنٹ پر ایک شاندار چھلانگ کے باوجود کیچ نہ تھام سکے۔
مزید پڑھیں:
تاہم وہ اس موقع سے فائدہ نہ اٹھا سکے اور 37 رنز پر رن آؤٹ ہو گئے، اس وقت جیت کے لیے آسٹریلیا کو 39 رنز درکار تھے۔
ناقابل شکست اننگز کھیلنے والے الیکس کیری اور کیمرون گرین ایک اوور تھرو کے بعد غلط فہمی کے باعث تقریباً لبوشین جیسے انجام سے دوچار ہو گئے، لیکن آخرکار کریز تک پہنچنے میں کامیاب رہے اور فتح یقینی بنائی۔
اس سے قبل انگلینڈ نے دن کا آغاز 302 رنز پر 8 وکٹوں کے نقصان سے کیا تھا، مگر مچل اسٹارک نے بیتھل کو 154 رنز پر کیچ آؤٹ کرا کے انگلینڈ کی امیدوں کو بڑا دھچکا پہنچایا۔
مزید پڑھیں:
بیتھل کی شاندار پہلی ٹیسٹ سنچری نے مستقبل کے لیے بھرپور امید دلائی اور یہی کارکردگی انگلینڈ کو اننگز کی شکست سے بچانے اور آسٹریلیا کو دوبارہ بیٹنگ پر لانے کا سبب بنی۔
اسٹارک نے بعد میں جوش ٹنگ کو 6 رنز پر آؤٹ کر کے انگلینڈ کی اننگز 342 رنز پر سمیٹ دی۔
بائیں ہاتھ کے فاسٹ بولر نے میچ میں 72 رنز دے کر 3 وکٹیں حاصل کیں جبکہ پوری سیریز میں ان کی وکٹوں کی تعداد 31 رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا انگلینڈ ایشز سیریز بین اسٹوکس سڈنی ٹیسٹ کرکٹ مچل اسٹارک
ذریعہ
ذریعہ: WE News
کلیدی لفظ: ا سٹریلیا انگلینڈ ایشز سیریز بین اسٹوکس سڈنی ٹیسٹ کرکٹ مچل اسٹارک کے ساتھ کے لیے
پڑھیں:
گلاسگو کی فضاؤں میں دیو ہیکل ڈریگن کی پرواز، وائرل ویڈیوز نے سب کو دنگ کردیا
اگر آپ نے اب تک صرف فلموں اور ٹی وی سیریز میں آسمان پر اڑتے ہوئے ڈریگن دیکھے ہیں تو اسکاٹ لینڈ کے شہر گلاسگو میں حقیقت سے قریب ایک ایسا ہی حیرت انگیز منظر لوگوں کی آنکھوں کے سامنے آگیا۔ شہر کی فضاؤں میں ’’ہاؤس آف دی ڈریگن‘‘ کا مشہور ڈریگن سائریکس (Syrax) پرواز کرتا دکھائی دیا، جس نے دیکھنے والوں کو حیرت میں مبتلا کردیا۔
2026 کامن ویلتھ گیمز کی افتتاحی تقریب سے قبل گلاسگو کے دریائے کلائیڈ، ایس ای سی آرماڈیلو اور او وی او ہائیڈرو کے اوپر آٹھ میٹر طویل دیو ہیکل ڈریگن نے فضائی چکر لگائے۔ ایسا محسوس ہو رہا تھا جیسے مشہور فینٹسی سیریز کا منظر حقیقت میں تبدیل ہوگیا ہو۔
یہ فلائنگ ماڈل دراصل ’ایچ بی او‘ کی مقبول سیریز ’ہاؤس آف دی ڈریگن‘ میں رینیرا ٹارگرین کے ڈریگن سائریکس کی ہوبہو نقل ہے، جسے سیریز میں استعمال ہونے والے تھری ڈی اسکینز کی مدد سے انتہائی حقیقت پسندانہ انداز میں تیار کیا گیا۔
View this post on Instagramاس منفرد شاہکار کی تیاری میں 14 ماہرین نے مسلسل تین ماہ تک کام کیا اور تقریباً 3 ہزار گھنٹے صرف کیے۔ صرف 13 کلوگرام وزنی اس ڈریگن کو کاربن فائبر، ایلومینیم اور خصوصی فوم سے بنایا گیا، جبکہ اس کے پروں، سر اور دم سمیت 23 متحرک حصے اسے زندہ مخلوق جیسی حرکات کرنے کے قابل بناتے ہیں۔ اس کی ٹانگوں میں نصب جدید پروپلشن سسٹم نے اسے حقیقی پرواز ممکن بنانے میں اہم کردار ادا کیا۔
منتظمین کے مطابق یہ دنیا کا اپنی نوعیت کا سب سے بڑا اڑنے والا ڈریگن ماڈل ہے، جسے خاص طور پر گلاسگو 2026 کامن ویلتھ گیمز کے استقبال اور کھیلوں، جدید ٹیکنالوجی اور فینٹسی کی دنیا کو ایک ساتھ پیش کرنے کے لیے تیار کیا گیا۔
https://www.facebook.com/stvnews/videos/syrax-the-dragon-of-rhaenyra-targaryen-played-by-emma-darcy-has-been-spotted-fly/28747469711519864/واضح رہے کہ 23 جولائی سے شروع ہونے والے کامن ویلتھ گیمز کی تمام مقابلے برطانیہ اور آئرلینڈ میں ایچ بی او میکس پر براہِ راست نشر کیے جائیں گے، جبکہ نشریاتی کوریج ٹی این ٹی اسپورٹس فراہم کرے گا۔ منتظمین کا کہنا ہے کہ اس بار شائقین کو جدید ٹیکنالوجی، خصوصی چینلز اور کھیلوں کے ماہرین کی بڑی ٹیم کے ساتھ ایک منفرد اور پہلے سے مختلف نشریاتی تجربہ فراہم کیا جائے گا۔
https://www.facebook.com/stvnews/videos/did-you-see-a-dragon-flying-over-glasgowa-dragon-from-game-of-thrones-prequel-ho/2166414303916270/
بھارت سے جنگ اور افغانستان میں کارروائی خارج ازامکان نہیں، وزیردفاع