واٹس ایپ کے بعض صارفین کو فیچرز پہلے، کچھ کو بعد میں کیوں ملتے ہیں؟
اشاعت کی تاریخ: 8th, January 2026 GMT
اکثر صارفین شکایت کرتے ہیں کہ واٹس ایپ میں وہ نیا یا اپڈیٹڈ فیچر نظر نہیں آ رہا جو دوسروں کے پاس موجود ہے۔ واٹس ایپ کے مطابق ایسا ہونا غیر معمولی بات نہیں اور اس کی کئی وجوہات ہو سکتی ہیں۔
بیٹا ٹیسٹنگ پروگرامواٹس ایپ کے بعض صارفین بیٹا ٹیسٹنگ پروگرام کا حصہ ہوتے ہیں۔
بیٹا صارفین کو نئے فیچرز عام صارفین سے پہلے آزمانے کا موقع ملتا ہے۔ یہی وجہ ہے کہ کچھ لوگوں کو نیا فیچر پہلے نظر آتا ہے۔
ممالک یا خطوں کا فرقواٹس ایپ بعض اوقات نئے فیچرز کو مرحلہ وار مختلف ممالک یا خطوں میں متعارف کراتا ہے۔
یہ بھی پڑھیے واٹس ایپ کو مینول اپ ڈیٹ کرنے کا درست طریقہ کیا ہے؟
ممکن ہے آپ کے ملک یا علاقے میں وہ فیچر ابھی جاری نہ ہوا ہو، اسی لیے دوسرے ممالک کے صارفین کو فیچر پہلے دستیاب ہو جاتا ہے۔
واٹس ایپ اپڈیٹ نہ ہونااگر آپ واٹس ایپ کا پرانا ورژن استعمال کر رہے ہیں تو نیا فیچر نظر نہیں آئے گا۔
ہمیشہ واٹس ایپ کو گوگل پلے اسٹور (اینڈرائیڈ) ایپ اسٹور (آئی فون) سے تازہ ترین ورژن پر اپڈیٹ رکھیں۔
مخصوص ڈیوائسز کے لیے فیچرزکچھ فیچرز پہلے خاص ڈیوائسز پر متعارف کروائے جاتے ہیں۔ بعض اوقات آئی فون صارفین کو فیچر پہلے مل جاتا ہے۔ کبھی اینڈرائیڈ صارفین کو ترجیح دی جاتی ہے۔
یہ بھی پڑھیے واٹس ایپ ہیکنگ اور سائبر فراڈ سے بچاؤ، پی ٹی اے کی صارفین کو ہشیار رہنے کی ہدایت
واٹس ایپ بعض فیچرز کو رفتہ رفتہ تمام صارفین تک پہنچاتا ہے۔ اس میں چند گھنٹے، دن یا حتیٰ کہ ہفتے بھی لگ سکتے ہیں۔ اس دوران کچھ صارفین کو فیچر مل جاتا ہے اور کچھ کو انتظار کرنا پڑتا ہے۔
یاد رکھنے کی اہم باتیںعام طور پر واٹس ایپ کے نئے فیچرز بند (off) نہیں کیے جا سکتے۔ پرانے ورژن پر واپس جانا ممکن نہیں۔ واٹس ایپ میں فیچرز کی جگہ یا ٹیبز کی ترتیب مرضی سے تبدیل نہیں کی جا سکتی۔
اپڈیٹس سے باخبر رہنے کا طریقہواٹس ایپ کا کہنا ہے کہ وہ مسلسل بہتری پر کام کر رہا ہے۔
نئے فیچرز سے باخبر رہنے کے لیے واٹس ایپ ہیلپ سینٹر، آفیشل بلاگ اور سوشل میڈیا اکاؤنٹس کو فالو کریں۔
اگر واٹس ایپ میں کوئی نیا فیچر نظر نہیں آ رہا تو گھبرانے کی ضرورت نہیں۔
زیادہ تر صورتوں میں یہ اپڈیٹ، ریجن، ڈیوائس یا مرحلہ وار ریلیز کی وجہ سے ہوتا ہے، اور کچھ وقت بعد فیچر خود بخود دستیاب ہو جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی واٹس ایپ.
ذریعہ
ذریعہ: WE News
کلیدی لفظ: ٹیکنالوجی واٹس ایپ صارفین کو فیچر واٹس ایپ کے نئے فیچرز جاتا ہے
پڑھیں:
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی WhatsAppFacebookX 0 23 July, 2026 سب نیوز
لاہور(آئی پی ایس )لاہور ہائی کورٹ نے ایک اہم فیصلے میں واضح کیا ہے کہ ہاسنگ سوسائٹیوں میں اسکول، پارک، مسجد، ہسپتال اور دیگر عوامی سہولیات (Amenity Sites) کے لیے مختص زمین عوام کی امانت ہے۔ اگرچہ ایسی زمین کا قانونی ٹائٹل بعض حالات میں لاہور ڈویلپمنٹ اتھارٹی (LDA) کے پاس منتقل ہو سکتا ہے، لیکن LDA اسے اپنی ملکیت سمجھ کر کمرشل مقاصد کے لیے فروخت یا نیلام نہیں کر سکتی۔
مقدمہ AGRICS Cooperative Housing Society اور LDA کے درمیان تھا۔ سوسائٹی نے مقف اختیار کیا کہ وہ Cooperative Societies Act, 1925 کے تحت قائم ہوئی ہے، اس لیے LDA کے بعض قوانین اس پر لاگو نہیں ہوتے، جبکہ LDA کا مقف تھا کہ عوامی سہولیات کے لیے مختص زمین اس کے نام منتقل کیے بغیر اسکول کا بلڈنگ پلان منظور نہیں کیا جا سکتا۔
لاہور ہائی کورٹ نے قرار دیا کہ Cooperative Societies Act سوسائٹی کے اندرونی معاملات سے متعلق ہے، جبکہ LDA Act لاہور میں شہری منصوبہ بندی (Urban Planning) اور ہاسنگ اسکیموں کو منظم کرنے والا خصوصی قانون ہے، اس لیے پلاننگ اور ترقیاتی معاملات میں LDA کے قوانین پر عمل کرنا تمام ہاسنگ سوسائٹیوں کے لیے لازم ہے۔
عدالت نے یہ بھی قرار دیا کہ 1990 کی Mortgage Deed اور سوسائٹی کے اپنے سابقہ ریکارڈ سے ثابت ہوتا ہے کہ متعلقہ عوامی سہولیات کی زمین LDA کے نام منتقل ہو چکی تھی، لہذا سوسائٹی کئی دہائیوں بعد اس مقف سے انکار نہیں کر سکتی۔
فیصلے کا سب سے اہم حصہ Doctrine of Public Trust (پبلک ٹرسٹ ڈاکٹرائن) سے متعلق ہے۔ عدالت نے واضح کیا کہ اگرچہ زمین کا قانونی ٹائٹل LDA کے پاس ہے، لیکن وہ اس کا مطلق مالک نہیں بلکہ صرف Trustee (امین) ہے۔ اس لیے اسکول، پارک، مسجد یا دیگر عوامی سہولیات کے لیے مختص زمین کو کسی اور مقصد، خصوصا تجارتی استعمال یا فروخت کے لیے استعمال نہیں کیا جا سکتا۔ ایسی زمین صرف اسی مقصد کے لیے استعمال ہوگی جس کے لیے اسے مختص کیا گیا تھا۔
عدالت نے یہ بھی نوٹ کیا کہ 30 سال سے زائد عرصہ گزرنے کے باوجود اسکول کے لیے مختص پلاٹ پر اسکول تعمیر نہیں کیا گیا، جس سے علاقے کے رہائشیوں کے بنیادی حقوق متاثر ہوئے۔ اسی بنیاد پر لاہور ہائی کورٹ نے LDA کو تین ماہ کے اندر قانونی طریقہ کار کے مطابق اس پلاٹ کو ایسے ادارے یا فریق کے حوالے کرنے کا حکم دیا جو وہاں اسکول تعمیر کرے، اور مقررہ مدت میں تعمیر نہ ہونے کی صورت میں متعلقہ قانونی کارروائی عمل میں لائی جائے۔
یہ فیصلہ ہاسنگ سوسائٹیوں کے رہائشیوں کے لیے ایک اہم نظیر ہے، جو اس اصول کو مضبوط کرتا ہے کہ عوامی سہولیات کے لیے مختص زمین کسی بھی سرکاری یا نجی ادارے کی تجارتی ملکیت نہیں بلکہ عوام کی امانت ہے، اور اسے صرف عوامی مفاد کے اسی مقصد کے لیے استعمال کیا جا سکتا ہے جس کے لیے وہ مختص کی گئی ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبروزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال اگلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا