2026 کے لیے واٹس ایپ کے اولین فیچرز صارفین کے لیے متعارف
اشاعت کی تاریخ: 8th, January 2026 GMT
میٹا نے واٹس ایپ میں 2026 کے اولین فیچرز متعارف کرانے کا اعلان کیا ہے۔
دنیا کے مقبول ترین میسجنگ پلیٹ فارم میں گروپ چیٹس کے حوالے سے 3 نئے فیچرز کا اضافہ کیا گیا ہے۔
ان میں سے ایک فیچر ممبر ٹیگز ، دوسرا ٹیکسٹ اسٹیکرز اور تیسرا ایونٹ ریمائنڈر ہے۔
ان سب فیچرز کا مقصد گروپ چیٹس کے تجربے کو بہتر بنانا ہے۔
کمپنی کی جانب سے جاری بیان میں بتایا گیا کہ نئے سال کا آغاز ہوگیا ہے اور یہ گروپ چیٹس کو اپ گریڈ کرنے کا بہترین وقت ہے۔
ممبر ٹیگز فیچر صارفین کو ہر چیٹ گروپ میں نک نیم رکھنے کی سہولت فراہم کرتا ہے تاکہ آپ اپنی شخصیت کا بہتر اظہار کرسکیں اور دیگر افراد کو بتا سکیں کہ گروپ میں آپ کا کردار یا رول کیا ہے۔
ہر گروپ میں آپ مختلف ٹیگ کو استعمال کرسکتے ہیں۔
دوسرا فیچر اسٹیکرز کے حوالے سے ہے اور یہ کافی منفرد ہے۔
واٹس ایپ میں اب آپ کسی بھی لفظ کو اسٹیکر میں تبدیل کرسکیں گے۔
اس کے لیے اپنا مطلوبہ لفظ اسٹیکر سرچ پر ٹائپ کرنا ہوگا جبکہ ان اسٹیکرز کو اسٹیکر پیکس میں شامل کرنا بھی ممکن ہوگا۔
تیسرا فیچر ایونٹ ریمائنڈر ہے۔
یعی واٹس ایپ میں اب کاسٹیوم ایونٹ ریمائنڈر سپورٹ کا اضافہ کیا گیا ہے۔
جب آپ کسی گروپ میں ایک ایونٹ تیار کریں گے تو اس کے حوالے سے مخصوص ریمائنڈر بھی سیٹ کرسکیں گے۔
کمپنی کے مطابق ان فیچرز کو متعارف کرانے کا سلسلہ شروع ہوگیا ہے اور یہ بہت جلد تمام صارفین کو دستیاب ہوں گے۔
.
ذریعہ
ذریعہ: Daily Mumtaz
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا