حکومت کا کراچی ٹرانسفارمیشن پلان صرف کاغذی دعوے ہیں، سردار عبدالرحیم
اشاعت کی تاریخ: 8th, January 2026 GMT
ایک بیان میں جی ڈی اے کے سیکریٹری اطلاعات نے مطالبہ کیا کہ کراچی کے ترقیاتی منصوبوں کا شفاف آڈٹ کرایا جائے اور پانی، سیوریج، صفائی اور اندرونی علاقوں کو ترجیح دی جائے، کیونکہ عوام کو نمائشی منصوبے نہیں بلکہ بنیادی سہولیات چاہئیں، دیانتداری اور شفافیت کے بغیر کراچی کی حالت بہتر نہیں ہو سکتی۔ اسلام ٹائمز۔ پاکستان مسلم لیگ فنکشنل سندھ کے سیکریٹری جنرل اور جی ڈی اے کے سیکریٹری اطلاعات سردار عبدالرحیم نے کہا ہے کہ حکومت سندھ کے کراچی ٹرانسفارمیشن پلان اور ترقیاتی اعلانات زمینی حقائق سے مطابقت نہیں رکھتے اور صرف بیانات تک محدود ہیں۔ انہوں نے کہا کہ حکومت صرف مین سڑکوں اور فلائی اوورز پر توجہ دے رہی ہے، جبکہ شہر کے اندرونی علاقوں میں سڑکیں اور سیوریج تباہ ہیں اور شہری پیدل چلنے سے بھی قاصر ہیں۔ ان کا کہنا تھا کہ اربوں روپے کے منصوبوں کے باوجود عملی کام نظر نہیں آتا اور بدعنوانی کے باعث ترقی فائلوں تک محدود رہ گئی ہے۔
سردار عبدالرحیم نے کہا کہ کراچی کے شہری آج بھی صاف پینے کے پانی سے محروم ہیں اور مہنگا پانی خریدنے پر مجبور ہیں۔ انہوں نے مطالبہ کیا کہ کراچی کے ترقیاتی منصوبوں کا شفاف آڈٹ کرایا جائے اور پانی، سیوریج، صفائی اور اندرونی علاقوں کو ترجیح دی جائے، کیونکہ عوام کو نمائشی منصوبے نہیں بلکہ بنیادی سہولیات چاہئیں۔ انہوں نے واضح کیا کہ دیانتداری اور شفافیت کے بغیر کراچی کی حالت بہتر نہیں ہو سکتی۔
ذریعہ
ذریعہ: Islam Times
پڑھیں:
کراچی سمیت ملک کے جنوبی اور وسطی علاقوں میں بارشوں کی پیشگوئی، اربن فلڈنگ کا خدشہ
اسلام آباد:مون سون سسٹم کے تحت کراچی سمیت ملک کے جنوبی اور وسطی علاقوں میں بارشوں کی پیشگوئی کر دی گئی جس کے سبب اربن فلڈنگ کا خدشہ بھی ظاہر کیا گیا ہے۔
محکمہ موسمیات نے الرٹ جاری کر دیا جس کے مطابق جنوبی اور وسطی پاکستان میں پیر تک مزید بارشوں کی پیشگوئی ہے، سندھ، پنجاب اور دیگر علاقوں میں گرج چمک کے ساتھ بارش کا امکان ہے۔
کراچی سمیت سندھ کے مختلف شہروں میں 24 سے 28 جولائی تک بارشیں متوقع ہیں۔ اس دوران کراچی، حیدرآباد، ٹھٹھہ، بدین، میرپور خاص، عمر کوٹ، تھرپارکر، شہید بینظیر آباد، سانگھڑ، سکھر، لاڑکانہ، جیکب آباد، دادو، خیرپور اور گردونواح میں گرج چمک کے ساتھ بارش متوقع ہے۔
پنجاب میں 24 سے 26 جولائی کے دوران لاہور، گجرانوالہ، سیالکوٹ، فیصل آبا، بہاولپور، رحیم یار خان اور دیگر وسطی علاقوں میں بھی موسلادھار بارش کا امکان ہے۔
محکمہ موسمیات کے مطابق شدید بارشوں سے شہری علاقوں میں اربن فلڈنگ کا خدشہ ہے جبکہ آندھی، تیز ہواوٴں اور آسمانی بجلی سے کمزور ڈھانچوں کو نقصان پہنچنے کا اندیشہ ہے۔
محکمہ موسیات نے ہدایت کی کہ سیاح غیر ضروری سفر سے گریز کریں، کسان موسمی صورتحال کو مدنظر رکھتے ہوئے زرعی سرگرمیاں ترتیب دیں، مویشی پال حضرات حفاظتی اقدامات یقینی بنائیں، تمام متعلقہ اداروں کو الرٹ رہنے اور پیشگی اقدامات کی ہدایت جاری کر دی گئی۔
بھارت سے جنگ اور افغانستان میں کارروائی خارج ازامکان نہیں، وزیردفاع