طبی مشوروں کے لیے ’چیٹ جی پی ٹی ہیلتھ‘ متعارف کرانے کا اعلان
اشاعت کی تاریخ: 8th, January 2026 GMT
اوپن اے آئی نے چیٹ جی پی ٹی ہیلتھ کے نام سے ایک نیا فیچر متعارف کرا دیا ہے جس کے تحت صارفین کو صحت اور فلاح و بہبود (ویلنیس) سے متعلق موضوعات پر گفتگو کے لیے ایک علیحدہ اور مخصوص اسپیس فراہم کی جائے گی۔
کمپنی کے مطابق اس وقت چیٹ جی پی ٹی پر ہر ہفتے 23 کروڑ سے زائد افراد صحت سے متعلق معلومات حاصل کرنے میں دلچسپی رکھتے ہیں جو صحت اور طبی رہنمائی کی بڑھتی ہوئی طلب کو ظاہر کرتا ہے۔
چیٹ جی پی ٹی ہیلتھ کیسے کام کرے گا؟اوپن اے آئی کے مطابق چیٹ جی پی ٹی ہیلتھ میں صحت سے متعلق گفتگو کو عام چیٹس سے الگ رکھا جائے گا تاکہ ذاتی طبی معلومات غیر متعلقہ بات چیت میں ظاہر نہ ہوں۔
اگر کوئی صارف عام چیٹ میں صحت سے متعلق سوال شروع کرے گا تو چیٹ جی پی ٹی اسے مخصوص ہیلتھ سیکشن میں منتقل ہونے کی تجویز دے گا۔
تاہم یہ فیچر محدود حد تک صارف کی عمومی معلومات سے فائدہ اٹھا سکے گا مثلاً اگر کوئی صارف اپنی فٹنس بیک گراؤنڈ بیان کر چکا ہو تو صحت کے اہداف پر گفتگو میں اس سیاق و سباق کو مد نظر رکھا جا سکے گا۔
نئے فیچر میں مختلف ذاتی صحت اور فٹنس ایپس کو بھی شامل کیا جائے گا جن میں ایپل ہیلتھ، مائی فٹنس پال اور فنکشن شامل ہیں تاکہ صارفین اپنی ذاتی صحت سے متعلق ڈیٹا کی بنیاد پر سوالات کر سکیں۔
اوپن اے آئی نے اس بات پر بھی زور دیا ہے کہ صارفین کی جانب سے فراہم کی جانے والی ذاتی معلومات مکمل طور پر نجی اور محفوظ رہیں گی۔
صحت کے شعبے میں مسائل کے حل کی کوششاوپن اے آئی کی چیف ایگزیکٹو برائے ایپس فِدجی سیمو کے مطابق چیٹ جی پی ٹی ہیلتھ کو خاص طور پر صحت کے شعبے میں درپیش مسائل، جیسے محدود رسائی، بڑھتی ہوئی لاگت اور دیگر رکاوٹوں سے نمٹنے کے لیے تیار کیا گیا ہے۔
تاہم اوپن اے آئی نے جدید مصنوعی ذہانت کے ذریعے صحت سے متعلق مشورے لینے کے ممکنہ خطرات سے بھی خبردار کیا ہے۔ کمپنی کے مطابق بڑے لینگویج ماڈلز امکانات کی بنیاد پر جوابات دیتے ہیں نہ کہ تصدیق شدہ طبی حقائق پر جس کے باعث بعض اوقات گمراہ کن معلومات سامنے آ سکتی ہیں۔
اوپن اے آئی کی سروس شرائط کے مطابق چیٹ جی پی ٹی کو کسی بیماری کی تشخیص یا علاج کے لیے استعمال کرنے کا ارادہ نہیں کیا گیا۔
لانچ کی تاریخاوپن اے آئی کے مطابق چیٹ جی پی ٹی ہیلتھ فیچر جلد صارفین کے لیے دستیاب ہوگا تاہم اس کی حتمی لانچ تاریخ کا اعلان تاحال نہیں کیا گیا۔
نوٹ: وی نیوز نے یہ خبر آپ کی معلومات کے لیے شائع کی ہے تاہم بہتر یہی رہتا ہے کہ طبی معاملات میں اپنے معالج سے رابطہ کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: کے مطابق چیٹ جی پی ٹی اوپن اے آئی کے لیے
پڑھیں:
دبئی کا بڑا اعلان؛ دوستوں اور رشتہ داروں کو سیاحت پر بلائیں، ہزاروں درہم انعام پائیں
مشرقِ وسطیٰ میں جاری جنگ کے باعث سیاحوں کی تعداد میں نمایاں کمی کے بعد دبئی نے سیاحت کو دوبارہ فروغ دینے کے لیے منفرد مہم شروع کر دی ہے۔
عرب میڈیا کے مطابق نئی اسکیم کے تحت متحدہ عرب امارات کے رہائشی اگر اپنے دوستوں یا رشتہ داروں کو دبئی گھومنے کے لیے آمادہ کریں تو انھیں 3 ہزار اماراتی درہم مالیت تک کے انعامات اور سہولتیں دی جائیں گی۔
دبئی کے محکمۂ اقتصادیات و سیاحت کی جانب سے متعارف کرائی گئی اسکیم ’’دبئی اِنوائٹ‘‘ کے تحت یو اے ای میں مقیم افراد اپنے بیرونِ ملک رہنے والے دوستوں اور اہلِ خانہ کو نامزد کرسکتے ہیں۔
اگر کسی شہری کی دعوت پر ان کے دوست یا رشتہ دار سیاحتی ویزے پر دبئی آتے ہیں تو میزبان کو ہوٹل میں قیام، ریستورانوں میں خصوصی رعایت، تفریحی مقامات کے ٹکٹ اور دیگر مراعات پر مشتمل خصوصی پیکیج دیا جائے گا۔
اس اسکیم کے تحت ہر رہائشی زیادہ سے زیادہ تین مہمانوں کے لیے فوائد حاصل کرسکتا ہے بشرطیکہ مہمان 31 اکتوبر سے پہلے دبئی پہنچ جائیں۔ تاہم ان مراعات سے دسمبر تک فائدہ اٹھایا جا سکے گا۔
اس اسکیم سے فائدہ اٹھانے کے لیے ضروری ہے کہ آنے والا فرد یو اے ای کا رہائشی نہ ہو، وہ درست سیاحتی ویزے پر سفر کرے اور اسے صرف ایک مرتبہ ہی نامزد کیا جا سکے گا۔
دبئی حکومت کے یہ اقدام ایسے وقت میں سامنے آئے ہیں جب امریکا، اسرائیل اور ایران کے درمیان کشیدگی کے اثرات خلیجی ممالک تک پہنچنے کے بعد سیاحت شدید متاثر ہوئی ہے۔
رپورٹس کے مطابق ایران کی جانب سے کیے گئے میزائل اور ڈرون حملوں کے بعد دبئی کے بین الاقوامی ہوائی اڈے اور معروف فیئرمونٹ ہوٹل کو نقصان پہنچا جس سے دبئی کی محفوظ سیاحتی مقام کی ساکھ متاثر ہوئی۔
یاد رہے کہ گزشتہ برس 2025 میں دبئی نے تقریباً 2 کروڑ بین الاقوامی سیاحوں کا خیرمقدم کر کے نیا ریکارڈ قائم کیا تھا لیکن حالیہ جنگ کے بعد صورتحال یکسر بدل گئی ہے۔
ہوائی سفر پر سیکیورٹی خدشات بڑھنے کے باعث دبئی آنے والی کئی بین الاقوامی ایئرلائنز نے اپنی پروازیں معطل یا محدود کر دیں جبکہ متعدد طیاروں نے مشرقِ وسطیٰ کی فضائی حدود سے گزرنے سے گریز کیا۔
اس کے نتیجے میں دبئی ایئرپورٹس پر آپریٹ کرنے والی ایئرلائنز کی تعداد میں نمایاں کمی آئی۔ دوسری جانب ہوٹلوں میں بکنگ کم ہونے سے خالی کمروں کی شرح میں اضافہ ہوا ہے اور کئی کاروباری اداروں کی آمدنی میں 50 فیصد سے زائد کمی ریکارڈ کی گئی۔
دبئی کے بعض مشہور ہوٹلوں نے کم طلب کے باعث تزئین و آرائش کے منصوبے قبل از وقت شروع کر دیے ہیں۔ دنیا کے مشہور برج العرب ہوٹل کو بھی بڑے پیمانے پر مرمت اور بحالی کے لیے تقریباً 18 ماہ کے لیے بند کرنے کا اعلان کیا گیا ہے۔
اس کے علاوہ کئی ہوٹل اور سیاحتی ادارے حکومت کی نئی اسکیم کے تحت 45 فیصد تک رعایت اور مفت قیام جیسی خصوصی پیشکشیں بھی دے رہے ہیں۔
مقامی میڈیا کے مطابق دبئی اِنوائٹ اسکیم کے آغاز کے صرف 48 گھنٹوں میں 10 ہزار سے زائد درخواستیں موصول ہو چکی ہیں جس سے ظاہر ہوتا ہے کہ حکومت کو اس منصوبے سے سیاحت کی بحالی کی امیدیں وابستہ ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا