سندھ بھی پاکستان ریلویز میں پارٹنر بننے کو تیار ہوگیا، وزیر ریلویز
اشاعت کی تاریخ: 8th, January 2026 GMT
وزیر ریلویز حنیف عباسی : فائل فوٹو
وزیر ریلویز حنیف عباسی کا کہنا ہے کہ بلوچستان اور پنجاب کے بعد سندھ بھی پاکستان ریلویز میں پارٹنر بننے کو تیار ہوگیا ریلویز کا پارٹنر بننے کے لیے خیبر پختونخوا کو بھی دعوت دی جائے گی۔
جیو نیوز کے پروگرام کیپٹل ٹاک میں گفتگو کرتے ہوئے حنیف عباسی نے کہا کہ ایک کھرب روپے کمانے کے بعد پاکستان ریلویز اس سال دس ارب روپے منافع میں آجائے گی۔
حنیف عباسی نے کہا کہ وزیراعظم نے ریلوے میں پبلک پرائیویٹ پارٹنر شپ لانے کی ہدایت کی ہے۔ ریلویز کے اسکول، اسپتال اور فریٹ ٹرین آؤٹ سورس کردی گئی ہے۔
انہوں نے کہا کہ آج ریل کی ٹکٹ خریدنے کے لیے سفارشیں ہورہی ہیں، خیبر پختونخوا حکومت اتفاق کر رہی ہے کہ ریلوے میں انویسٹ کریں، پاکستان ریلوے ایک اسٹریٹیجک اثاثہ ہے۔
.
ذریعہ
ذریعہ: Jang News
کلیدی لفظ: حنیف عباسی
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار