میڈ اِن پاکستان ڈیوائسز کی تیاری کا5 سال کا پلان سامنے آ گیا
اشاعت کی تاریخ: 8th, January 2026 GMT
اسلام آباد(نیوزڈیسک)پاکستان میں میڈ اِن پاکستان الیکٹرانکس ڈیوائسز کی تیاری کے لیے پانچ سالہ جامع منصوبہ تیار کر لیا گیا ہے، جس کی تفصیلات دستاویزات میں سامنے آ گئی ہیں۔
دستاویزات کے مطابق پاکستان زیادہ سے زیادہ پانچ سال تک الیکٹرانکس ڈیوائسز بیرونِ ملک سے درآمد کرے گا، جس کے بعد مقامی سطح پر تیاری کو فروغ دیا جائے گا۔ منصوبے کے تحت الیکٹرانکس ڈیوائسز میں استعمال ہونے والے کیمرے تین سے پانچ سال کے اندر مکمل طور پر میڈ اِن پاکستان بنائے جائیں گے۔
دستاویزات میں بتایا گیا ہے کہ تین سال کے اندر ایل ای ڈیز اور ایل سی ڈیز کی مقامی تیاری شروع کر دی جائے گی، جبکہ تین سے پانچ سال کے دوران بیٹریوں کی درآمد کو بھی مرحلہ وار ختم کیا جائے گا۔
منصوبے کے مطابق تمام اسپیکرز، اینٹینے اور کیبلز دو سال کے بعد مقامی سطح پر تیار کیے جائیں گے۔ اس کے علاوہ اے سی اڈاپٹر، ایلومینیم فوائلز، بلیوٹوتھ ڈیوائسز سمیت دیگر الیکٹرانک پرزہ جات بھی مقامی سطح پر تیار ہوں گے۔
دستاویزات کے مطابق ہر قسم کے پلاسٹک آلات، اسکروز اور دیگر ضروری پرزہ جات کی تیاری بھی ملک کے اندر کی جائے گی۔
.
ذریعہ
ذریعہ: Daily Mumtaz
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع