امریکا کا وینزویلا کے فیصلوں اور تیل کی فروخت پر مکمل کنٹرول کا اعلان
اشاعت کی تاریخ: 9th, January 2026 GMT
امریکی صدر ڈونلڈ ٹرمپ کی انتظامیہ نے کہا ہے کہ نکولس مادورو کی حکومت کا تختہ الٹنے کے بعد امریکا وینزویلا کی عبوری قیادت کے تمام اہم فیصلے خود طے کرے گا اور ملک کے تیل کی فروخت پر غیر معینہ مدت تک کنٹرول رکھے گا۔
وائٹ ہاؤس کی جانب سے جاری بیان میں کہا گیا کہ امریکا کو اس وقت وینزویلا کی عبوری حکومت پر ’مکمل اثر و رسوخ‘ حاصل ہے اور اس کے فیصلے واشنگٹن کی ہدایات کے مطابق ہوں گے۔
ٹرمپ کا دعویٰ: امریکا برسوں تک وینزویلا چلا سکتا ہےصدر ٹرمپ نے بعد ازاں ’نیویارک ٹائمز‘ کو انٹرویو دیتے ہوئے کہا کہ امریکا مؤثر طور پر وینزویلا کو آنے والے کئی برسوں تک چلا سکتا ہے اور اس کے تیل کے وسیع ذخائر سے فائدہ اٹھا سکتا ہے۔
ٹرمپ نے کہا ’وہ ہمیں ہر وہ چیز دے رہے ہیں جو ہمیں ضروری لگتی ہے۔ یہ مت بھولیے کہ برسوں پہلے انہوں نے ہم سے تیل چھین لیا تھا۔‘
یہ بھی پڑھیے ٹرمپ کا بین الاقوامی قانون ماننے سے انکار، اقوام متحدہ نے ’سامراجی دور‘ کی واپسی کا خدشہ ظاہر کر دیا
جب ان سے پوچھا گیا کہ امریکی کنٹرول 3 ماہ، 6 ماہ یا ایک سال تک رہے گا؟ انہوں نے جواب دیا ’میں کہوں گا کہ یہ اس سے کہیں زیادہ عرصے تک رہے گا۔‘
عبوری صدر کا ردعمل: کوئی غیر ملکی طاقت کاراکاس پر حکومت نہیں کر رہیوینزویلا کی عبوری صدر ڈیلسے روڈریگز نے امریکی دعووں کو مسترد کرتے ہوئے کہا کہ کاراکاس پر کسی غیر ملکی طاقت کی حکومت نہیں ہے۔
انہوں نے مادورو کو ہٹانے کے لیے امریکی حملے پر ردعمل دیتے ہوئے کہا کہ یہ ہمارے تعلقات پر ایک ایسا داغ ہے جو ہماری تاریخ میں پہلے کبھی نہیں لگا۔
خصوصی فوجی کارروائی، مادورو اور اہلیہ گرفتارگزشتہ ہفتے کے روز امریکی اسپیشل فورسز نے اچانک کارروائی کرتے ہوئے صدر نکولس مادورو اور ان کی اہلیہ سیلیا فلورس کو گرفتار کر لیا اور انہیں نیویارک منتقل کر دیا، جہاں ان پر منشیات اور اسلحہ سے متعلق مقدمات قائم کیے گئے ہیں۔
ٹرمپ نے اس کارروائی کو امریکا کی بالادستی کے نظریے، جسے انہوں نے ’ڈونرو ڈاکٹرائن‘ قرار دیا، کا عملی مظاہرہ کہا۔
وائٹ ہاؤس: عبوری حکومت کے فیصلے امریکا طے کرے گاوائٹ ہاؤس کی ترجمان کیرولین لیوٹ نے پریس بریفنگ میں کہا ’اس وقت ہمیں وینزویلا کی عبوری اتھارٹیز پر مکمل اختیار حاصل ہے۔ ان کے فیصلے امریکا ہی طے کرتا رہے گا۔‘
زمینی فوج نہیں، بحری ناکہ بندی اور دھمکیوں پر انحصاراگرچہ امریکا نے وینزویلا میں زمینی فوج تعینات نہیں کی، تاہم اطلاعات کے مطابق وہ بحری ناکہ بندی اور مزید فوجی کارروائی کی دھمکیوں کے ذریعے عبوری حکومت کو تعاون پر مجبور کر رہا ہے۔
حملے میں کم از کم 100 افراد ہلاک: کاراکاسوینزویلا کے دارالحکومت کاراکاس نے بدھ کو اعلان کیا کہ امریکی حملے میں کم از کم 100 افراد ہلاک اور اتنی ہی تعداد میں زخمی ہوئے۔
یہ بھی پڑھیے ’امریکا فرسٹ‘ پالیسی: صدر ٹرمپ کا امریکا کو 66 بین الاقوامی اور عالمی تنظیموں سے الگ کرنے کا اعلان
وزیر داخلہ دیوسدادو کیبیلو کے مطابق زخمیوں میں صدر مادورو اور ان کی اہلیہ بھی شامل ہیں، تاہم وہ نیویارک کی عدالت میں پیشی کے دوران خود چلتے ہوئے نظر آئے۔
کیوبا کے فوجی بھی ہلاککیوبا کے حکام کے مطابق ہلاک ہونے والوں میں کیوبا کے 32 فوجی اہلکار بھی شامل ہیں۔ مادورو، اپنے پیش رو ہوگو شاویز کی طرح، کیوبا کے خصوصی تربیت یافتہ فوجیوں کو ذاتی محافظ کے طور پر استعمال کرتے تھے۔
تیل کے بدلے امریکی مصنوعات کی شرطٹرمپ نے کہا کہ ایک معاہدے کے تحت وینزویلا 3 کروڑ سے 5 کروڑ بیرل تیل امریکا کے حوالے کرے گا، جسے امریکا فروخت کرے گا۔
انہوں نے مزید کہا کہ تیل سے حاصل ہونے والی آمدن سے وینزویلا صرف امریکی ساختہ مصنوعات خریدے گا، جن میں زرعی اجناس، مشینری، طبی آلات اور توانائی سے متعلق سازوسامان شامل ہوں گے۔
طویل المدتی تیل کنٹرول کا عندیہامریکی وزیر توانائی کرس رائٹ نے کہا کہ امریکا وینزویلا سے نکلنے والے خام تیل کی فروخت غیر معینہ مدت تک کرتا رہے گا۔
انہوں نے کہا کہ ہم پہلے ذخیرہ شدہ تیل بیچیں گے، اس کے بعد مستقبل میں پیدا ہونے والا تیل بھی مستقل طور پر ہم ہی فروخت کریں گے۔
امریکی کمپنیوں کو سرمایہ کاری کی دعوتصدر ٹرمپ آج بروز جمعہ امریکی تیل کمپنیوں کے اعلیٰ حکام سے ملاقات کریں گے۔ ان کا کہنا ہے کہ یہ کمپنیاں وینزویلا کے تباہ حال تیل کے شعبے میں سرمایہ کاری کریں گی، اگرچہ اب تک کسی کمپنی نے باضابطہ اعلان نہیں کیا۔
روسی جہاز سمیت 2 آئل ٹینکر ضبطامریکا نے اپنی بالادستی مزید مستحکم کرتے ہوئے 2 آئل ٹینکروں کو قبضے میں لے لیا، جن میں ایک روس سے منسلک جہاز بھی شامل تھا۔
ماسکو نے اس اقدام کی مذمت کی، تاہم وائٹ ہاؤس نے دعویٰ کیا کہ یہ جہاز ’غلط پرچم‘ کے تحت چل رہا تھا اور اسے بے ریاست قرار دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈونلڈ ٹرمپ سیلیا فلورس صدر نکولس مادورو وائٹ ہاؤس کی ترجمان کیرولین لیوٹ وینزویلا کی عبوری صدر ڈیلسے روڈریگز.
ذریعہ
ذریعہ: WE News
کلیدی لفظ: ڈونلڈ ٹرمپ صدر نکولس مادورو وائٹ ہاؤس کی ترجمان کیرولین لیوٹ وینزویلا کی عبوری صدر ڈیلسے روڈریگز وینزویلا کی عبوری وائٹ ہاؤس انہوں نے کے مطابق کیوبا کے کہا کہ نے کہا کرے گا رہے گا اور اس
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار