عامر خان کی نقالی، کامیڈین سنیل گروور کی ویڈیو پر اداکار کا ردعمل بھی سامنے آگیا
اشاعت کی تاریخ: 9th, January 2026 GMT
کپل شرما شو کی حالیہ قسط میں مشہور کامیڈین اور اداکار سنیل گروور نے مسٹر پرفیکشنسٹ عامر خان کی شاندار نقل پیش کر کے ناظرین کو حیران کر دیا۔ سنیل گروور کی یہ اداکاری اتنی متاثر کن تھی کہ عامر خان بھی اسے دیکھ کر خوش ہوئے اور متاثر ہوئے بغیر نہ رہ سکے۔
شو میں سنیل گروور کے منفرد انداز اور باریک بینی سے کئی گئی حرکات و سکنات نے حاضرین کو خوب محظوظ کیا اور سوشل میڈیا پر بھی اس کی کافی پذیرائی ہوئی۔
یہ بھی پڑھیں: جیسیکا ہائنس سے ناجائز تعلق اور بچہ، عامر خان ڈی این اے ٹیسٹ کرا لیں میرے پاس ثبوت ہیں، بھائی فیصل خان کا دعویٰ
عامر خان نے اس پر ردعمل دیتے ہوئے کہا کہ وہ سنیل گروور کے اس اداکاری سے بے حد متاثر ہوئے ہیں۔ ان کا کہنا تھا کہ ’میں اسے صرف نقل نہیں کہوں گا یہ اتنی حقیقت پسندانہ تھی کہ مجھے محسوس ہوا جیسے میں خود کو دیکھ رہا ہوں۔ میں نے ایک چھوٹا کلپ دیکھا اور اب پوری قسط دیکھنے جا رہا ہوں۔ جو کچھ میں نے دیکھا وہ واقعی قیمتی تھا، میں اتنا ہنسا کہ سانس نہیں آ رہی تھی‘۔
This is so hillarious ????????????????
Sunil Grover mimics megastar #AamirKhan pic.
— RAJ (@AamirsDevotee) January 3, 2026
عامر خان نے یہ بھی واضح کیا کہ سنیل گروور کی یہ اداکاری کسی بدنیتی پر مبنی نہیں تھی بلکہ خالص تفریحی انداز میں تھی۔ انہوں نے کہا ’اس میں کوئی بُرا ارادہ نہیں تھا، اور میں شاید سب سے زیادہ ہنسا‘۔
واضح رہے کہ اس قسط میں مہمان کے طور پر کارتک آریان اور اننیا پانڈے موجود تھے اور سنیل گروور نے نہ صرف عامر خان کے لباس، اسٹائل بلکہ ان کے بولنے کے انداز اور چلنے کے انداز کی بھی بہترین نقل کی۔ یہ لمحہ سیزن کے سب سے زیادہ مقبول مناظر میں شامل ہو گیا۔
یہ بھی پڑھیں: ’تھری ایڈیٹس‘ کے سیکوئل کی تیاری جاری، عامر خان سمیت پہلے پارٹ کے کتنے اداکار فلم کا حصہ ہوں گے؟
واضح رہے کہ دی گریٹ انڈین کپِل شو کے سیزن 4 کا آغاز پریانکا چوپڑا کی موجودگی سے ہوا تھا۔ شو میں کپِل شرما اور سنیل گروور کے علاوہ کرشنا ابھیشیک، نوجوت سنگھ سدھو اور ارچنا پورن سنگھ بھی مستقل مہمان کے طور پر شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارچنا پورن سنگ بالی ووڈ دی گریٹ انڈین کپل شو سنیل گروور سنیل گروور ویڈیو وائرل عامر خان عامر خان ویڈیو کپل شرما کرشنا ابھیشیک نوجوت سنگھ سدھو
ذریعہ
ذریعہ: WE News
کلیدی لفظ: ارچنا پورن سنگ بالی ووڈ دی گریٹ انڈین کپل شو سنیل گروور عامر خان ویڈیو کپل شرما کرشنا ابھیشیک نوجوت سنگھ سدھو سنیل گروور
پڑھیں:
وسائل پر قبضے کی جنگ: افغان طالبان میں اختلافات کھل کر سامنے آگئے
افغانستان کے صوبے بدخشاں میں سونے کی کانوں، غیر قانونی دولت، مسلح گروہوں کے باہمی مفادات اور قدرتی وسائل پر کنٹرول کے تنازع نے طالبان حکومت کے اندر بڑھتے ہوئے اختلافات کو نمایاں کردیا ہے۔
رپورٹ کے مطابق بدخشاں کی صورتحال طالبان کے سرکاری بیانیے سے مختلف تصویر پیش کرتی ہے، جہاں مختلف دھڑے عوامی فلاح یا حکمرانی کے بجائے سونے کے ذخائر، منشیات سے حاصل ہونے والی آمدنی، غیر قانونی مالی فوائد اور طاقت کے حصول کے لیے ایک دوسرے کے مدمقابل دکھائی دیتے ہیں۔
سونے کے ذخائر پر کشمکش، قندھاری قیادت پر الزاماتبدخشاں میں سونے کی کانوں پر جاری تنازع نے طالبان کے اندر موجود گہرے اختلافات کو نمایاں کر دیا ہے۔
مقامی سطح پر اس بات پر ناراضی پائی جاتی ہے کہ قندھاری طالبان قیادت مبینہ طور پر کانوں، آمدنی کے ذرائع، ریاستی اختیارات اور معاشی فوائد پر اپنا کنٹرول مضبوط کرنے کی کوشش کر رہی ہے، جبکہ مقامی طالبان عناصر کو نظر انداز کیا جا رہا ہے۔
10 ہزار جنگجوؤں کا دعویٰ، انتظامی بیان یا طاقت کا مظاہرہ؟صوبہ زابل کے طالبان نائب گورنر ملا جمعہ خان فتح کی جانب سے 10 ہزار جنگجوؤں پر کمانڈ رکھنے کا دعویٰ بھی توجہ کا مرکز بن گیا ہے۔
رپورٹ کے مطابق یہ بیان ایک فعال انتظامیہ کے نمائندے کے بجائے ایسے مسلح دھڑے کے رہنما کا تاثر دیتا ہے جو دولت، اثر و رسوخ اور اختیار کی اندرونی کشمکش میں اپنی طاقت دکھانے کے لیے تیار ہے۔
تحقیقات کا حکم، بدعنوانی کے اعتراف کے مترادف قرارطالبان رہنما کی جانب سے غیر قانونی کان کنی، منشیات کی تجارت اور شہریوں پر مظالم کے الزامات کی تحقیقات کا حکم اس بات کا اعتراف سمجھا جا رہا ہے کہ طالبان نظامِ حکومت کے اندر مجرمانہ مالی مفادات، وسائل کے استحصالی استعمال اور اختیارات کے ناجائز استعمال کے مسائل موجود ہیں۔
اسلامی انصاف کا دعویٰ سوالات کی زد میںرپورٹ میں کہا گیا ہے کہ طالبان اقتدار سنبھالنے کے بعد بعض عہدیداروں کی اچانک بڑھتی ہوئی دولت، کانوں پر کنٹرول کے لیے دھڑوں کی کشمکش اور ہزاروں جنگجوؤں تک رسائی کے دعوے طالبان کے ’اسلامی انصاف‘ کے بیانیے کو کمزور کرتے ہیں۔ اس صورتحال کو وسائل کی لوٹ مار، عسکری بدعنوانی اور جنگجو سرداروں کی طرز کی سیاست سے تشبیہ دی گئی ہے۔
بدخشاں طالبان طرز حکمرانی کی عکاس تصویررپورٹ کے مطابق بدخشاں میں سونے کے مافیا، منشیات پر مبنی معیشت، مسلح سرپرستی کے نظام، شہریوں کو دباؤ میں رکھنے کے حربے اور مختلف جنگجو گروہوں کے درمیان مسابقت طالبان حکمرانی کی ایک واضح تصویر پیش کرتی ہے۔
اس صورتحال میں مقامی آبادی استحصال کا سامنا کررہی ہے جبکہ طالبان کے مختلف حلقے وسائل اور اثر و رسوخ کے حصول کی دوڑ میں مصروف ہیں۔
تجزیہ کاروں کے مطابق طالبان نے اقتدار میں آنے سے قبل نظم و ضبط، احتساب اور بدعنوانی کے خاتمے کے وعدے کیے تھے، تاہم بدخشاں کی صورتحال قندھاری قیادت کے مبینہ اختیارات پر قبضے، اندرونی اختلافات، معدنی وسائل کی لوٹ مار، منشیات سے جڑی بدعنوانی اور مسلح گروہی طرز عمل کو نمایاں کرتی ہے، جس سے یہ تاثر ابھرتا ہے کہ طالبان حکومت ایک مرکزی ریاستی نظام کے بجائے مختلف مسلح نیٹ ورکس کے اتحاد کی صورت اختیار کر چکی ہے جو اقتدار اور وسائل کی تقسیم پر باہمی کشمکش میں مبتلا ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختلافات افغان طالبان وسائل پر قبضے کی جنگ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ